Kultural feminizm — Müasir cəmiyyətdə maskulin davranışa deyil, feminin davranışa üstünlük verməyi tövsiyə edən feminizm qolu; radikal feminizmin içərisində bir qol olub müxtəlif məsələlərdə fərqli baxışlara sahibdir.[1]
Kultural feminizm, feminizmin elə bir qoludur ki, burada müasir cəmiyyətdə maskulin davranışa deyil, feminin davranışa üstünlük vermək tövsiyə olunur. Bununla kultural feministlər nəyi nəzərdə tuturlar? Onlara görə müasir dünyada kişilər aqressiv və rəqabətcildirlər. Müasir dünyada bu keyfiyyətlər daim təbliğ edilir. Bu gün biznesdə uğur qazanan kişilərin hamısında bu keyfiyyətlər müşahidə olunur. Bu keyfiyyətlər yüksək çinli məmurlarda, senatorlarda və hətta prezidentlərdə də təsadüf edilir. Ola bilsin ki, rəqabət qabiliyyəti və aqressivlik bəzi kontekstlərdə faydalıdır, lakin kultural feministlər iddia edirlər ki, insanlara bu keyfiyyətləri aşılamaqla onlara neqativ hislər ötürülür və nəticədə cinayətlərin – qətllərin, məişət zorakılığının sayı artır. Kultural feministlər iddia edirlər ki, aqressiv kişi davranışı əvəzinə ənənəvi qadın davranışları tətbiq olunsa, cəmiyyət bundan udar. Bununla hansı xüsusiyyətlər nəzərdə tutulur? Bunlar xeyirxahlıq, qayğıkeşlik və əməkdaşlıqdır. İnsanlar bu keyfiyyətlərə üstünlük versələr, cəmiyyət daha fərqli olar. Bütün qurumlarda (ailə, məktəb, səhiyyə və s.) proqres olar. Kultural feministlər əmindirlər ki, feminin keyfiyyətlər dünyanı pislikdən xilas edə bilər. Feminizmin gender bərabərsizliyini aradan qaldırmaq üçün irəli sürdüyü ən əsas arqument ondan ibarətdir ki, qadını kişi istismarından azad etmək lazımdır, çünki qadın zəif olduğuna görə deyil, sosial və mədəni amillərə görə kişi istismarına məruz qalır. Bunu düzəltməkdən ötrü ilk növbədə, qadınlara da kişilərin sahib olduğu hüquq və imkanlar verilməlidir. Bunlar olarsa, qadınlar da kişilərin əldə etdiyi eyni üstünlüklərə sahib ola bilərlər.[1]
Гапова Е. И. Культурный феминизм // Словарь гендерных терминов / Под ред. А. А. Денисовой / Региональная общественная организация "Вovegcток-Запад: Женские Инновационные Проекты". М.: Информация XXI век, 2002. — 256 с. — Режим доступа: http://www.owl.ru/gender/191.htm arxivləşdirilmişdir 18 noyabr 2016 — Wayback Machine (son istifadə tarixi 17.09.2015).