Kul-Oba (ukran. Куль-Оба; rus. Куль-Оба, krım tatar: Kül Oba; kırım tatarcasında "kül təpəsi" mənasını verir.) — 1830-cu ildə Krımın şərqində Kerç şəhəri yaxınlığında tapılmış skiflərin başçısının dəfn tumulusu (kurqan)[1]. Kurqanın eradan əvvəl IV əsrə aid oludğu güman edilir.
Kurqanda çoxlu qızıl və gümüş zinət əşyaları (bilərziklər, sırğalar, madalyonlar,baş geyimləri - tac və s.), xüsusi sandıqlar içərisində silahlar (yüzlərlə tunc ox və nizə ucları) və qızıl-gümüşdən hazırlanan məişət əşyalları (məsələn, qızıl kasa və s.) aşkar edilib[2]. Yanda isə qurban edilən bir qadının zəngin məzarı tapılıb. Güman ki, həmin qadın ölən skif başçısının arvadı və ya kənizi olub.
Tapılmış bütün artefaktlar Sankt-Peterburqdakı Ermitaj muzeyində saxlanılır.
Kurqan 1830-cu ildə P.Dubrux və İvan Stempkovskinin başçılığı ilə aparılan qazıntı işləri nəticəsində tapılıb.
- ↑ https://colorsandstones.eu - Kul-oba, the royal Scythian burial from Crimea, 4th century BCE. Arxiv surəti 17 noyabr 2025 tarixindən Wayback Machine saytında istifadə tarixi: 5 fevral 2026.
- ↑ https://www.encyclopediaofukraine.com - Kul Oba. Arxiv surəti 24 may 2024 tarixindən Wayback Machine saytında İstifadə tarixi: 5 fevral 2026.