Talış brameyası və ya Kristofer brameyası (lat. Brahmaea christophi) — heyvanlar aləminin buğumayaqlılar tipinin həşəratlar sinfinin pulcuqluqanadlılar dəstəsinin brameyalar fəsiləsinin brameya cinsinə aid heyvan növü. Relikt olan endemik növdür. Talış avtoxtonudur. Bir çox alim bu kəpənəyi müstəqil növ deyil yarımnöv olaraq qeyd edirlər. Ümumi sayları çox azdır.
| Talış brameyası | ||||||
|---|---|---|---|---|---|---|
 | ||||||
| Elmi təsnifat | ||||||
|
Domen: Ranqsız: Ranqsız: Ranqsız: Ranqsız: Ranqsız: Aləm: Yarımaləm: Klad: Klad: Ranqsız: Tipüstü: Ranqsız: Ranqsız: Tip: Klad: Yarımtip: Sinif: Ranqsız: Yarımsinif: Budaq: İnfrasinif: Ranqsız: Dəstəüstü: Ranqsız: Dəstə: Yarımdəstə: Klad: Klad: Klad: İnfradəstə: Klad: Klad: Klad: Klad: Klad: Fəsiləüstü: Fəsilə: Cins: Növ: Talış brameyası |
||||||
| Beynəlxalq elmi adı | ||||||
|
||||||
| ||||||
Qanadları ovaldır, enlidir, fonu qara-qonurdur. Ön qanadın uzunluğu 58–62 mm-dir. Qanadlar üzərindəki naxış növbələşən açıq rəngli və tünd dalğalı xətlərlə və qanad kənarındakı əyri-üyrü haşiyə ilə təmsil olunur.
Azərbaycanda əsasən Talış dağları ərazisində və qonşu İran ərazilərində müşahidə edilir. Nadir növdür, 3-cü dövr reliktidir, Xəzərin cənub-qərb sahilinin endemikidir.
Onlar əsasən relik subtropik meşə ərazilərində hündürlüyü 1000 metr olan ərazilərdə yayılmışdır. İl ərzində bir dəfə nəsil verir. Tırtılları iyun-iyul aylarında müşahidə edilir. Pup şəklində qışlayır.
Kəpənəklərin həvəskar kolleksiyaçılar tərəfindən intensiv surətdə tutulması.
Azərbaycanın "Qırmızı kitab"ına daxil edilmişdir. Hirkan Milli Parkında qorunur. Kəpənəklərin tutulması və tırtılların toplanması qəti qadağan edilməlidir. Kəpənəyin populyasiyasının vəziyyəti barədə dəqiq məlumatlar əldə etmək məqsədilə yaşayış sahələrinə müntəzəm monitinqlər təşkil etmək, sayını nəzarətdə saxlamaq lazımdır.