Korenovski rayonu Krasnodar diyarının mərkəzində yerləşir. Ərazinin sahəsi 1426 km²-dir. Bölgənin iqlimi mülayim kontinentaldır.

Korenovski rayonu 2 iyun 1924-cü ildə Cənub-Şərq vilayətinin Kuban dairəsinin bir hissəsi olaraq qurulur. Buraya Kuban-Qara dəniz vilayətinin ləğv edilmiş Krasnodar bölməsinin ərazisinin bir hissəsi daxil idi.

Əvvəlcə rayona 19 kənd şurası daxil idi: Anapski, Babiçe-Korenovski, Babiçe-Çernigovski, Beysuqski, Beysujenski, Berezanski, Bratkovski, Buzinovski, Burakovski, Vıselkovski, Dyadkovski, Juravski, İnoqorodne-Malevanı, Kazaçe-Malevannı, Novosuvorovski, Plastunovski, Platnirovski, Razdolnenski.

16 noyabr 1924-cü ildən bu rayon Şimali Qafqaz diyarının, 10 yanvar 1934-cü ildən Azov-Qara dəniz diyarının bir hissəsi idi.

28 dekabr 1934-cü ildə Vıselkovski və Plastunovski rayonları onun tərkibindən ayrılır.

13 sentyabr 1937-ci ildən Korenovski rayonu Krasnodar diyarının bir hissəsi olur.

SSRİ-də sənaye və kənd ərazilərinin yaradılması ilə, 11 fevral 1963-cü ildə Korenovski rayonu ləğv edildi və ərazisi Krasnodar diyarının Ust-Labinski rayonuna verildi.

3 mart 1964-cü ildə Korenovski rayonu əvvəlki sərhədləri daxilində bərpa edildi.

1993-cü ildə kənd sovetlərinin fəaliyyətinə son verilir. Kənd idarələrinin əraziləri kənd dairələrinə çevrilir.

2005-ci ildə rayonda 10 inzibati vahidlik qurulur. 1 şəhər və 9 kənd inzibati vahidliyi.

2007-ci ildə əhalisi 85,7 min nəfərdir. 1 yanvar 2006-cı il tarixinə rayon əhalisi 85 262 nəfər təşkil etmişdir. Bunlardan 48,2% -i şəhər sakinləri, 51,8% -i kənd sakinləridir. Bütün əhali arasında kişilər 46,3 %, qadınlar 53,7 % təşkil edir. Ümumi əhalinin 50626 (59,4 %) nəfəri əmək qabiliyyətli insanlar, 23,4 %-i pensiyaçılardır.

Kanevski rayonunda 1 şəhər və 9 kənd inzivati vahidliyinə 38 yaşayış məntəqəsi daxildir.

İqtisadiyyatın əsas sahəsi kənd təsərrüfatıdır. Yeyinti sənayesinin iri müəssisələri: süd konserv zavodu, şəkər fabriki (ASC Korenovsksahar).

Krasnodar I — Korenovsk — Tixoretskaya dəmir yolu və Don federal magistral yolu Korenovski rayonundan keçir.

Rayonda 23 ümumtəhsil məktəbi, peşə məktəbi, Kuban Dövlət Universitetinin bir filialı (2013-cü ildə bağlanmışdır) fəaliyyət göstərir.

Rayon kitabxana şəbəkəsinə 25 kitabxana daxildir. Burada 28 klub və mədəniyyət evi, Korenovskaya və Platnirovskaya uşaq incəsənət məktəbləri, milli tarix və diyarşünaslıq muzeyi, kino və video əyləncə müəssisəsi, Korenovskaya mədəniyyət və istirahət parkı var.

Rayonda üç stadion, 26 idman zalı və üzgüçülük hovuzu var.

Rayonda 4 xəstəxana, 34 ambulatoriya və orta tibb məntəqəsi var.

• 2020-10-01 at the Wayback Machine
• Poçt indeksi: