Komi Can't Communicate,[a] Yaponiyada tanınan adı ilə Komi-san wa, Comyushou desu.[b] – Tomohito Oda tərəfindən yazılan və çəkilən manqa seriyası. 2016-cı ilin mayından 2025-ci ilin yanvarına qədər "Shogakukan" nəşriyyatının "Weekly Shōnen Sunday" jurnalında nəşr olunmuşdur. Manqa seriyasının 37 tankobon cildi buraxılmışdır. Manqa seriyası həddən çox sosial narahatlığı olan, insanlarla kommunikasiya qurmaqda çətinlik çəkən Şoko Komi adlı lisey şagirdindən bəhs edir. Sinif yoldaşı Tadano Hitohitonun dəstəyi ilə 100 dost qazanmağa və kommunikasiya bacarıqlarını inkişaf etdirməyə çalışır.
| Komi Can't Communicate | |||||||||||||||||||||||||||||||||||||||
 Birinci tankobon cildinin üzlüyü. Personajlar: Şoko Komi (sağda) və Hitohito Tadano (solda). | |||||||||||||||||||||||||||||||||||||||
| 古見さんは、コミュ症です。 (Komi-san wa, Comyushou desu.) | |||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Janr | romantik komediya, həyat dilimi | ||||||||||||||||||||||||||||||||||||||
| Manqa | |||||||||||||||||||||||||||||||||||||||
| Manqaka | Tomohito Oda | ||||||||||||||||||||||||||||||||||||||
| Nəşriyyat | Shogakukan | ||||||||||||||||||||||||||||||||||||||
| İmprint | Shōnen Sunday Comics | ||||||||||||||||||||||||||||||||||||||
| Jurnal | Weekly Shōnen Sunday | ||||||||||||||||||||||||||||||||||||||
| Demoqrafiya | şonen | ||||||||||||||||||||||||||||||||||||||
| Nəşr tarixi | 18 may 2016 – 29 yanvar 2025 | ||||||||||||||||||||||||||||||||||||||
| Cildlər | 37 (cild siyahısı) | ||||||||||||||||||||||||||||||||||||||
| Fəsil sayı | 500 | ||||||||||||||||||||||||||||||||||||||
| |||||||||||||||||||||||||||||||||||||||
Seriya əsasında çəkilən dorama 2021-ci ilin sentyabrdan noyabrına qədər buraxılmışdır. "OLM" studiyası tərəfindən çəkilən anime serialı adaptasiyasının birinci mövsümü 2021-ci ildə, ikinci mövsümü 2022-ci ildə yayımlanmışdır. Manqa seriyası 2022-ci ildə şonen kateqoriyası üzrə Shogakukan Manqa Mükafatının qalibi olmuşdur.
İtan Özəl Liseyi elit şagirdlər üçün nəzərdə tutulmuş bir liseydir. Şoko Komi liseyin ilk günündəcə öz gözəlliyi və zərifliyi ilə digər şagirdləri özünə heyran qoyur. Sinif yoldaşları Komini "liseyin Madonnası" və ya "ilahəsi" adlandırırlar. Lakin şagirdlərin bilmədiyi bir şey var: Komi kommunikasiya pozuntusundan əziyyət çəkir. O, insanlarla danışa bilmir, sosial narahatlığı var. Kominin bu problemini onun yanında əyləşən digər şagird Hitohito Tadano kəşf edir. Tadano Komidən bir arzusunun olub-olmadığını soruşur. Komi ən böyük arzusunun insanlarla danışmaq və 100 dost qazanmaq olduğunu bildirir. Tadano Komiyə hədəfinə çatması üçün kömək etməyə qərar verir.
Manqa seriyası Tomohito Oda tərəfindən yazılmış və çəkilmişdir. Manqa əvvəlcə 15 sentyabr 2015-ci ildə vanşot kimi "Weekly Shōnen Sunday" jurnalında nəşr olunmuşdur.[1] Manqa seriyası kimi 18 may 2016-cı ildən 29 yanvar 2025-ci ilə qədər "Weekly Shōnen Sunday" jurnalında serializasiya olunmuşdur.[2][3] Manqa seriyasının 37 tankobon cildi nəşr olunmuşdur. Birinci cild 16 sentyabr 2016-cı ildə,[4] 37-ci və sonuncu cild isə 18 mart 2025-ci ildə buraxılmışdır.[3]
Manqa seriyası əsasında çəkilmiş dorama adaptasiyası 6 sentyabr 2021-ci ildə NHK General TV kanalında yayımlanmağa başlamışdır. Doramada Komi rolunu Elayza İkeda, Tadano rolunu Takahisa Masuda canlandırmışdır.[5] Serialın rejissorları Yoşihito Okaşita və Eyci İşii, ssenaristi Fumie Mizuhaşi, bəstəkarı Eyşi Seqavadır.[6] 8 seriyadan ibarət olan serialın sonuncu seriyası 1 noyabr 2021-ci ildə yayımlanmışdır.[7] Aiko serial üçün "Atashitachi"[c] mahnısını ifa etmişdir.[8]
11 may 2021-ci ildə manqa seriyasının anime serialı adaptasiyası anons edilmişdir. "OLM" studiyası tərəfindən çəkilmiş animenin rejissoru Ayumu Vatanabe, ssenaristi Deko Akao, personaj dizayneri Atsuko Nakacimadır.[9] Birinci mövsüm 7 oktyabrdan 23 dekabr 2021-ci ilə kimi TV Tokyo kanalında yayımlanmışdır.[10][11] Açılış mahnısı "Cider Girl" qrupu tərəfindən ifa olunan "Cinderella" mahnısı, bağlanış mahnısı Kitri tərəfindən ifa olunan "Hikare Inochi"[d] mahnısıdır.[12] Animenin birinci seriyası üçün bağlanış mahnısı kimi Kitri tərəfindən ifa olunan "Sympathy" mahnısı istifadə olunmuşdur.[13]
Birinci mövsüm başa çatdıqdan sonra ikinci mövsüm anons edilmişdir.[3] İkinci mövsüm 6 apreldən 23 iyun 2022-ci ilə qədər yayımlanmışdır.[14][15] Birinci açılış mahnısı Miku İto tərəfindən ifa olunan "Ao 100-iro"[e] mahnısı, bağlanış mahnısı "FantasticYouth" qrupu tərəfindən ifa olunan "Koshaberi Biyori"[f] mahnısıdır.
"Polygon" saytı manqanı 2019-cu ilin ən yaxşı komikslərindən biri adlandırmışdır.[16] 2022-ci ildə Shogakukan Manqa Mükafatının "Ən yaxşı şonen manqası" kateqoriyasının qalibi olmuşdur.[17] 2020-ci ildə "AnimeJapan" tərəfindən keçirilmiş "Anime adaptasiyası ən çox istənilən manqalar" sorğusunda birinci yeri tutmuşdur.[18]
Anime adaptasiyasının birinci mövsümü 2022-ci ildə Crunchyroll Anime Mükafatının "Ən yaxşı komediya animesi" kateqoriyasının qalibi olmuşdur.[19]
- ↑ hərf. Komi kommunikasiya qura bilmir
- ↑ yaponca: 古見さんは、コミュ症です。 Hepbörn: Komi-san va, Komyuşo desu, hərf. Komi-sanın kommunikasiya çətinliyi var
- ↑ yaponca: あたしたち Hepbörn: Ataşitaçi, hərf. Biz
- ↑ yaponca: ヒカレイノチ Hepbörn: Hikare İnoçi, hərf. Parla, həyat
- ↑ yaponca: 青100色 Hepbörn: Ao Hyaku-iro, hərf. 100 göy rəng
- ↑ yaponca: 小喋日和 Hepbörn: Koşaberi Biyori, hərf. Qısa söhbət üçün gözəl gün
- ↑ "サンデーにて新鋭の読み切り連弾企画、第1弾にはコミュ症の美少女が登場". Comic Natalie (yaponca). 16 sentyabr 2015. İstifadə tarixi: 18 mart 2025.
- ↑ "「だがしかし」描き下ろしブロマイドがサンデーに！全サ、コミュ症の新連載も". Comic Natalie (yaponca). 18 may 2016. İstifadə tarixi: 18 mart 2025.
- ↑ 1 2 3 Tai, Anita. "Komi Can't Communicate Manga Ends in 2 Chapters (Updated)". Anime News Network (ingiliscə). 14 yanvar 2025. İstifadə tarixi: 18 mart 2025.
- ↑ "美少女なのにコミュ症？サンデー発、オダトモヒトが描く学園生活コメディ". Comic Natalie (yaponca). 16 sentyabr 2016. İstifadə tarixi: 18 mart 2025.
- ↑ "古見さんは、コミュ症です。」NHKでドラマ化！増田貴久、池田エライザが出演". Comic Natalie (yaponca). 23 iyul 2021. İstifadə tarixi: 18 mart 2025.
- ↑ Mateo, Alex. "Komi Can't Communicate Manga Gets Live-Action Series on September 6". Anime News Network (ingiliscə). 22 iyul 2021. İstifadə tarixi: 18 mart 2025.
- ↑ "古見さんは、コミュ症です。：最終話 只野くんを文化祭デートに誘いたい古見さん 万場木さんは背中を押すも…". Mantan Web (yaponca). 1 noyabr 2021. İstifadə tarixi: 18 mart 2025.
- ↑ "aiko「あたしたち」MV公開、刹那的な友達関係を描いた映像作品". Music Natalie (yaponca). 4 noyabr 2021. İstifadə tarixi: 18 mart 2025.
- ↑ "Komi Can't Communicate Romantic Comedy Manga Gets October TV Anime". Anime News Network (ingiliscə). 11 may 2021. İstifadə tarixi: 19 mart 2025.
- ↑ "アニメ「古見さん」第1話、コミュ症の美少女と気持ちを察する男子が友達に". Comic Natalie (yaponca). 4 oktyabr 2021. İstifadə tarixi: 19 mart 2025.
- ↑ "古見さんは、コミュ症です。：テレビアニメ第2期制作決定 花札、修学旅行、バレンタイン、妄想回も！？". Mantan Web (yaponca). 23 dekabr 2021. İstifadə tarixi: 19 mart 2025.
- ↑ "Komi Can't Communicate Anime's Video Previews Theme Songs, Lists Netflix Streaming Globally (Updated)". Anime News Network (ingiliscə). 14 sentyabr 2021. İstifadə tarixi: 19 mart 2025.
- ↑ "Check Out Komi Can't Communicate ED Theme Music Video about Another Clumsy Girl". Crunchyroll (ingiliscə). 13 oktyabr 2021. İstifadə tarixi: 19 mart 2025.
- ↑ "Komi Can't Communicate Anime's 2nd Season Reveals New Opening/Ending Theme Song Artists, Additional Cast, April 6 Premiere". Anime News Network (ingiliscə). 1 mart 2022. İstifadə tarixi: 19 mart 2025.
- ↑ 古見さんは、コミュ症です。「コミュ７３ ホワイトデーです。」. TV Tokyo (yaponca). 30 oktyabr 2023 tarixində arxivləşdirilib. İstifadə tarixi: 19 mart 2025.
- ↑ Polo, Susana. "The best comics of 2019". Polygon (ingiliscə). 30 dekabr 2019. İstifadə tarixi: 20 mart 2025.
- ↑ "Komi Can't Communicate, My Love Mix-Up!, Do not say mystery Manga Win 67th Shogakukan Manga Awards". Anime News Network (ingiliscə). 18 yanvar 2022. İstifadə tarixi: 20 mart 2025.
- ↑ "180,000 Manga Readers Vote for Their Most Wanted Anime Adaptation". Anime News Network (ingiliscə). 24 mart 2020. İstifadə tarixi: 20 mart 2025.
- ↑ "Meet the Winners of This Year's Anime Awards". Crunchyroll (ingiliscə). 9 fevral 2022. İstifadə tarixi: 20 mart 2025.
- websunday.net/work/704/ — "Web Sunday"də manqanın rəsmi saytı (yap.)
- komisan-official.com — Animenin rəsmi saytı (yap.)
- Komi Can't Communicate Netflix-də