Kokos dini – Cənubi Vyetnamın Bençe əyalətində Onq Dao Dua tərəfindən yaradılmış din.[1] 1975-ci ildə yeni sosialist hökumət tərəfindən ləğv olunana qədər Cənubi Vyetnamda mövcud olmuş çoxsaylı dinlərdən biri olmuşdur. Dao Dura dini harmoniyanı təbliğ etmiş, buddizm və xristianlıq kimi bir çox dini birləşdirmişdir. Kokos dini Vyetnam hökuməti tərəfindən din kimi tanınmır.
_Pagoda_2_1969.jpg)
Kokos dini 1963-cü ildə vyetnamlı mistik və alim Nquyen Thanh Nam tərəfindən yaradılmışdır.[2] O, Kokos rahibi,[3] Dinclik peyğəmbəri, Hay dayı[4] kimi adlarla tanınmışdır. Fransa universitetlərinin birində təhsil alan[2] Nam Vyetnamın cənubunda, Bençe əyalətində "Kokos krallığı" adlı su üzərində üzən paqoda qurmuşdur.[2][4] Deyilənə görə o, üç il boyunca ancaq kokosla qidalanmış,[1] bu müddət ərzində daşdan hazırlanmış kiçik səkidə meditasiya ilə məşğul olmuşdur.[5] Nam 1971-ci ildə Cənubi Vyetnam prezident seçkiləri üçün namizədliyini vermiş, lakin həbs olunacağını düşündüyü üçün namizədliyini geri çəkərək "Kokos krallığı"na qayıtmışdır. Bu davranışına baxmayaraq Sayqon hökuməti ona hörmətlə yanaşmış və onu "din adamı" hesab etmişdir.[2][6] O, adətən boynunda xaç gəzdirirdi və buddist geyimi geyinirdi.[7]
Pik nöqtəsində Kokos dininin 4000-ə yaxın təqibçisi var idi. ABŞ romançısı Con Steynbekin oğlu IV Con Steynbek bu dinin inananlarından biri olmuşdur. Kokos dini 1975-ci ildə kommunist rəsmiləri tərəfindən kult hesab olunmuş və qadağan edilmişdir.[2]
Kokos rahibi 1990-cı ildə naməlum səbəblərdən öldükdən sonra Kokos dini tənəzzülə uğramışdır.[8] "Kokos krallığı" turistlər tərəfindən ziyarət olunan görməli yerə çevrilmişdir.
- ↑ 1 2 Dodd, Jan. The Rough guide to Vietnam (4). Rough Guides. 2003. səh. 142. ISBN 9781843530954.
- ↑ 1 2 3 4 5 "Coconut religion". Vinhthong. October 22, 2013 tarixində orijinalından arxivləşdirilib. İstifadə tarixi: May 25, 2013.
- ↑ Ehrhart, William Daniel. Going back: an ex-marine returns to Vietnam. McFarland. 1987. ISBN 9780899502786.
- ↑ 1 2 Vu Trinh. "The Coconut Monk". Vietspring. 1974. 2013-05-01 tarixində orijinalından arxivləşdirilib. İstifadə tarixi: 2013-05-26.
- ↑ Hoskin, John; Howland, Carol. Vietnam (4). New Holland Publishers. 2006. səh. 115. ISBN 9781845375515.
- ↑ Ellithorpe, Harold. "South Vietnam: The Coconut Monk". Far Eastern Economic Review. 1970. səh. 15.
- ↑ "THE OTHER SIDE OF EDEN: LIFE WITH JOHN STEINBECK". American Buddha. June 24, 2013 tarixində orijinalından arxivləşdirilib. İstifadə tarixi: May 26, 2013.
- ↑ Laurance, Robin. Coconut: How the Shy Fruit Shaped our World (ingilis). History Press. 2019-07-01. ISBN 978-0-7509-9273-2.