Kickstarter — ABŞ mərkəzli, yaradıcı layihələrin maliyyələşdirilməsi üçün nəzərdə tutulmuş qlobal kroudfandinq (kütləvi maliyyələşmə) platforması. Şirkətin hüquqi statusu "İctimai Faydalı Korporasiya"dır (ing. Public Benefit Corporation). Platforma əsasən müstəqil istehsalçıların istifadə etdiyi; komiks, rəqs, dizayn, dəb, film və video, qida, oyunlar, musiqi, fotoqrafiya, nəşriyyat, texnologiya və teatr daxil olmaqla ümumilikdə 13 fərqli sahədə çalışan sənətçilər və ixtiraçılara öz layihələrini həyata keçirməyə imkan verir.
| Kickstarter | |
|---|---|
 | |
| Ümumi məlumatlar | |
| Sənaye | İnternet, Kraudfandinq |
| Təsis tarixi | 28 aprel 2009[1] |
| kickstarter.com | |
 Vikianbarda əlaqəli mediafayllar | |
2014-cü ildə Kickstarter vasitəsilə 22,252 layihə maliyyələşdirilmişdir.[2] 2016-cı ildə isə şirkət ümumilikdə 100,000-ci müvəffəqiyyətli layihənin maliyyələşdiyini elan etmişdir.[3]
Kickstarter "hamısı və ya heç nə" (ing. all-or-nothing) prinsipi ilə işləyir. Layihə sahibi istehsal üçün lazım olan məbləği və müddəti təyin edir. Əgər hədəflənən məbləğ təyin olunan vaxt ərzində yığılarsa, Kickstarter yığılmış vəsaitin 5%-ni komissiya olaraq tutur. Əgər hədəfə çatılmazsa, ianəçilərin pulu geri qaytarılır və layihə sahibi heç bir vəsait almır.
Hazırda layihə təqdim etmək imkanı yalnız müəyyən ölkələrin (ABŞ, Avstraliya, Avstriya, Kanada, Belçika, Almaniya, İspaniya, İsveçrə, Böyük Britaniya, Danimarka, Fransa, İrlandiya, Lüksemburq, Honq Konq, Norveç, Niderland, İtaliya, Sinqapur, Yeni Zelandiya və İsveç) sakinləri üçün aktivdir.
Layihə başlatmaq üçün əsas şərtlər:
- 18 yaşını tamamlamış olmaq (18 yaşdan kiçiklər üçün valideyn və ya qəyyum nümayəndəliyi tələb olunur);
- Siyahıda qeyd olunan ölkələrdən birində daimi yaşayış icazəsinə malik olmaq;
- Şəxsiyyəti təsdiq edən sənəd, qeydiyyat ünvanı və müvafiq ölkənin bank hesabına sahib olmaq;
- Debet və ya kredit kartına sahib olmaq.[4]
- ↑ https://www.kickstarter.com/about.
- ↑ "2014: By The Numbers" (ingilis). kickstarter.com. 15 oktyabr 2015 tarixində arxivləşdirilib. İstifadə tarixi: 23 fevral 2026.
- ↑ "The First 100,000 Funded Kickstarter Projects in 100 Numbers" (ingilis). kickstarter.com. 8 fevral 2016. 1 avqust 2016 tarixində arxivləşdirilib. İstifadə tarixi: 23 fevral 2026.
- ↑ "Kickstarter Nedir?" (türk). TeknoPital. 12 mart 2017 tarixində arxivləşdirilib. İstifadə tarixi: 23 fevral 2026.
Vikianbarda Kickstarter ilə əlaqəli mediafayllar var.- kickstarter.com/about — rəsmi saytı