Keysuke rododendronu

Keysuke rododendronu (lat. Rhododendron keiskei) — bitkilər aləminin erikaçiçəklilər dəstəsinin erikakimilər fəsiləsinin rododendron cinsinə aid bitki növü.

Keysuke rododendronu
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Dəstə: Erikaçiçəklilər Fəsilə: Erikakimilər Yarımfəsilə: Ericoideae Triba: Rhodoreae Cins: Rododendron Növ: Keysuke rododendronu
Beynəlxalq elmi adı
Rhododendron keiskei Miq.
Şəkil axtarışı NCBI   118362

Təbii yayılması

Yaponiyada dağ vadilərində, yamaclarda, qayalıq torpaqlarda rast gəlinir.

Botaniki təsviri

Hündürlüyü 1 m-ə qədər, bəzən daha artıq olan həmişəyaşıl koldur. Cavan zoğları xırda yarpaqlarla örtülmüşdür, çox vaxt torpağa yapışır. Yarpaqları uzunsov-lansetvarıdan ellipsvarıyadək dəyişir, bünövrəsində yumru, uzunluğu 3-8 sm, eni 1,2-3,0 sm, üst tərəfi tünd yaşıldır, orta damarcıqda tükcüklü, alt tərəfi qabıqlarla örtülmüşdür. Cavan yarpaqları bürünc rənglidir. Saplaqların uzunluğu 4-5 mm olub, uzun tükcüklərlə örtülmüşdür. Çiçək qruplarında çiçəkləri 2-6 ədəddir, bir az sarımtıldır. Çiçək tacı enli-zəngvari, qısa borucuqlu, diametri 4 sm, üstü qabıqlarla örtülmüşdür. Çiçək saplaqları qabıqlıdır. Kasacığı üstdən qabıqlı-tükcüklüdür. Erkəkcikləri 10 ədəd, bünövrəsində onların saplaqları az miqdarda tükcüklərlə örtülmüşdür. Sütuncuğu çılpaq, erkəkciklərdən uzundur.

Ekologiyası

Dağ yamaclarında və vadilərində bitir.

Azərbaycanda yayılması

Mədəni şəraitdə 1898-ci ildən məlumdur. 1978-ci ildə Mərdəkan dendrarisində və Mərkəzi Nəbatat Bağında introduksiya olunmuşdur.

İstifadəsi

Yaşıllaşdırmada geniş istifadəsi məqsədyönlüdür. Sənayedə qatran kimi istifadə oluna bilər.