Ketrin Meri Briqqs (ing. Katharine Mary Briggs; 8 noyabr 1898[1][2][…], Hampsted, Böyük London – 15 oktyabr 1980[1][2][…]) — britaniyalı folklorçu və yazıçı. O, The Anatomy of Puck (Şaybanın anatomiyası), dörd cilddən ibarət A Dictionary of British Folk-Tales in the English Language (İngilis dilində Britaniya Xalq Nağılları Lüğəti) və pərilər, folklor haqqında bir çox digər kitabların müəllifidir. 1969–1972-ci illər arasında Folklor Cəmiyyətinin prezidenti olmuş və bu cəmiyyət onun həyatını və fəaliyyətini anmaq üçün onun adını daşıyan bir mükafat təsis etmişdir.[3]
| Ketrin Meri Briqqs | |
|---|---|
| Doğum tarixi | 8 noyabr 1898[1][2][…] |
| Doğum yeri | |
| Vəfat tarixi | 15 oktyabr 1980[1][2][…] (81 yaşında) |
| Fəaliyyəti | esseist, yazıçı, xalq nağılları kolleksiyaçısı |
Ketrin Briqqs Londonun Hampsted bölgəsində anadan olmuşdur. O, Yorskirdən olan Halifaks və Ueykfilddə kömür sənayesində böyük uğur qazanan bir ailənin nümayəndəsi olan Ernest Edvard Briqqsin və Meri Kuperin üç sağ qalmış qızından ən böyüyü idi. Digər iki bacısı Vinfred və Elspet adlanırdı.[4] Ernest akvarel rəssamı idi və xüsusilə Şotlandiya mənzərələrinə maraq göstərirdi. O, tez-tez uşaqlarına hekayələr danışırdı ki, bu da Ketrinin folklor və nağıllara olan ömürlük marağının formalaşmasına səbəb ola bilər. Ailə 1911-ci ildə Pertşirə köçmüş və burada Ernest Dalbiti adlanan ev tikmişdir. Lakin o, 1913-cü ildə vəfat etmişdir. Ketrin 1918-ci ildə Oksford Universitetində Ledi Marqaret Holl Kollecinə daxil olmuşdur, 1922-ci ildə bakalavr, 1926-cı ildə isə magistr dərəcəsi almışdır.[5][6]
Ailə kömür sənayesindən gəlir əldə etdiyi üçün Ketrin işləmək məcburiyyətində deyildi. Buna görə də, evə qayıtdıqdan sonra o, folklor və XVII əsr İngilis tarixi üzrə tədqiqatlarını davam etdirdi, eyni zamanda pyeslər yazır və təşkil edirdi. O, Folklor in Jacobean Literature adlı doktorluq dissertasiyasını İkinci Dünya Müharibəsindən sonra müdafiə etmişdir. Müharibə zamanı isə Ketrin Polşa qaçqın məktəbində müəllimlik etmiş və Hərbi Hava Qüvvələrinin tibb bölməsində çalışmışdı.[7]
Briqqs folklorşünas kimi tanındı.[8] Onun ilk kitabı The Personnel of Fairyland Britaniya pəriləri haqqında idi. Daha sonra o, The Anatomy of Puck, Pale Hecate's Team (1962), An Encyclopedia of Fairies (1976) və bir çox digər folklor kitablarını yazdı. Bundan əlavə, o, The Legend of Maiden-Hair, Hobberdy Dick və Kate Crackernuts kimi uşaq kitablarının da müəllifi olmuşdur.[9]
1970-ci ildə nəşr olunan A Dictionary of British Folk-Tales in the English Language: Part A: Folk Narrative əsəri 2011-ci ildə Folk Tales of Britain adı ilə üç cilddə yenidən çap olundu.[10]Filip Pulman bu kitabın girişində onu Britaniya xalq nağıllarının ən dolğun və nüfuzlu toplusu kimi qiymətləndirmişdir. 1969-cu ildə Ketrin Briqqs ədəbiyyat üzrə doktorluq dərəcəsi almışdır və Folklor Cəmiyyətinin prezidenti seçilmişdir. O, bu vəzifəni 1972-ci ilə qədər icra etdi və cəmiyyət onun şərəfinə bir mükafat təsis etmişdir.[3]
Briqqs həyatının son illərini Oksfordşirin Burford şəhərində Barn House adlı evdə keçirmiş[11] və 15 oktyabr 1980-ci ildə 82 yaşında vəfat etmişdir.[8]
Ketrin Briqqs Folklor Mükafatı onun həyatını və elmi fəaliyyətini anmaq və folklor araşdırmalarını təşviq etmək məqsədilə Folklor Cəmiyyəti tərəfindən təsis edilmiş illik kitab mükafatıdır.[3]
- The Personnel of Fairyland: A Short Account of the Fairy People of Great Britain for Those Who Tell Stories to Children (1953) – Ceyn Mur tərəfindən illüstrasiya edilmişdir.
- Hobberdy Dick (1955) – uşaq romanı.
- The Anatomy of Puck: An Examination of Fairy Beliefs among Shakespeare's Contemporaries and Successors (1959).
- Pale Hecate's Team: An Examination of the Beliefs on Witchcraft and Magic among Shakespeare's Contemporaries and His Immediate Successors (1962).
- Kate Crackernuts (1963) – uşaq romanı, Ceyn Kinqshill tərəfindən illüstrasiya olunmuşdur.
- Folktales of England (1965) – Ruth L. Tongue ilə birgə edilmişdir.
- The Fairies in Tradition and Literature (1967); ABŞ nəşrində adı The Fairies in English Tradition and Literature olaraq dəyişdirilmişdir.
- Dictionary of British Folk-Tales in the English Language (dörd cild, 1970–71).
- The Folklore of the Cotswolds (1974) – Qay Con Galsvorsi tərəfindən illüstrasiya olunmuşdur.
- A Dictionary of Fairies: Hobgoblins, Brownies, Bogies, and Other Supernatural Creatures (1976); ABŞ nəşrində adı An Encyclopedia of Fairies olaraq dəyişdirilmişdir.
- A Sampler of British Folk-Tales (1977); başqa nəşrində British Folk-Tales and Legends: A Sampler adı ilə çap olunmuşdur.
- The Vanishing People: A Study of Traditional Fairy Beliefs (1978); ABŞ nəşrində Fairy Lore and Legends alt adı ilə çap olunmuşdur.
- Abbey Lubbers, Banshees & Boggarts: A Who's Who of Fairies (1979); ABŞ nəşrində An Illustrated Encyclopedia of Fairies alt başlığı ilə çap olunmuşdur.
- Nine Lives: Cats in Folklore (1980); ABŞ nəşrində The Folklore of Cats alt başlığı ilə çap olunmuşdur.
- ↑ 1 2 3 4 Katharine M. Briggs // Internet Speculative Fiction Database (ing.). 1995.
- ↑ 1 2 3 4 Katharine Mary Briggs // FemBio database (alm.).
- ↑ 1 2 3 "The Katharine Briggs Folklore Award". The Folklore Society.
- ↑ "Page N1 | Supplement 62507, 29 December 2018 | London Gazette | the Gazette".
- ↑ "iPod designer leads culture list". BBC. 17 November 2016.
- ↑ "iPod designer voted UK's most influential cultural icon". The Register. 17 November 2016.
- ↑ (Carnegie Winner 1995) Arxivləşdirilib 24 dekabr 2013 at the Wayback Machine. Living Archive: Celebrating the Carnegie and Greenaway Winners. CILIP. Retrieved 9 July 2012.
- ↑ 1 2 Katharine M. Briggs (author), The Folio Society.
- ↑ "70 Years Celebration: Anniversary Top Tens" Arxivləşdirilib 27 oktyabr 2016 at the Wayback Machine. The CILIP Carnegie & Kate Greenaway Children's Book Awards. CILIP. Retrieved 9 July 2012.
- ↑ "BBC – The Big Read". BBC. April 2003. Retrieved 25 July 2019
- ↑ Haase, Donald. The Greenwood Encyclopedia of Folktales and Fairy Tales. Greenwood. 2008. səh. 139. ISBN 978-0-313-33442-9.
- "The letters and papers of Katharine Mary Briggs". UK: Archives Hub..
- Katharine Briggs Papers, Special Collections at the University of Southern Mississippi (de Grummond Children's Literature Collection)
- "Ernest Edward Briggs and Katharine" (genealogical entries and biographical sketches). New Zealand: Stowell. 5 February 2013 tarixində orijinalından arxivləşdirilib. İstifadə tarixi: 5 February 2006..
- "Briggs" (PDF) (biographical sketch). University of Leeds..
- "The Katharine Briggs Folklore Award". The Folklore Society.; commemorates Briggs as scholar and former Folklore Society President.
- Katharine Mary Briggs Konqres Kitabxanasında Authorities, with 36 catalogue records