Ket Denninqs (doğum adı: Ketrin Viktoriya Litvak; 13 iyun 1986, Brin-Maur[d], Montqomeri[d], Pensilvaniya, ABŞ) — ABŞ aktrisası. O, CBS-in "2 cibiboş qız" (orij. "2 Broke Girls") (2011-2017) komediya serialında Maks Blek roluna və "Tor" (2011) filmi ilə başlayan Marvel Kinematoqrafiya Kainatının superqəhrəman filmlərindəki Darsi Lüis obrazına görə geniş tamaşaçı kütləsinə tanışdır.
| Ket Denninqs | |
|---|---|
 | |
| Doğum adı | Katherine Victoria Litwack |
| Doğum tarixi | 13 iyun 1986 (39 yaş) |
| Doğum yeri |
|
| Fəaliyyəti | aktrisa, televiziya aktrisası, kino aktrisası, səsləndirmə aktrisası[d] |
| Fəaliyyət illəri | 2000-ci ildən |
| IMDb | ID0993507 |
| katdennings.com | |
 Vikianbarda əlaqəli mediafayllar | |
2000-ci ildə aktrisa kimi ilk addımını atan K. Denninqs bugünə qədər onlarca layihədə iştirak edib. "Qırx yaşlı təmiz oğlan" (orij. "The 40-Year-Old Virgin") (2005), "Böyük ananın evi 2" (orij. "Big Momma's House 2") (2006), "Çarli Bartlett" (2007), "Evdəki dovşancıq" (orij. "The House Bunny") (2008), "Nik və Noranın sonsuz pleylisti" (2008), "Qısa əhvalatlar" (orij. "Shorts") (2009), "Himayədar" (orij. "Defendor") (2009) və "Şəhərətrafının qaranlıq üzü" (orij. "Suburban Gothic") (2014) filmləri onun filmoqrafiyasında əsas işlər hesab olunur.
Ketrin Viktoriya Litvak 1986-cı il iyunun 13-də Pensilvaniya ştatının Brin-Maur şəhərində anadan olub.[1][2][3] Anası Ellen Cudit Litvak şair və nitq terapevti,[4][5] atası Cerald C. Litvak isə molekulyar farmakoloq, universitet professoru və kafedra rəhbəri olub. K. Denninqs ailənin beşinci, yəni ən kiçik övladıdır. Ailə yəhudi mənşəlidir.[1][6][7][8] O, Pensilvaniya ştatının Vinvud şəhərində yerləşən Penn-Kottec adlı tarixi bir evdə böyüyüb. 1694-cü ildə inşa edilmiş bu ev haqqında aktrisa özü deyib ki, orada bir növ "qeyri-adi" (paranormal) şeylər baş verirdi.[9]
Aktrisa kimi ilk addımlarını 9 yaşında reklam meydançalarında atıb. Ailəsinin maddi vəziyyəti peşəkar dərslər üçün heç vaxt kifayət etməyib.[10] İlk qazancını kartof çipsi üçün çəkilmiş reklamdan əldə edib. Hərçənd ki, məhsulun tərkibindəki zərərli maddə səbəbindən reklam çarxı heç vaxt yayımlanmayıb.[11] Karyerasının əvvəllərində SAG kartını qazanmaq üçün çəkilişlərdə kiçik epizodik rollara razılaşır.
Məktəbə demək olar ki, ayaq basmayıb: təhsilini evdə alıb. "Friends' Central School"da cəmi yarım gün oxuması onun ənənəvi məktəblə yeganə təması sayılır. 14 yaşında attestatını alır[12] və aktrisa karyerasını ciddi şəkildə davam etdirmək məqsədilə ailəsini də götürür Los-Ancelesa köçür.
2008-ci ildə "Philadelphia" jurnalına müsahibəsində "Denninqs" soyadını niyə seçdiyini açıqlayıb. Onun sözlərinə görə, öz əsl soyadı ona "arzuolunmaz" görünürmüş. Bundan savayı bu soyad vasitəsilə kimin onu gerçəkdən tanıdığını, kimin tanımadığını da sezmək istəyirdi. Soyadın kökü isə anasının yaxın dostu Lloyd Aleksanderin həyat yoldaşı Cenin Denninin soyadına gedib çıxır.[13]
K. Denninqs 2008-ci ildə açıqlayıb ki, yəhudilik onun üçün "mənşəyinin vacib bir parçasıdır, lakin din bütövlükdə həyatında yer tutmur." O özünü dini kimlikdən daha çox etnik və mədəni baxımdan bu köklərə bağlı hesab edir.
2001-2010-cu illər arasında K. Denninqsin şəxsi bloqu fəaliyyət göstərib, o həmçinin "YouTube"da videobloq formatını da sınamışdı.
2021-ci ilə olan məlumatlara görə K. Denninqs Milli adlı pişiyi ilə birlikdə Los-Ancelesdə məskunlaşıb.[14] Aktrisa heyvanların müdafiəsinə həssaslıqla yanaşır.[14][15]
- 1 2 Rys, Richard. "Exit Interview: Kat Dennings". Philadelphia. 24 sentyabr 2008. 21 iyul 2015 tarixində arxivləşdirilib. İstifadə tarixi: 17 noyabr 2014.
- ↑ Leiren-Young, Mark. "Daydream Nation director Michael Goldbach emerges from Don McKellar's shadow". The Georgia Straight. 8 aprel 2011. 2 noyabr 2014 tarixində orijinalından arxivləşdirilib. İstifadə tarixi: 17 noyabr 2014.
- ↑ Gross, Dan. "Dan Gross: 'Charlie Bartlett' co-star Kat Dennings fond of Philly roots". Philadelphia Daily News. 18 fevral 2008. 8 mart 2008 tarixində arxivləşdirilib. İstifadə tarixi: 12 avqust 2008.
- ↑ Abcairn, Robin. "Swag!". Los Angeles Times. 26 avqust 2006. 6 mart 2016 tarixində arxivləşdirilib. İstifadə tarixi: 12 avqust 2008.
- ↑ "Charlie Bartlett – Kat Dennings interview". IndieLondon. 20 iyul 2015 tarixində arxivləşdirilib. İstifadə tarixi: 4 oktyabr 2008.
- ↑ Klein, Amy. "'Nick and Norah' star Kat Dennings is infinitely Jewish, in her own way". The Jewish Journal of Greater Los Angeles. 29 oktyabr 2008. 17 may 2018 tarixində arxivləşdirilib. İstifadə tarixi: 21 dekabr 2014.
- ↑ Elkin, Michael. "Kid Kat: A local suburban teen plans on 'Raising Dad'". The Jewish Exponent. 19 iyul 2001. ISSN 0021-6437.
- ↑ Tanenbaum, Gil. "Kat Dennings To Star In "To Write Love On Her Arms"". Jewish Business News. 28 dekabr 2014. 17 may 2018 tarixində arxivləşdirilib. İstifadə tarixi: 16 may 2018.
- ↑ Cummings, Whitney. Ep #29: KAT DENNINGS | Good For You Podcast with Whitney Cummings. 21 may 2020. 10 may 2021 tarixində arxivləşdirilib. İstifadə tarixi: 10 may 2021 – YouTube vasitəsilə.
- ↑ Interview: '2 Broke Girls' Star Kat Dennings On Acting From a Young Age. Backstage. 6 iyun 2013. 7 noyabr 2021 tarixində arxivləşdirilib. İstifadə tarixi: 10 may 2021 – YouTube vasitəsilə.
- ↑ "A chip of the 'Broke'". The Asian Age. 9 aprel 2018. 1 avqust 2021 tarixində arxivləşdirilib. İstifadə tarixi: 10 may 2021.
- ↑ Maher, Kevin. "Kat Dennings offers directors a touch of va-va-voom". The Times. 29 yanvar 2009. 15 iyun 2011 tarixində arxivləşdirilib. İstifadə tarixi: 29 yanvar 2009.
- ↑ Lowe, Lindsay. "Kat Dennings reveals her real name — and why she changed it — on Kylie Kelce's podcast". Today. 14 mart 2025. İstifadə tarixi: 5 aprel 2025.
- 1 2 "Kat Dennings Tells Ellen She Thought About Adopting A Rescue Fox In Quarantine". ET Canada. 14 fevral 2021. 15 fevral 2021 tarixində orijinalından arxivləşdirilib. İstifadə tarixi: 10 may 2021.
- ↑ officialkat. "This is HUGE news!! Thank you @bestfriends for everything you do for the animals. Hopefully other cities come together to follow this amazing example 🐾♥️" (Tweet). 19 mart 2021. İstifadə tarixi: 10 may 2021.
- ↑ Horkins, Tony. "The New Regime: Kat Dennings". BlackBook. 7 dekabr 2008. 9 dekabr 2008 tarixində orijinalından arxivləşdirilib.
- ↑ Radloff, Jessica. "2 Broke Girls' Kat Dennings Opens Up About Cupcakes, the Co-Star She's Dating, and Her Trademark Red Lipstick!". Glamour. 24 sentyabr 2012. 28 iyul 2017 tarixində arxivləşdirilib. İstifadə tarixi: 25 iyun 2024.
- Ket Denninqs — IMDb səhifəsi