Karlos Luiz de Burbon (isp. Carlos Luis María de Borbón y Braganza) və ya sonradan VI Karl (isp. Carlos VI; 31 yanvar 1818[1][2][…], Madrid – 13 yanvar 1861[1][2][…], Triest) — İspaniya taxt-tacının Karlist iddiaçısı.[4][5][6][7][8]
| Karlos Luiz de Burbon | |
|---|---|
| isp. Carlos Luis de Borbón y Braganza | |
 | |
İspaniya taxt-tacının Karlist kralı VI Karl adıyla | |
| 18 may 1845 – 13 yanvar 1861 | |
| Əvvəlki | İnfant Karl Mariya İsidro |
| Sonrakı | Xuan Karlos de Burbon |
| Şəxsi məlumatlar | |
| Doğum tarixi | 31 yanvar 1818[1][2][…] |
| Doğum yeri | |
| Vəfat tarixi | 13 yanvar 1861[1][2][…] (42 yaşında) |
| Vəfat yeri | |
| Atası | İnfant Karl Mariya İsidro[3] |
| Anası | İnfanta Mariya Fransiska Braqanza[3] |
| Təltifləri |
    |
 Vikianbarda əlaqəli mediafayllar | |
1818-ci ildə Madriddə dünyaya gəldi. Atası İspaniya kralı IV Karlın oğlu İnfant Karl İsidro, anası isə Portuqaliya kralı VI Conun qızı İnfanta Mariya Fransiskadır. Gənclik illəri boyunca Portuqaliya və Böyük Britaniyada sürgün həyatı yaşadı. Birinci Karlist Müharibəsi boyunca şimal cəbhəsində atasına dəstək verdi. Müharibənin ardından isə hər ikisi Fransada məskunlaşdı.
Atasının 1845-ci ildə taxt hüququndan imtina etməsilə, Karlist iddiasını davam etdirdi. Real hakimiyyəti əlində saxlayan əmisi qızı II İzabellayla evlənərək Karlizm iddiasına son qoyulması müzakirə edildi. Ancaq kraliçanın 1846-cı ildə digər əmisi oğlu İnfant Fransisko Asislə evlənməsi bu müzakirələri nəticəsiz qoydu. Ardından silahlı çatışma üçün əsgər toplamağa başladı. Londona köçdü və qısa zaman sonra İkinci Karlist Müharibəsinə başladı. 1847-ci ilin aprelində İspaniyaya əsgər çıxarmağa çalışsa da, Fransa sərhəddində dayandırıldı və yenidən Londona qayıtdı. ABŞ-ın Madriddəki səfiri tərəfindən, taxta çıxdığı halda Kuba adasını Amerikaya təslim etməsi şərtilə maddi dəstək veriləcəyi təklif edilsə də, İspaniyanın bütövlüyünü pozmaqdansa, ömür boyu sürgündə yaşamağa razı olduğunu bildirdi və bu təklifi geri çevirdi.
10 iyul 1850-ci ildə İki Siciliya kralı I Fransiskin, eyni zamanda bibisi Mariya İzabellanın qızı Mariya Karolina ilə Kazerta sarayında evləndi. Ancaq cütlüyün övladı olmadı.
1855-ci ildə Burbon ailəsinin hər iki qolu arasında sülhü təmin etmək məqsədilə, əmisi oğlu İnfant Fransisko Asislə danışıqlara başladı. Ancaq bu danışıqlar nəticəsiz qaldı və may ayında İspaniyada kiçik bir Karlist üsyanı başladı. 1860-cı ilin martında mərkəzi hakimiyyətə boyun əyməyən donanma kaptanlarını yanına çəkərək yeni bir üsyana hazırlaşdı. Ancaq öz əsgərlərinin ona tabe olmaması nəticəsində üsyan daxildən parçalandı və Karlos Luiz qardaşı Fernandoyla birlikdə 21 apreldə ələ keçirildi. Tortosaya həbs olunan qardaşlar burada taxt hüququndan imtina etmələri barədə sənədə imza atmağa məcbur edildilər. Ardından azad edildilər və Triestə getdilər. 15 iyunda isə bu sənədə zorla imza atdıqlarını və keçərli olmadığını bəyan etdilər. Digər tərəfdən isə Karlos Luizin digər qardaşı və varisi olan Xuan Karlos bu sənədi keçərli qəbul edərək böyük qardaşının səltənətinin bitdiyini və özünün yeni Karlist iddiasını elan etdi.
1861-ci ilin yanvarında Karlos Luiz, xanımı Mariya Karolina və kiçik qardaşı Fernando, ehtimal ki, tifus epidemiyası səbəbilə ard-arda vəfat etdilər. Hər üçü də Triestdəki bir kafedrala dəfn edildilər. Ölümünün ardından digər qardaşı Xuan Karlos İspaniya taxt-tacının yeganə Karlist iddiaçısı olaraq hakimiyyətini davam etdirdi.
- Walther L. Bernecker, Horst Pietschmann: Geschichte Spaniens. Von der frühen Neuzeit bis zur Gegenwart. 4. Auflage. Kohlhammer, Stuttgart 2005, ISBN 3-17-018766-X
- ↑ 1 2 3 4 Carlos Luis de Borbon conde de Montemolin // Encyclopædia Britannica (ing.).
- ↑ 1 2 3 4 Carlos Luis María Fernando de. Borbón y Braganza // Diccionario biográfico español (isp.). Real Academia de la Historia, 2011.
- ↑ 1 2 Lundy D. R. Carlos Luis de Borbón, Duque de Montelimon // The Peerage (ing.).
- ↑ . Vinader. Biografía del señor Don Cárlos Luis Maria de Borbon y de Braganza, Conde de Montemolin: Abraza ... (Spanish). 1855.
- ↑ Historia biogrâafica del conde de Montemolin, apellidado Câarlos VI por sus partidarios (Spanish). 1893.
- ↑ "Person Page". www.thepeerage.com. İstifadə tarixi: 2025-05-17.
- ↑ Proyectos, HI Iberia Ingeniería y. "Historia Hispánica". historia-hispanica.rah.es (ispan). İstifadə tarixi: 2025-05-17.
- ↑ "Carlos Luis de Borbón, count de Montemolín | Spanish Royalty, Succession Crisis, Bourbon Dynasty | Britannica". www.britannica.com (ingilis). İstifadə tarixi: 2025-05-17.