Kardioməşq — ürək döyüntüsünü artıran və nəfəs alış-verişini sürətləndirən istənilən fiziki hərəkətlərin həyata keçirilməsidir. Ənənəvi olaraq kardioməşq deyərkən aerobika, sürətli yerimə, qaçış, velosiped sürmə, üzgüçülük, tennis, avarçəkmə, ip atlama, ağırlıq qaldırma, və s. başa düşülür[1]. Güç məşqləri də kardio rejimdə keçirilə bilər. Kardioməşqlərin effektivliyini artırmaq üçün nizamlı formada, konkret vaxt aralığında davamlı etmək lazımdır.
Kardioməşqin digər idman hərəkətlərindən əsas fərqlərindən biri bu idman hərəkətlərinin demək olar ki, hər yerdə (evdə, küçədə, idman zalında və s.) etmək mümkündür. Məsələn, yerində addımlama (müxtəlif templərdə), yuxarıya tullanma, pilləkənlər üzrə aşağı və yuxarı hərəkət, boks və rəqs hərəkətləri evdə edilə biləcək kardioməşq kimi nəzərdə tutula bilər[2]. Bəzi kordioməşqlər üçün xüsusi idman aparatları lazım olsa da, əksər hallarda heç bir idman aparatına ehtiyac olmur.
Kardioməşqlərin iki əsas növü vardır:
- HİİT — qısa vaxt ərzində dəyişilən intensiv məşq hərəkətlərindən ibarət olan yüksək intensiv interval məşqlər — qısa zaman ərzində daha çox kalori yandırmağa kömək edir;
- LİT — aşağı intensiv məşqlər (məsələn, trenajorda uzun müddət qaçış)
- İmmunitet sistemini gücləndirir;
- Yorğunluq hissini azaldır və əhval-ruhiyyəni (enerjini) yüksəldir[3];
- Endorfin hormonunu artırır və kortizol hormonunu azaldır, beləcə depressiya riskini azaltmış olur.
- Yuxu rejimini tənzimləyir;
- Ürək-damar sistemini gücləndirir, qan təzyiqini və xolesterini optimallaşdırır[4][5];
- Ağciyərlərin hava tutumunu artırır;
- Konsentrasiyanı yaxşılaşdırır;
- Cinsiyyət hormonlarının ifrazını artırır;
- Kalori yandırılmasına kömək edərək çəkini tənzimləyir[6].
Ürək ritmi daim nəzarətdə saxlanılmalıdır. Həddindən artıq kardioməşq hazırlıqsız insanlara mənfi təsir göstərə, ürəyi yora bilər. Eyni zamanda kardioməşq üçün lazım olan enerjini təmin etmək üçün yaxşı qidalanmaq, protein və karbonhidrat əsaslı qidalanmaq lazımdır.
- ↑ KARDİYO EGZERSİZLERİ! AMAÇ VE DİKKAT EDİLMESİ GEREKENLER. İstifadə tarixi: 14 mart 2026.
- ↑ 9 Cardio Workouts You Can Do At Home. İstifadə tarixi: 14 mart 2026.
- ↑ Cardio Exercise: 7 workouts to boost energy, fight disease, and help you live longer. İstifadə tarixi: 14 mart 2026.
- ↑ Top 10 Cardio Exercises for a Stronger Heart. İstifadə tarixi: 14 mart 2026.
- ↑ The ‘best’ cardio workout for a healthy heart. İstifadə tarixi: 14 mart 2026.
- ↑ A List of 14 Types of Cardio Exercises to Get You Moving. İstifadə tarixi: 14 mart 2026.