Kanadanın Türkiyə və Azərbaycandakı səfirliyi — Kanadanın Azərbaycanda və Türkiyədə diplomatik nümayəndəliyi. Səfirlik Kanadanın rəsmi nümayəndəliyi olaraq Türkiyə və Azərbaycan arasında diplomatik münasibətlərə aid bütün məsələləri əhatə edir. O, Kanadanın siyasi, iqtisadi, maliyyə və hüquqi məsələlər, eləcə də elm, təhsil, mədəniyyət və s. sahələrində maraqlarını Türkiyədə və Azərbaycanda təmsil edir.
| Kanadanın Türkiyə və Azərbaycandakı səfirliyi | |
|---|---|
 | |
| Ünvan |  Ankara, Türkiyə, Cinnah Caddesi 58, Çankaya 06690 |
| Səfir | Kevin Hamilton |
| Sayt | Embassy of Canada to Turkey and Azerbaijan |
Əlavə olaraq İstanbulda Kanadanın Baş Konsulluğu fəaliyyət göstərir. Viza müraciətlərinə İstanbuldakı Baş Konsulluq (və ya səlahiyyətli viza mərkəzləri) vasitəsilə baxılır, Ankaradakı səfirlik isə rəsmi prosedurlar və diplomatik əlaqələr üçün vacibdir.
Kanada ilə Azərbaycanın Avropada Təhlükəsizlik və Əməkdaşlıq Təşkilatına (ATƏT) və Birləşmiş Millətlər Təşkilatına (BMT) birgə üzvlüyü qarşılıqlı maraq doğuran məsələlərdə əməkdaşlığa kömək edir.[1]
2024-cü ildən Kanadanın Azərbaycanda və Türkiyədə fövqaladə və səlahiyyətli səfiri Kevin Hamiltondur.[2]
Kanada ilə Türkiyə arasında ikitərəfli əlaqələr 1943-cü ilin iyununda qurulub. 1947-ci ildə Kanada Türkiyəyə ilk səfirini təyin etdi.[3] Hər iki ölkə NATO, İqtisadi Əməkdaşlıq və İnkişaf Təşkilatı, Avropa Təhlükəsizlik və Əməkdaşlıq Təşkilatı kimi beynəlxalq təşkilatlarda əməkdaşlıq edir. Bundan əlavə, hər iki ölkə Avropa Şurasında müşahidəçi statusuna malikdir.[4]
Kanada Azərbaycan Respublikasının müstəqilliyini 1991-ci il dekabrın 25-də tanıyıb. İki ölkə arasında diplomatik əlaqələr 1992-ci il avqustun 10-da qurulub.[5][6]
Kanadanın Türkiyədəki səfirliyi Kanadanın Azərbaycandakı maraqlarını təmsil edir və Kanadanın Türkiyədəki səfiri Azərbaycanda akkreditə olunub.
2004-cü ildə Azərbaycanın Ottavada səfirliyi açılıb.
Azərbaycan Milli Məclisində Azərbaycan — Kanada işçi qrupu fəaliyyət göstərir.[7] Həmçinin 2006-cı ilin noyabr ayında Kanada Parlamentində Kanada —Azərbaycan Parlamentlərarası Dostluq qrupu yaradılmışdır.[1][8]
Bakıda Kanada Viza Müraciyyət mərkəzi fəaliyyət göstərir. Kanadaya səfər etmək istəyən Azərbaycan Respublikasının vətəndaşları viza rəsmiləşdirilməsi üçün bu mərkəzə aşagıda göstərilən sənədləri təqdim etməlidirlər:[13]
- Xarici pasportu və surəti
- Əvvəlki vizaların və giriş-çıxış möhürlərinin surətləri
- Şəxsiyyət vəsiqəsi və surəti
- İş yerindən arayış və maaş kartından çıxarış. Təhsil alanlar üçün təhsil müəssisəsindən arayış
- Adında olan bank hesabından arayış və çıxarış
- Mülki vəziyyətini təsdiq edən sənəd (nikah şəhadətnaməsi, uşaqların doğum şəhadətnamələri)
- 5x4. 5 ölçüdə ağ fonda çəkilmiş şəkil
- Avia biletin bronları
- Otel rezervasiyaları
- İngilis dilində doldurulmuş ərizə formaları
- Viza rüsumunun ödənildiyini təsdiq edən sənəd
- İşgüzar səfər üçün vizaya müraciət edilirsə, rəsmi dəvət məktubu
Qeyd olunan sənədlər ingilis dilində təqdim olunmalıdır.
- 1 2 Canada - Azerbaijan Relations
- 1 2 "İlham Əliyev Kanadanın ölkəmizdə yeni təyin olunmuş səfirinin etimadnaməsini qəbul edib". 2 iyul 2024 tarixində arxivləşdirilib. İstifadə tarixi: 12 yanvar 2026.
- ↑ "REPUBLIC OF TÜRKİYE EMBASSY IN OTTAWA". 18 sentyabr 2025 tarixində arxivləşdirilib. İstifadə tarixi: 22 yanvar 2026.
- ↑ Canada - Turkey Relations
- ↑ "Embassy of the Republic ofAzerbaijan to Canada". 10 oktyabr 2025 tarixində arxivləşdirilib. İstifadə tarixi: 12 yanvar 2026.
- ↑ "Azərbaycan Respublikası Xarici İşlər Nazirliyi". 27 iyul 2022 tarixində arxivləşdirilib. İstifadə tarixi: 9 yanvar 2026.
- ↑ "Azərbaycan-Kanada parlamentlərarası əlaqələr üzrə işçi qrupu". 29 oktyabr 2025 tarixində arxivləşdirilib. İstifadə tarixi: 12 yanvar 2026.
- ↑ В парламенте Канады создана группа дружбы с Азербайджаном
- ↑ AZƏRBAYCAN PREZİDENTİ İLHAM ƏLİYEV KANADANIN ÖLKƏMİZDƏ YENİ TƏYİN OLUNMUŞ SƏFİRİNİN ETİMADNAMƏSİNİ QƏBUL ETMİŞDİR
- ↑ "Azərbaycan Prezidenti İlham Əliyev Kanadanın ölkəmizdə yeni təyin olunmuş fövqəladə və səlahiyyətli səfirinin etimadnaməsini qəbul etmişdir". 3 oktyabr 2024 tarixində arxivləşdirilib. İstifadə tarixi: 12 yanvar 2026.
- ↑ "İlham Əliyev Kanadanın Azərbaycanda yeni təyin olunmuş səfirinin etimadnaməsini qəbul etmişdir". 13 noyabr 2024 tarixində arxivləşdirilib. İstifadə tarixi: 12 yanvar 2026.
- ↑ Prezident İlham Əliyev Kanadanın Azərbaycanda yeni təyin olunmuş səfirinin etimadnaməsini qəbul edib
- ↑ "KANADA VİZASINI ALMAQ ÜÇÜN NƏ ETMƏLİ?". 19 sentyabr 2024 tarixində arxivləşdirilib. İstifadə tarixi: 12 yanvar 2026.