Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinKamilo Duran (10 fevral 2002, Santa-Marta[1]) – Kolumbiyalı peşəkar futbolçu. Azərbaycan Premyer Liqasında çıxış edən Qarabağ Futbol klubunda hücumçu və vinger kimi çıxış edir.[2]
| Kamilo Duran | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Camilo Durán | |||||||||||||||||||||||||
| Ümumi məlumatlar | |||||||||||||||||||||||||
| Doğum tarixi | 10 fevral 2002 (23 yaş) | ||||||||||||||||||||||||
| Doğum yeri | |||||||||||||||||||||||||
| Vətəndaşlığı | |||||||||||||||||||||||||
| Klub haqqında məlumat | |||||||||||||||||||||||||
| Klub |
 Qarabağ |
||||||||||||||||||||||||
| Nömrəsi | 17 | ||||||||||||||||||||||||
| Karyerası | |||||||||||||||||||||||||
|
|||||||||||||||||||||||||
|
|||||||||||||||||||||||||
.svg){kind=small}
Kamilo Duran futbola Kolumbiyanın Santa Marta şəhərindəki "Cozi Córner Niko" klubunun uşaq komandasında başlayıb.[3] Daha sonra "Huracan La Oço" və Medelini təmsil edən "İnderpendyente" klublarının gənclik akademiyalarında çıxış edib.[3]
2 sentyabr 2021-ci ildə Braziliyanın Flamenqo klubu satınalma opsiyonu ilə onu icarəyə götürür və futbolçu "Flaminqo"nun gənclər komandasına qoşulur.[4] 2022-ci ildə icarə müqaviləsi başa çatan futbolçu "İnderpendyente" klubuna geri dönür və dərhal da Portuqaliyaya yollanır.
2022-ci ildə Portuqaliyanın bRegional Liqasında çıxış edən "Luzitaniya" klubuna keçir. Burada ilk mövsümündə 20 matçda meydana çıxaraq 19 qol vurur və komandasının yüksək liqaya çıxmasına kömək edir.
20 yaşlı gənc Kamilonun "Luzitaniya" klubundakı oyunu skautların diqqətini cəlb edir və 9 iyul 2023-cü ildə o, Portuqaliya Primeyra Liqasında iştirak edən "Eştrela" klubuna keçir.[5] Ancaq klubun əsas komandasına daxil edilməyən futbolçu "Eştrela"nın ikinci komandasına göndərilir. Klubun ikinci komandası ilə Portuqaliya regional liqasında 3 oyunda meydana çıxaraq 3 qol vurur. Əsas komandada oynamaq imkanlarının olmamasına görə futbolçu "Eşttella"nı tərk edərək "Luzitaniya" klubuna qayıdır. 2023/24 mövsümündə "Luzitaniya" klubunun heyətində meydana çıxdığı 8 oyunda 12 qol vurur və komandanın Portuqaliya 3-cü Liqasına çıxmasında böyük pay sahibi olur.[6]
2024-cü ildə "Luzitaniya" klubunun baş məşqçisi Rikardo Pessoanın "Portimonense" klubuna baş məşqçi təyin edilməsindən sonra "Portimonense" klubuna keçir.[7] 2024/25 mövsümündə Portuqaliya ikinci Liqasında 28 matçda meydana çıxaraq 5 qol vurur.
25 avqust 2025-ci ildə Azərbaycan Premyer Liqasında çıxış edən "Qarabağ" klubuna keçib.[8] 26 avqustda Ağdam təmsilçisi futbolçu ilə 3 illik müqavilə imzalandığını və Kamilonun 17 nömrəli forma ilə çıxış edəcəyini elan edir.[9] Transferin 200 min avroya baş tutduğu bildirilir.[6] 30 avqust 2025-ci il tarixində, Azərbaycan Premyer Liqasında Karvan klubu ilə matçın 59-cu dəqiqəsində meydana girərək, "Qarabağ"ın heyətində debüt edir.[10]
UEFA Çempionlar Liqasında debüt matçında, 16 sentyabr 2025-ci ildə Benfika üzərində 3–2 hesabı ilə qalib gəldikləri oyunda, "Qarabağ"ın heyətində qol vurur və assistlik edir.[11][12]
- ↑ 1 2 Tiempo C. E. E. ¿Quién es Camilo Durán, figura en triunfo histórico de Qarabag?.
- ↑ "Camilo Durán - профиль игрока 25/26". www.transfermarkt.world (rus). İstifadə tarixi: 25 sentyabr 2025.
- ↑ 1 2 Carreño, Alfredo. "Camilo Durán, gol de título con el DIM | Capsulas de Carreño" (ispan). 3 aprel 2021. İstifadə tarixi: 25 sentyabr 2025.
- ↑ "Flamengo sign Colombian forward Camilo Durán". OneFootball (ingilis). 25 sentyabr 2025. İstifadə tarixi: 25 sentyabr 2025.
- ↑ "Extremo colombiano contratado ao Lusitânia dos Açores a treinar com a equipa principal". www.record.pt (portuqal). İstifadə tarixi: 25 sentyabr 2025.
- ↑ 1 2 "Camilo Duran Stats | Soccerway". www.soccerway.com (ingilis). İstifadə tarixi: 25 sentyabr 2025.
- ↑ Rincón, Juan Felipe. "¿Quién es Camilo Durán, el colombiano figura en Champions?". Diario AS (portuqal). 16 sentyabr 2025.
- ↑ ""Qarabağ" hücum xətti üçün yeni futbolçu aldı". qol.az (az.). İstifadə tarixi: 25 sentyabr 2025.
- ↑ ""Qarabağ" yeni transferini rəsmən açıqladı". qol.az (az.). İstifadə tarixi: 25 sentyabr 2025.
- ↑ "Karvan - Qarabag 0:2". www.soccerway.com (ingilis). İstifadə tarixi: 25 sentyabr 2025.
- ↑ "Benfica - Qarabag 2:3". www.soccerway.com (ingilis). İstifadə tarixi: 25 sentyabr 2025.
- ↑ Rincón, Juan Felipe. "¿Quién es Camilo Durán, el colombiano figura en Champions?". Diario AS (ispan). 16 sentyabr 2025. İstifadə tarixi: 25 sentyabr 2025.