K-12 — Melani Martines və Alissa Torvinenin birlikdə rejissorluğu ilə çəkilmiş 2019-cu il musiqili, fentezi, qorxu filmi. Əsas rollarda Melani Martines, Emma Harvi, Sion Moreno, Meqan Qeyc, Zinnett Hendriks, Kesi Makkinni, Marsalis Vilson və Meqqi Budzina çəkilib. Film Cry Baby (Melani Martines) və rəfiqəsi Anjelitanın (Emma Harvi) amansız məktəb sistemi olan K-12-ni məhv etməsindən bəhs edir.
| K-12 | |
|---|---|
.jpg) | |
| Janr | fentezi filmi[d], qorxu filmi, musiqili film |
| Rejissorlar |
Melani Martines Alissa Torvinen |
| Prodüserlər |
Ues Teşome Fil Botti Tayler Zelinski Kimberli Stakviş Alissa Torvinen Qerqerli Varqa |
| Ssenari müəllifi | Melani Martines |
| Baş rollarda |
Melani Martines Emma Harvi Sion Moreno Meqan Qeyc Zinnett Hendriks Vesi MakKinni Marsalis Uilson Meqqi Budzina |
| Bəstəkarlar |
Melani Martines Maykl Kinan |
| İstehsalçılar |
Little Ugly Productions Frame 48 |
| Distribütorlar |
Abramorama (Şimali Amerika) Atlantic Records (Beynəlxalq) |
| İlk baxış tarixi |
3 sentyabr 2019 (Los-Anceles) 5 sentyabr 2019 (seçilmiş teatrlarda) 6 sentyabr 2019 |
| Müddət | 92 dəqiqə |
| Büdcə | $5–6 milyon |
| Gəlir | $359,377 |
| Ölkə | ABŞ |
| Dil | ingilis dili |
| IMDb | ID10521814 |
“K-12” seçilmiş kinoteatrlarda yalnız bir gün 5 sentyabr 2019-cu ildə nümayiş etdirilmişdir. Rəsmi olaraq 6 sentyabr 2019-cu ildə Şimali Amerika ərazilərində Abramorama, beynəlxalq miqyasda isə Atlantic Records tərəfindən YouTube üzərindən buraxılıb. Film həm tənqidçilərdən, həm də pərəstişkarlardan müsbət rəylər toplayıb. Filmin mövzuları və mahnıları bəyənilsə də, senarisi, aktyorluq performansı və xüsusi effektləri yaxşı qarşılanmamışdır.
Xəbərdarlıq: Yazının davamı əsərin məzmunu haqqında məlumat ehtiva edir._skrinşot_1.jpg)
Cry Baby və Angelita məktəb
avtobusunda.
Cry Baby səhər yuxudan diksinib ayılır və ilk dərs gününə hazırlaşır. K-12 məktəbinə gedən yolda ona ən yaxın dostu Angelita yoldaşlıq edir. Onlar məktəb avtobusuna mindikləri andan sinif yoldaşlarının lağ-lağısına, acı sözlərinə tuş gəlirlər. Avtobusun təkərləri yolu ölçdükcə, uşaqların istehzalı baxışları altında əzab dolu dəqiqələr yaşanır ("Wheels on the Bus" – azərb. "Avtobusda təkərlər"). Qəfildən sürücünün idarəetməni itirməsi ilə avtobusun suya yuvarlanması bir olur. Məhz bu anda Cry Baby ilə Angelitanın qeyri-adi istedadları özünü göstərir – iki dost avtobusu səmaya qaldırır və onu K-12-nin qarşısına endirirlər.
Sinif otağına gecikən Cry Baby və Angelita şagirdlərin sədaqət andı içmək üçün ayaqda dayandıqlarını görürlər. Müəllim andı söyləməkdən imtina edən Henri adlı şagirdi sinifdən xaric edir. Dərs prosesində özündən razı davranışları ilə seçilən Kelli, Cry Baby ilə Brendonun söhbətini görüb qəzəbdən alışıb-yanır. Qısqanclıq hissi ilə çulğalanan Kelli, Cry Baby-nin masasına təhdidamiz məzmunlu məktub ötürür. Angelita rəfiqəsinə məsləhət verərək qarşıdakı münaqişədə fövqəltəbii qabiliyyətlərindən yararlanmağı təklif edir. Lakin, Cry Baby bu fikrə qarşı olur. O, köməyə ehtiyac duyaraq anasına zəng etsə də, sərxoş vəziyyətdə olan anası dəstəyi qaldırmır. Bu məqamda Cry Baby dünyasını dəyişmiş atası ilə anasından söz açır ("Class Fight" – azərb. "Sinif davası"). Məktəbin həyətində Kelli yenidən Cry Baby ilə Brendonun söhbət etdiyini görüb ona hücum çəkir. Dava zamanı Cry Baby hörüklərini Kellinin boğazına dolayır. Elə bu vaxt Miss Dafni özünü yetirərək hər ikisini direktorun yanına aparır.
Direktorunun kabinetində transgender müəllim xanım Harperə qarşı sərt münasibət sərgilənir və o, pedaqoji fəaliyyətinə son qoyulduğunu eşidir. Həmin məqamda Cry Baby direktorun şagirdləri nəzarətdə saxlamaq məqsədilə onlara dərman qəbul etdirdiyi faktını aşkarlayır. O, telefonla direktoru sərt tənqid edir. Güclərini səfərbər edərək onun içkisinə zəhər qatsa da, tezliklə direktor özünə gəlir ("The Principal" – azərb. "Direktor"). Dərsə gecikdiyinə görə Cry Baby marionet kuklaya çevrilir. ("Show & Tell" – azərb. "Göstər və danış"). Bu vəziyyətdə tibb bacısının otağına yönləndirilir. Angelita onu axtarıb tapır və əvvəlki vəziyyətinə qaytarır. Bir qədər sonra tibb bacıları onları tutaraq məcburi şəkildə dərman qəbul etdirirlər. ("Nurse's Office" – azərb. "Tibb bacısının kabineti"). İkisi mələksima bələdçi Lilitin köməyi ilə azad olurlar. Bu xanım onlara K-12-də qalmalı olduqlarını və ölməz varlıqlar olduqlarını söyləyir. Cry Baby və Angelita məktəb dəhlizlərində addımlayarkən rəqs məclisində olan ruhlara rast gəlirlər. Ruhların hücum edə biləcəyindən ehtiyatlanaraq sinif otağına qaçırlar.
Teatr məşğələsində Cry Baby üçün evdar qadın obrazı seçiləndə etirazını bildirir. Sinif yoldaşları onun bu hərəkətinə istehza ilə yanaşır ("Drama Club" – azərb. "Teatr klubu"). Məktəbdə keçirilən tədbir əsnasında Cry Baby güclərini işə salaraq, hipnoz altında olan tamaşaçıları ovsundan qurtarır. Cry Baby və Angelita şagirdləri direktorun kabinetinə göndərir və burada direktor qətlə yetirilir. Direktorun dəfnindən sonra Cry Baby və Angelita oxşar qabiliyyətlərə sahib olan yeni rəfiqələri Selestlə qarşılaşır. Geyim otağında və məktəb hovuzunda çəkilən səhnələrdə Cry Baby qadın bədəninin əşya kimi qəbul edilməsi, təcavüz münasibətləri və qurbanın günahkar hesab edilməsi mövzularına toxunur. Cry Baby tortun üzərində çılpaq dayanır və onu əhatəyə alan oğlanlar tortdan pay götürüb dadır ("Strawberry Shortcake" – azərb. "Çiyələkli tort").
Nahar vaxtı Kelli Cry Baby-ni süfrə başına dəvət edəndə, Cry Baby onunla münasibət qurmağa maraq göstərmir. Bu vəziyyətdən sonra Kelli üz döndərib Maqnoliya adında bir qızla yaxınlıq qurur ("Lunchbox Friends" – azərb. "Nahar qutusu yoldaşları"). Cry Baby və dostları müşahidə edirlər ki, Kellinin rəfiqəsi Fleur də onlar kimi qeyri-adi qabiliyyətlərə malikdir. Bufetdə süni qarşıdurma yaradaraq onu Kellidən uzaqlaşdırmağa çalışırlar. Baş verənləri seyr edən Kelli dərhal Fleuru məkandan uzaqlaşdırır. Cry Baby Fleurun arxasınca yuyunma otağına yollanır və onun bulimiyadan əzab çəkdiyini öyrənir. Fleurun vəziyyəti onu sarsıdır və beləliklə aralarında səmimi dostluq münasibəti yaranır ("Orange Juice" – azərb. "Portağal şirəsi"). Kelli yeməkxanadakı baş verənləri məktəb direktorunun oğlu Leoya xəbərlədikdən sonra Cry Baby cəza otağına göndərilir. Orada onun qabiliyyətləri zəifləsə də, Leonu öz təsiri altına alaraq xilas olmağı bacarır ("Detention" – azərb. "Cəza otağı").
Ben, gizli eşq məktubunu Cry Baby-nin dolabına yerləşdirir. Sinif yoldaşları məktəbi viran qoymaq üçün məkrli niyyətlərini reallaşdırmağa hazırlaşarkən, Leo təhlükəsizlik kameralarından bu xəbis planın üstünü açır. Angelita ilə biologiya müəllimi arasında romantik münasibət yaranır. Ancaq dərs başa çatanda müəllimin əsl xisləti üzə çıxır – o, Angelitanı miniatur ölçülərə gətirir və onu yarıb-kəsməyə qərar verir. Cry Baby durumu görüb dərhal müdaxilə edərək rəfiqəsini əvvəlki vəziyyətinə qaytarır. İkisi əlbir olub müəllimin əməllərinə son qoyur, onu aradan götürürlər ("Teacher's Pet" – azərb. "Müəllimin göz bəbəyi"). Cry Baby ona səmimi məhəbbət bəsləyən sevgilisinə ürəyinin dərinliklərindən gələn hisslərini bəyan edir ("High School Sweethearts" – azərb. "Məktəb sevgililəri").
Ben Cry Baby-ni məktəb rəqsinə dəvət etməyə hazırlaşdığı məqamda Leo araya girib vəziyyəti öz xeyrinə dəyişdirir. Leo Cry Baby-yə sevgi məktubunun öz qələmindən çıxdığını iddia edib onu rəqsə dəvət edəndə, qız heç düşünmədən buna razılıq verir. Rəqs məclisinə təşrif buyuran Cry Baby-nin bu qərarı digər qızları mat qoyur. Onların fikrincə, Cry Baby belə bir addım atmamalı idi. Planın pozulduğunu anlayan Cry Baby özünə acıq edib məclisi tərk edir. Səsucaldandan eşidilən Leo bütün olanlardan məlumatlı olduğunu açıqlayır. O, şagirdləri bir otağa kilidləyərək onları çıxılmaz duruma salır. Burada şagirdlər ovsunun təsiri altında durmadan rəqs edirlər ("Recess" – azərb. "Tənəffüs"). Lorelay adlı qadın obrazına bürünən Cry Baby, hiylə işlədərək Leonu şkafa salıb qapını bağlayır. Səsucaldandan məktəbin boşaldılması barədə göstəriş verən Cry Baby-nin sözünə əməl edən şagirdlər, Kellidən savayı, binadan uzaqlaşır.
Cry Baby məktəbdən ayrılarkən Ben onu saxlayıb məktubun müəllifi olduğunu etiraf edir. O an tüpürcək qovuğunu böyütməyi qərarlaşdırırlar. Şarın yüksəldiyi dəqiqələrdə özlərini aşağı atırlar, ancaq Leo xilas olmağı bacarmır. Qızlar məktəbin partlayışını seyr edir, Cry Baby Benin yanağına dodaqlarını toxundurur. Uzaqda Lilitin silueti görünür və şagirdlər onun darvazasına doğru yüyürürlər. Qızlar keçib gedərkən Cry Baby bir anlıq dayanır, ətrafına baxaraq tərəddüd edir, beləliklə film sona çatır.
Xəbərdarlığın sonu.- Melani Martines – Cry Baby
- Emma Harvi – Anjelita
- Sion Moreno – Fleur
- Megan Gage – Selest
- Zinnett Hendrix – Magnolia
- Jesy McKinney – Leo
- Marsalis Wilson – Ben
- Maggie Budzyna – Kelly
- Bence Balogh – Jason
- Vilmos Heim – Brendon
- Alissa Torvinen – Ghost Girl
- Kate O'Donnell – Ms. Harper
- Balázs Csémy – Dean
- Natalia Toth – Lucy
- Joel Francis-Williams – Henry
- Zacky Agama – Thomas
- Olga Kovács – Ms. Penelope
- Kimesha Campbell – Lilith
- Katie Sheridan – Lorelai
- Toby Edington – The Principal
- Anne Wittman – Ms. Daphne
- Scott Young – Mr. Cornwell
- Quei Tann
- Laurka Lanczki – Holly
- Ágota Dunai – Rachel
- Rebeka Peter – Chloe
- Genesis Ilada
- Samantha Lepre
- Kendy Cruz
Martines 2017-ci ildə Billboard-a verdiyi müsahibədə o zaman adı olmayan ikinci studiya albomunun bitdiyini və onun həm yazıb həm də rejissoru olduğu bir filmlə müşayiət olunacağını bildirdi. O həmçinin dedi: "növbəti albomda hər bir mahnı klipi bir yerdə olacaq, on üçünün hamısı, aralarında dialoq və onların hamısını birləşdirən başqa bir şey olacaq".[1][2] Filmin nümayişindən sonra Martines, 2019-cu ildə verdiyi müsahibədə filmi məktəbi "həyatın qısaldılmış versiyası" kimi təsvir etmək üçün çəkdiyini bildirdi. O, uşaqikən başına gələn qısnamanı filmə qatdı.[3]
14 may 2018-ci ildə Martines film üçün kostyumları hazırlayacağını bildirdi. 9 sentyabr 2018-ci ildə o, film çəkilişləri üçün Avropanın bəzi yerlərini kəşf edəcəyini dedi. Filmin çəkilişləri 31 gün içərisində Macarıstanın Budapeşt şəhərindəki Esterhazada baş tutub.[4] 2 yanvar 2019-cu ildə Martines filmin montajına başladı. Martines filmin vizuallarına ilham mənbəyi kimi Mark Raydeni, Nicoletta Ceccolini, Jan Švankmajer-in 1988-ci ildə çəkdiyi "Alice" filmini və pop sürrealizmini göstərdi.[3][5]
15 may 2019-cu ildə ilk tizer,[6] 22 mayda ikinci,[7] 29 mayda isə buraxılış tarixi ilə üçüncü tizer buraxıldı.[8] 17 iyun 2019-cu ildə MTV Film Mükafatları zamanı "Nurse's Office" mahnısından bir parçadan ibarət televiziya reklamı yayımlandı.[9] 23 iyul 2019-cu ildə "Show & Tell" mahnısının snipettinin yer aldığı rəsmi treyler buraxıldı.[10]
Filmin premyerası 3 sentyabr 2019-cu ildə Los-Ancelesdə baş tutdu.[11] İki gün sonra, 5 sentyabrda Nyu-Yorkda AMC Empire 25-də ümumamerikan premyerası oldu, film eyni zamanda ölkənin seçilmiş kinoteatrlarında nümayiş olundu. Martines həmçinin filmi YouTube kanalında pulsuz təqdim etdi. Film onun YouTube kanalında nümayişi yayımlandığı gün Trend-də ikinci yeri tutdu.
K-12 ölkə daxilində 303,230 ABŞ dolları, xaricdə isə əlavə olaraq 56,147 ABŞ dolları gəlir əldə edərək dünya üzrə ümumi gəlirini 359,377 ABŞ dollarına çatdırdı.[12] Buraxıldığı gecə ölkə daxilində ən çox gəlir əldə edən 6-cı film oldu.
- ↑ Lipshutz, Jason. "Melanie Martinez Celebrates 'Cry Baby' Chart Success, Looks Ahead To Elaborate Album/Film Project". Billboard. 5 December 2017 tarixində arxivləşdirilib. İstifadə tarixi: 3 October 2019.
- ↑ "LI's Melanie Martinez explores bold ideas in new movie". Newsday (ingilis). 2019-12-22 tarixində arxivləşdirilib. İstifadə tarixi: 2020-08-01.
- ↑ 1 2 Melanie Martinez On The Creation Of 'K-12' & The Anti-Bullying Message Behind The Movie | PeopleTV (ingilis), 2022-05-04 tarixində arxivləşdirilib, İstifadə tarixi: 2022-08-07
- ↑ Stokes, Alyson. "Melanie Martinez takes on her darkest vulnerabilities in 'K-12' film". Alternative Press. 6 September 2019. 8 May 2022 tarixində arxivləşdirilib. İstifadə tarixi: 3 October 2019.
- ↑ K-12 (2019) | INTERVIEW with MELANIE MARTINEZ at the LA Premiere (ingilis), 2022-12-16 tarixində arxivləşdirilib, İstifadə tarixi: 2022-08-07
- ↑ Melanie Martinez - K-12 (ingilis), 2019-05-15 tarixində arxivləşdirilib, İstifadə tarixi: 2022-08-07
- ↑ Melanie Martinez - K-12 (Teaser 2) (ingilis), 2022-12-16 tarixində arxivləşdirilib, İstifadə tarixi: 2022-08-07
- ↑ Melanie Martinez - K-12 (Teaser 3) (ingilis), 2022-12-16 tarixində arxivləşdirilib, İstifadə tarixi: 2022-08-07
- ↑ Melanie Martinez - K-12 (TV Spot) (ingilis), 2022-11-13 tarixində arxivləşdirilib, İstifadə tarixi: 2022-08-07
- ↑ Melanie Martinez - K-12 (Official Trailer) (ingilis), 2022-10-13 tarixində arxivləşdirilib, İstifadə tarixi: 2022-08-07
- ↑ K-12 (2019) | INTERVIEW with MELANIE MARTINEZ at the LA Premiere (ingilis), 2022-12-16 tarixində arxivləşdirilib, İstifadə tarixi: 2022-08-07
- ↑ "K-12 Box Office". Box Office Mojo. December 16, 2022 tarixində arxivləşdirilib. İstifadə tarixi: October 27, 2020.
- K-12 — Internet Movie Database saytında