Körpü pozası - Setu Bandha Sarvanqasana,"çiyinlə dəstəklənmiş körpü" və ya sadəcə "körpü" pozası (Setu Bandhasana adı ilə də tanınır),Hatha yoqa və Müasir yoqa məşqlərində tətbiq olunan tərs istiqamətli,arxaya əyilmə asanasıdır.
Pozanın adı Sanskrit sözlərindən yaranmışdır.Setu (körpü),Bandha (Tutulmuş),Sarva (bütün),Anga (əza) və Asana (oturuş və ya poza).Bu poza 19-cu əsrə aid,1868-ci ildən əvvəl yazılmış Sritattvanidhi mətnində "Kamapıthasana" adı ilə qeyd olunmuşdur.
Pozaya Sarvanqasana (çiyinüstü duruş) vəziyyətindən daxil olunur.Döş qəfəsi əllərlə önə doğru dəstəklənir və ayaqlar arxada,bədənin arxasına doğru yerə endirilir,dizlər isə bükülü qalır.[1] Daha sadə üsul isə arxasıüstə uzanmış vəziyyətdən belin yuxarı qaldırılmasıdır.Tam formada poza dizlərin bükülü,topuqların isə əllərlə tutulmuş (Bandha) vəziyyətdə icra olunur.Pozadan çıxış ya arxasıüstə uzanmaqla,ya da tullanaraq yenidən çiyinüstü duruşa qayıtmaqla həyata keçirilir.
Pozanın yayılmış digər formasında qollar yer boyunca,ayaqlara doğru uzadılır,qollar düz saxlanılır və barmaqlar bir-birinə keçmiş vəziyyətdə olur.Bəzi praktiklər bu pozada ayaqları tamamilə düzləndirə bilirlər.[2]
Eka Pada Setu Bandha Sarvangasana ("Birayaqlı Körpü"pozası) isə bir ayağın şaquli şəkildə yuxarı qaldırılması ilə icra olunur.
- ↑ "Arxivlənmiş surət". 2024-12-19 tarixində arxivləşdirilib. İstifadə tarixi: 2025-08-09.
- ↑ https://archive.org/details/bookofyoga0000lide (#bare_url_missing_title).