Jorj Paleoloq de Bissipat (fr. George Paléologos de Bissipat) və ya Yunan Jorj ( ) — Fransa vitse-admiralı. O, 1453-cü ildə Osmanlı imperiyasının Konstantinopolu tutmasından bir müddət sonra VII Karl, XI Lüdovik və VIII Karlın xidmətinə daxil olmuşdur.
| Jorj Paleoloq de Bissipat |
|---|
Onun Bissipat soyadı əvvəllər VIII–XI əsrlərdə istifadə olunmuş Bizans yüksək vəzifəlilərinin "iki dəfə konsul" mənasını verən "Disipatos" titulundan törədiyi güman edilmişdir, lakin bu, daha sadə şəkildə Buaşpata patronimi ilə izah olunur. Bissipat Koronidən olmuş və əsl adı Georgi Bua Şpata idi. O, zadəgan statusunu gücləndirmək məqsədilə Paleoloq soyadından ikinci soyad kimi istifadə etmiş ola bilər.[1]
Jorj de Bissipatın naməlum ilk evliliyindən ən azı iki oğlu — Jan və Şarl olmuşdur. O, 1478-ci ildə kralın məsləhətçisi olan Pont-Otu və Pont-Odeme viskontu Roq de Puanın bacısı, Jan de Puanın qızı Marqarit de Pua ilə ikinci dəfə evlənmişdir. Bu ikinci evliliklə o, anasından Marqarit de Puaya miras qalmış Bovedə yerləşən Truassere senyorluğunu əldə etmişdir. Digər tərəfdən, cütlük 1480-ci ildə eyni regionda Annaş feodunu almış və indiki Annaş şatosunu tikdirmişdir. İkinci evliliyindən II Jorj və Gilyom adlı iki oğlu, həmçinin Antuanetta adlı bir qızı olmuşdur. Jorj de Bissipat Kristofer Kolumb və onun qardaşı ilə şəxsən tanış olmuşdur. Bəzi tədqiqatçılara görə, Bissipat 31 mart 1493-cü il tarixində Romaya göndərilmiş məktuba əsasən, Kristofer Kolumbun dayısı olmuşdur.[2]
- ↑ Ardian Muhaj. The Contribution of the Albanians to the Great Geographical Discoveries (15th -16th centuries). Qendra e Studimeve Albanologjike. 2023. səh. 103.
- ↑ RUZZIN, Valentina, Tante cose se dicono che pareno incredebele, Lettera sulla scoperta dell'America, Atti della Società Ligure di Storia Patria, Ser. NS, Vol. 56, 2016, 339, 341, 342.