Jaklin S. Casey (ing. Jacqueline Casey; 20 aprel 1927[1], Kuinsi[d], Massaçusets[2] – 18 may 1992[1]) — Amerikalı qrafik dizayn ustası. O, Massaçusets Texnologiya İnstitutu (MIT) üçün yaratdığı qrafik sənət əsərləri ilə məşhurdur.[3] [4]
| Jaklin Casey | |
|---|---|
 | |
| Doğum tarixi | 20 aprel 1927[1] |
| Doğum yeri |
|
| Vəfat tarixi | 18 may 1992[1] (65 yaşında) |
| Vəfat səbəbi | xərçəng xəstəliyi |
| Fəaliyyəti | qrafik dizayner, dizayner |
Jaklin Casey 20 aprel 1927-ci ildə Massaçusets ştatının Kuinsi şəhərində anadan olub. O, Massaçusets Kollecində İncəsənət də Dizayn fakültəsində təhsil alıb. Təhsil illərində modern qrafik dizaynın əsas prinsiplərini mənimsəyərək öz fərdi üslubunu formalaşdırmışdır.[5]
Casey karyerasına bir neçə qrafik dizayn layihələri üzərində işləməklə başlamışdır. 1955-ci ildə o, Massaçusets Texnologiya İnstitutunda işləməyə başlamış və burada əsasən universitet üçün müxtəlif afişalar, posterlər və çap materialları hazırlamışdır. Onun MIT üçün hazırladığı dizaynlar İsveçrə məktəbinin təsiri altında olmuş, sadə, lakin güclü vizual ünsürlərdən ibarət idi. Onun dizaynlarında əsasən Helvetika kimi sans-serif şriftlərdən istifadə olunurdu. Eyni zamanda kompozisiyada güclü kontrastlar və sadə, lakin dərin məna daşıyan elementlərə yer verirdi. Bu yanaşma onun dizaynlarını həm informativ, həm də vizual cəhətdən cəlbedici edirdi.[6]
1958-ci ildə Jaklin Şepard Vilyam "Bill" Keysi ilə nigaha daxil olaraq adını Jaklin S. Keysi olaraq dəyişdirdi. Həyat yoldaşı Massaçusets ştatının Bruklin şəhərində sosial iş görən psixoloq idi. O, 1975-ci ildə xərçəngdən vəfat etdi.
Jaklin Keysinin özünə 1982-ci ildə xərçəng diaqnozu qoyuldu. O, 1989-cu ildə təqaüdə çıxmaq məcburiyyətində qaldı, lakin uzun müddətli həmkarı, qonşusu və dostu Muriel Kuper onun MIT Media Laboratoriyasında qonaq alim kimi işini davam etdirməsini təşkil etdi. Keysi 18 may 1992-ci ildə xərçəngdən vəfat etdi.[3][7][7]
- ↑ 1 2 3 4 Jacqueline Casey // Grove Art Online (ing.). / J. Turner [Oxford, England], Houndmills, Basingstoke, England, New York: OUP, 1998.
- ↑ 1 2 Union List of Artist Names (ing.). 2010.
- ↑ 1 2 Sherin, Aaris. Casey, Jacqueline // Joan M. Marter (redaktor). The Grove Encyclopedia of American Art. Oxford University Press. 2011. səh. 413. ISBN 978-0-19-533579-8.
- ↑ Livingston, Alan. Jacqueline Casey // The Thames and Hudson Dictionary of Graphic Design and Designers. Thames and Hudson. 2003. səh. 45. ISBN 0500203539.
- ↑ Heller, Steven; D'Onofrio, Greg. The Moderns: Midcentury American Graphic Design (ingilis). Abrams. 19 sentyabr 2017. ISBN 978-1-68335-012-5.
- ↑ Resnick, Elizabeth. "Woman at the edge of technology". Eye: The International Review of Graphic Design (ingilis). 17 (68). 2008. İstifadə tarixi: 21 sentyabr 2023.
- ↑ 1 2 Resnick, Elizabeth. "Jacqueline Casey: Science and Design". Eye: The International Review of Graphic Design (ingilis). 21 (101). 2021: 82–91. İstifadə tarixi: 21 sentyabr 2023.