Jak Russo (fr. Jacques Rousseau; 1683, Cenevrə, Cenevrə kantonu – 1753, İsfahan) — cenevrəli saatsaz, Fransa krallığının Səfəvi sarayındakı diplomatı və Şah Sultan Hüseynin zərgəri.
| Jak Russo | |
|---|---|
| fransızca:Jacques Rousseau | |
| Doğum tarixi | |
| Doğum yeri | Cenevrə |
| Vəfat tarixi | |
| Vəfat yeri | İsfahan |
| Dəfn yeri | Yeni Culfa Erməni Məzarlığı |
| Vətəndaşlığı | Fransa krallığı |
| Milliyyəti | Fransız |
| Dini | Katolik |
| Fəaliyyəti | Saatçı |
1683-cü ildə Cenevrədə dünyaya gəlmişdir. O, 1708-ci ildə Fransa kralı XIV Lüdovik tərəfindən Səfəvi imperiyasına diplomatik missiyanın tərkibində göndərilmişdir. O, Səfəvi imperiyasına gəldikdən sonra imperator Şah Sultan Hüseynin zərgəri olmuşdur. Bununla eyni zamanda onun əmisinin oğlu İsaak Russo da İstanbulda Osmanlı imperatoru III Əhmədin (1705–1711) zərgər və saatsazı olaraq çalışmaqda idi. İsaak Russo tanınmış fransalı filosof və maarifçi Jan Jak Russonun atasıdır. Jak Russo Reine de l’Estoile ilə evlənmiş və onların Jan-François Russo adlı oğulları 1738-ci ildə İsfahanda dünyaya gəlmişdir. Atası kimi Jan-François Russo da Fransanın bölgədəki diplomatı kimi çalışmış və İranlı Russo kimi tanınmışdır. Onun oğlu Jan-Babtist Russo da Fransanın ilk şərqşünaslarından biri olmuşdur. 1753-cü ildə İsfahanda vəfat etmiş və elə İsfahan şəhərində yerləşən Yeni Culfa Erməni Məzarlığında dəfn edilmişdir.[1][2][3]
- ↑ Redaktorlar: Blasing, Uwe; Arakelova, Victoria; Weinreich, Matthias; Gevorgian, Khachik. Studies on Iran and The Caucasus. BRILL. 2015. səh. 118. ISBN 978-9004302068.
- ↑ Redaktorlar: Fisher, William Bayne; Jackson, Peter; Lockhart, Lawrence. The Cambridge History of Iran/The Safavid Period. 6. Cambridge: Cambridge University Press. 1986. səh. 602. ISBN 978-0521200943.
- ↑ Florence Hellot-Bellier. France-Iran : quatre cents ans de dialogue. Paris: Studia Iranica. 2007.