Hey — Türkiyənin gənclər üçün nəzərdə tutulmuş musiqi jurnalı. Türkiyənin ilk tək gənclik və musiqi dərgisi idi.[1] 1970–1989-cu illər və 1994-cü ildə fəaliyyət göstərmiş dərgi Türkiyədəki ən yüksək tirajlı mətbuat nümunələrindən idi.[2]
| Hey | |
|---|---|
| Baş redaktor |
Doğan Şeker (1970–1980) Hulusi Tunca (1980–1989) |
| Dövrilik |
Həftəlik (1970–1988) Aylıq (1988–1989) |
| Tiraj |
60.000 100.000 (1980) |
| Təsisçi | Doğan Şeker |
| Təsis tarixi | 1970 |
| İlk buraxılışı | 18 noyabr 1970 |
| Nəşrini dayandırıb | 1989, 1994 |
| Şirkət |
Karacan Medya Grup (1970–1989) Doğan Medya Grup (1994) |
| Ölkə |
 Türkiyə |
| Dil | türk dili |
"Hey" dərgisi 1970-ci təsis olunub.[3] Dərginin ilk sayı 18 noyabr 1970-ci ildə "Milliyet" qəzetinin əlavəsi olaraq yayımlanmışdır.[2][4] Daha sonralaar müstəqil dərgi kimi yayımlanmışdır. "Hey" Karacan Medya Grupun nəzdində fəaliyyət göstərirdi.[1]
Jurnal Doğan Şener tərəfindən təsis olunub. O, həmçinin uzun müddət dərginin baş redaktoru olmuşdur.[3] 1980-ci illərin ortalarında dərginin baş redaktoru Hulusi Tunca olmuşdur.[2]
Dərgidə, əsasən, musiqi siyahıları, radio proqram siyahıları və məktub yoldaşlığı bölmələri yayımlanırdı. Jurnal, demək olar ki, bütün musiqi janrlarını, o cümlədən, türk pop və xalq musiqisini əhatə edirdi.[3] Həmçinin film və moda haqqında xəbərlər və məqalələr də dərc olunurdu.[2] Daimi müəlliflər arasında Yener Süsoy, Erhan Akyıldız, Arda Uskan ve Ercüment Akman da var idi. "Hey" jurnalı bağlanışa yaxın gənc qızlara yönəlmiş "Hey Girl" adlı əlavə də nəşr etdirirdi.[5]
"Hey" türk gəncləri arasında populyar olduğu dövrdə həftəlik 60.000 tirajla nəşr olunurdu.[3] 1980-ci ildə tirajı 100.000-ə çatmışdı. "Hey" jurnalı 28 iyun 1988-ci ildə aylıq nəşrə çevrilənə qədər həftəlik nəşr olunurdu. Jurnal 15 mart 1989-cu ildə nəşrini dayandırdı.[2] 1994-cü ilin aprel ayında Doğan Media Qrupu tərəfindən "Milliyet" qəzetinin həftəlik əlavəsi olaraq yenidən nəşr olunmağa başladı. Lakin jurnal 1994-cü ilin sentyabrında yenidən nəşrini dayandırdı.[1]
"Curcuna" 1980-ci ilin ikinci yarısında "Hey" dərgisinin yumor əlavəsi kimi cəmi 10 həftə nəşr olunub. Bu jurnalın redaktoru karikaturaçı Nuri Kurtcebe olub. Jurnalın əsas yazıçıları və illüstratorları arasında Necdet Şen, Kandemir Konduk, Kemal Gökhan Gürses, Levent Tarhan və Fatih Aydoğdu var idi.
- ↑ 1 2 3 Kuyucu, Mihalis. "Türkiye'de Müzik Basını ve HEY Dergisi Örneği". Gümüşhane Üniversitesi İletişim Fakültesi Elektronik Dergisi. 2 (2). 2013.
- ↑ 1 2 3 4 5 "Hey dergisi denince akla gelen Hulusi Tunca'nın ardından..." bant mag (türk). 27 yanvar 2019. İstifadə tarixi: 13 yanvar 2026.
- ↑ 1 2 3 4 "Hey Dergisinin Kurucusu Gazeteci Doğan Şener Hayatını Kaybetti". bianet.org (türk). İstifadə tarixi: 13 yanvar 2026.
- ↑ "birzamanlar.net / popüler ansiklopedi". www.birzamanlar.net. İstifadə tarixi: 13 yanvar 2026.
- ↑ OKURYAZAR.TV. "Hulusi Tunca: 'Hey Dergisi, Türkiye popüler kültürü için vazgeçilmezdi.'". okuryazartv (ingilis). 15 iyul 2018. İstifadə tarixi: 13 yanvar 2026.