Henrix von Poser (23 avqust 1599[1], Sileziya – 12 sentyabr 1661[1], Sileziya) — İran üzərindən Hindistana etdiyi səyahət haqqında ətraflı səyahətnamə yazmış alman səyyah.[2]
| Henrix von Poser | |
|---|---|
 | |
| Doğum tarixi | 23 avqust 1599[1] |
| Doğum yeri | |
| Vəfat tarixi | 12 sentyabr 1661[1] (62 yaşında) |
| Vəfat yeri | |
| Fəaliyyəti | yazıçı, tədqiqatçı-səyyah[d] |
O, 23 avqust 1599-cu ildə Aysdorfda anadan olub. Altı yaşı olanda atası vəfat edib. O, Svidniça və Vrotslavda məktəbdə oxuyub, daha sonra Vrotslavdakı Mariya Maqdalena Gimnaziyasının tələbəsi olub. Daha sonra Marburq Universitetində təhsilini davam etdirib.[3] Lakin Otuzillik müharibə başlayandan sonra universiteti tərk edib və məzun olmadan ailəsinin mülkünə qayıdıb. Anasının istəyinə baxmayaraq o, 20 avqust 1620-ci ildə Venesiyadan Şərqə səyahətə çıxıb.
O, 1620-ci il noyabrın 14-də Konstantinopola çatmış və burada ingilis elçisi Con Eyr ilə görüşmüşdür. Eyr və Konstantinopolun digər avropalı sakinlərinin xəbərdarlıqlarına baxmayaraq, o, səfərinin ikinci mərhələsinə 21 yanvar 1621-ci ildə, bu dəfə fars elçisinin müşayiəti ilə başlayıb.
1621-ci il martın 23-də Osmanlı sərhədini keçib. Səyahəti onu Olimp dağının ətəkləri üzərindən Amasiya və Ərzuruma aparıb və burada erməni dilini öyrənməyə başlayıb. Səyahəti zamanı Ani yaxınlığındakı xristian kilsələrinin qalıqlarını ziyarət edib.[4] Daha sonra Əmirgunə xan Ağcaqoyunlu-Qacarın dəvəti ilə Təbrizə gedib. 1621-ci il iyunun 14-də İsfahana çatıb. Henrixin dostu Albrext von Şillinq artıq bir müddətdir ki, İran sarayında idi və bunun Henrixin səyahətinin səbəblərindən biri olduğu düşünülür.[4] Burada Şah Abbasla tanış olmuş və fars dilini öyrənməyə başlamışdır. 18 iyul 1621-ci ildə Klaudio Born ilə birlikdə Hindistana səyahətini davam etdirməyə başlayıb. Sentyabrın 27-də Qəndəhara çatıb. Sonrakı səyahətləri zamanı Henrix şiddətli qızdırmadan əziyyət çəkirdi. Yanvarın sonunda o, Aqradan Lahora qayıtdı, burada Muğal imperatorunun xidmətində olan avropalılar və ermənilər, xüsusən də hollandiyalı V. Houten ona maliyyə yardımı təklif etdi, çünki onun vəsaiti artıq tükənmək üzrə idi.
- ↑ 1 2 3 4 Deutsche Nationalbibliothek Record #104210923 // Ümumi tənzimləmə nəzarəti (GND) (alm.). 2012—2016.
- ↑ Nanisetti, Serish. "The city of love: Hyderabad". The Hindu. 7 October 2016. İstifadə tarixi: 9 October 2016.
- ↑ Poser, Alexis von, "Heinrich von Poser und Groß-Nedlitz Lebens- und Todes-Geschichte", Christian Muslim Relations Online II (ingilis), Brill, İstifadə tarixi: 2025-03-16
- ↑ 1 2 Historische Commission bei der königl. Akademie der Wissenschaften, "Poser und Großnedlitz, Heinrich von", Allgemeine Deutsche Biographie, Bd. 26, Allgemeine Deutsche Biographie (alman) (1.), München/Leipzig: Duncker & Humblot, 1888, 456, İstifadə tarixi: 2025-03-16