Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHemlin Valentayn Snell (ing. Hamlin Valentine Snell; 14 fevral 1810 – 29 yanvar 1886) ABŞ-nin Florida ştatını təmsil edən hüquqşünas və siyasətçi. O, Florida Nümayəndələr Palatasının spikeri, Florida ştatı Senatının prezidenti və Florida ştatının Tampa şəhərinin səkkizinci meri olub.
| Hemlin Valentayn Snell | |
|---|---|
| ing. Hamlin Valentine Snell | |
Florida Senatının 6-cı prezidenti | |
| Əvvəlki | Robert C. Floyd |
| Sonrakı | Filip Dell |
Florida Nümayəndələr Palatasının 8-ci spikeri | |
| 24 noyabr 1856 – 27 dekabr 1856 | |
| Əvvəlki | Filip Dell |
| Sonrakı | Con B. Qelbreyt |
8-ci Tampa meri | |
| 2 fevral 1861 – 3 fevral 1862 | |
| Əvvəlki | Con P. Kirçton |
| Sonrakı | Con Cekson |
| Şəxsi məlumatlar | |
| Doğum yeri | |
| Vəfat tarixi | |
| Vəfat yeri | Geynsvill, Florida |
| Partiya | |
| Fəaliyyəti | hüquqşünas, siyasətçi |
O, Corciyanın Savanna şəhərində anadan olmuşdur.[1] O, Vilyam H. Vitakerin ögey qardaşı idi.[2]
Snell Floridaya ilk dəfə 1830-cu illərin sonlarında köçmüşdür. 1840-cı ildə o, Kalhun qraflığının Ərazi Qanunvericilik Məclisinin nümayəndəsi seçildi. O, bir daha 1842-ci ildə indiki Sarasota qraflığına köçmüş və burada quava plantasiyasını açmışdır.[3][4]
Snell 1854-cü ildə Hillsboro qraflığını təmsil etmək üçün Florida Senatına seçildi. 1855-ci ildə Manati qraflığının yaradılmasına başçılıq etdi. 1856-cı ildə Florida Nümayəndələr Palatasında yeni yaradılmış Manati qraflığınin ilk ştat nümayəndəsi seçildi.[5]
Snell 1857-ci ilin sonlarında Tampaya köçdü. 1858-ci ilin iyununda Tampa limanının vergi yığan müavini təyin olundu. 1 fevral 1860-cı ildən 2 fevral 1861-ci ilə qədər Tampa şəhərinin meri vəzifəsində çalışdı.[1][3] Mer kimi o, Amerika vətəndaş müharibəsinin başlanmasını pozitiv qiymətləndirdi. Fort Bruk postu üzərində nəzarəti ələ keçirdikdən sonra 20-ci Florida alayı 21 aprel 1861-ci ildə Tampada hərbi vəziyyət elan etdi. Hərbi vəziyyət elan edildikdən təxminən üç həftə sonra o, həmin vaxt şəhərin bir çox digər vətəndaşları kimi Tampanı tərk etdi.[1] 1867-ci ildə Meri Bevillə evləndi.[6]
29 yanvar 1886-cı ildə Florida ştatının Geynsvil şəhərində vəfat etdi.
- ↑ 1 2 3 "Hamlin Valentine Snell - 8th Mayor Of Tampa". City of Tampa. 17 iyun 2014.
- ↑ "Whitaker, kin inhabit frontier Sarasota in mid-1800s – Siesta Sand".
- ↑ 1 2 "City Hall and Tampa's Mayors". www.tampapix.com.
- ↑ "Hamlin Valentine Snell - 8th Mayor Of Tampa". City of Tampa (ingilis). 17 iyun 2014. İstifadə tarixi: 24 may 2021.
- ↑ "Florida Legislative Journals".
- ↑ Tedcastle, Agnes Beville Vaughan. "The Beville Family of Virginia, Georgia, and Florida, and Several Allied Families, North and South". Priv. print. 13 iyul 1917 – Google Books vasitəsilə.