Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin
Hava yoqası - 2006-cı ildə Mişel Dortiqnak tərəfindən yaradılmış hibrid yoqa növüdür və ənənəvi yoqa pozaları,pilates və rəqs hərəkətlərini asılqan (hammock) istifadəsi ilə birləşdirilmişdir.[1]2009-cu ilə qədər bu istiqamətdə bir neçə hava yoqası brendi meydana çıxmışdır,o cümlədən Flori Ravinetin "Fly Yoga",Rafael Martinezin "AeroYoga" və Karmen Körtisin (Carmen Curtis) "AlReal Yoga" brendləri.
| ing. Hava yoqası | |
|---|---|
| Aerial Yoga | |
 | |
| Ümumi məlumatlar | |
| Yaranma tarixi | 2006 |
| Banisi | Mişel Dortiqnak |
2006-cı ildə Mişel Dortiqnak tərəfindən yaradılmışdır.Bu yoqa növü ənənəvi yoqa pozalarını,pilates və rəqs elementlərini asılqan (hammock) vasitəsilə birləşdirən hibrid məşq sistemidir.[2]2009-cu ildə Fransada Flori Ravinet bir fizioterapevtlə əməkdaşlıq edərək "Fly Yoga" metodunu inkişaf etdirmiş və bu üsul "səhiyyə mütəxəssisləri tərəfindən təsdiqlənmiş" kimi qeyd olunmuşdur.Təxminən eyni dövrdə Rafael Martinez tərəfindən AeroYoga sistemi yaradılmışdır.[3]Həmçinin 2009-cu ildə Karmen Körtis tərəfindən "AlReal Yoga" məktəbi təsis edilmişdir.
Hava yoqası üçün xüsusi hazırlanmış asılqan tələb olunur.Bu asılqan adətən 300 kiloqrama qədər yük daşıma qabiliyyətinə malik olur.Qurğu,əsasən,dayaq zəncirlərindən,lentvari kəmərdən,ipək asılqandan və karabinlərdən ibarətdir.[4]İki dayaqlı zəncir tavandan asılır və yer səviyyəsindən təxminən bir metr aşağıda yerləşir;asılqan isə istifadəçi tərəfindən müəyyən edilən hündürlükdə bərkidilir.[5]Hava yoqası asılqanının quraşdırılmasının iki əsas üsulu mövcuddur:iki dayaqlı sistem - daha sabit mövqe üçün və bir dayaqlı sistem - hərəkət diapazonunu genişləndirmək üçün.
Asılqan,hava yoqasında irəli və arxaya əyilmələr zamanı omba hissəsini dəstəkləyən yelləncək kimi fəaliyyət göstərir.Döşəmə üzərində yerinə yetirilən mürəkkəb yoqa pozaları hava yoqasında asılqanın köməyi ilə daha asan icra oluna bilər.[6]Bundan əlavə,asılqanın hərəkəti məşqlərə müxtəliflik qataraq hava yoqasının fiziki və dinamik təsirini artırır.
Hava yoqası ilə bağlı bu günədək klinik tədqiqatlar aparılmamışdır.Lakin müşahidə xarakterli qeydlər göstərir ki,[7]bu məşq növü zamanı bədənin bütövlükdə əyilmə,dartılma hərəkətlərini yerinə yetirməsi əzələ və oynaqların möhkəmlənməsinə və bərpasına,eləcə də bədənin sərbəst asıldığı vəziyyətdə onurğanın dekompressiyasına kömək edə bilər.[8]Ümumilikdə yoqa,o cümlədən hava yoqası emosional,psixoloji və mənəvi sağlamlığa müsbət təsir göstərən fəaliyyət kimi təbliğ olunur.
Hava yoqasının pozaları sırasında bir neçə əsas mövqe fərqləndirilir.Xaç pozası - bədənin belin bir qədər üstündən asılqanla dəstəkləndiyi,qolların yanlara açıldığı vəziyyətdir.[9]Ulduzvari tərs duruş (star inversion) zamanı asılqan quyruq sümüyünü dəstəkləyir və bədən arxaya əyilmiş formada yerləşir.Bir ayaqlı kral göyərçin pozası (One-legged king pigeon pose) isə ulduzvari tərs duruşa bənzərdir,lakin bu vəziyyətdə bir ayaq asılqanın ön hissəsinə keçirilir.Bu pozanın bağlı variantında (bound variant) arxadakı ayaq biləyi əllərlə tutulur.
- ↑ https://www.yogajournal.com/slideshow/the-aerial-yoga-sequence-9-poses-to-defy-gravity/ (#bare_url_missing_title).
- ↑ https://www.psychologies.com/Bien-etre/Forme/Yoga/Articles-et-Dossiers/Du-yoga-dans-l-air (#bare_url_missing_title).
- ↑ https://www.fly-yoga.fr/en/founder-florie-ravinet/ (#bare_url_missing_title).
- ↑ https://aeroyoga-official.com/ (#bare_url_missing_title).
- ↑ https://airealyoga.com/about-the-founder/ (#bare_url_missing_title).
- ↑ https://health.howstuffworks.com/wellness/diet-fitness/yoga/quick-tips-what-is-antigravity-yoga-.htm (#bare_url_missing_title).
- ↑ https://www.newindianexpress.com/magazine/2015/feb/21/new-yoga-sutras-720148.html (#bare_url_missing_title).
- ↑ https://yogaanswered.com/how-to-do-aerial-yoga-at-home (#bare_url_missing_title).
- ↑ https://wanderlust.com/journal/8-essential-aerial-yoga-poses-you-have-to-try/ (#bare_url_missing_title).