Cabbarlı Hatəm Qulu oğlu (27 dekabr 1969, Çobankərə, Zəngibasar, Ermənistan SSR) — azərbaycanlı alim, siyasi elmlər doktoru,
| Hatəm Qulu oğlu Cabbarlı | |
|---|---|
| Doğum tarixi | |
| Doğum yeri | Rəhimadad kəndi, Zəngibasar rayonu, Ermənistan SSR, SSRİ |
| Vətəndaşlığı |
 Azərbaycan |
| Milliyyəti | Azərbaycanlı |
| Elm sahəsi | Beynəlxalq münasibətlər |
| Elmi dərəcəsi | Siyasi elmlər doktoru |
| Təhsili |
Bakı Dövlət Universiteti (bakalavr, 1997) Ankara SFB (master, 2001) Qazi Universiteti (doktorantura, 2008) |
| Mükafatları | 2015-ci ildə Azərbaycan Respublikasının Prezidenti Cənab İlham Əliyevin sərəncamı ilə III dərəcə dövlət müşaviri ixtisas dərəcəsi verilmişdir. |
| www.atsam.org.az | |
27 dekabr 1969-cu ildə Ermənistan Respublikasının Zəngibasar (Masis) rayonunun Rəhimabad (Çobankərə) kəndində doğulmuşdur. 1976-1986-cı illərdə Cəlil Məmmədquluzadə adına Qaraqışlaq (Dostluq) kənd orta məktəbində orta təhsilini tamamlamışdır. 1988-1990-cı illərdə Sovet ordusunda hərbi xidmətdə olmuşdur. 1991-1993-cü illərdə könüllü olaraq Azərbaycanın ərazi bütövlüyü uğrunda gedən hərbi əməliyyatlarda iştirak etmişdir. Qarabağ müharibəsi qazisidir.
1997-ci ildə Bakı Dövlət Universitetinin beynəlxalq münasibətlər fakültəsindən məzun olmuş, 2002-ci ildə Ankara Universiteti Sosial Elmlər İnstitutunda magistr təhsilini tamamlamışdır. 2008-ci ildə Türkiyədə Qazi Universitetində siyasi elmlər doktoru alimlik dərəcəsini almışdır. 2001-2005-ci illərdə Ankarada fəaliyyət göstərən Avrasiya Strateji Araşdırmalar Mərkəzində Cənubi Qafqaz (Ermənistan) üzrə ekspert işləmişdir. Bir çox məqalələri və analizləri Azərbaycan, Türkiyə və region mətbuatında dərc edilmişdir.
2015-ci ildə Azərbaycan Respublikasının Prezidenti Cənab İlham Əliyevin sərəncamı ilə III dərəcə dövlət müşaviri ixtisas dərəcəsi verilmişdir. Azərbaycan Dövlət İqtisad Universitetinin (UNEC) Ermənistan İqtisadiyyatının Araşdırma Mərkəzinin üzvüdür.[1]
Türk, rus, erməni və ingilis dillərini bilir. Evlidir, Alp Ər Tunqa və Alp Arslan adında iki oğlu var.
- Erməni dili, Azərbaycan Prezidenti yanında Strateji Araşdırmalar Mərkəzi nəşri. Azərbaycan, Bakı, 2015,
- Ermenistan’da Siyasi Aktörler ve Partiler, 2015, Azərbaycan Prezidenti yanında Strateji Araşdırmalar Mərkəzi nəşri. Azərbaycan, Bakı, 2015,
- Ermənistanın xarici siyasəti 1991-2013. Azərbaycan Respublikasının Prezidenti yanında QHT-rə dəstək Şurasının nəşri. Azərbaycan, Bakı, 2014.
- Ermenistan'da İktidar Mücadelesi, Türkiyə, Ankara, Platin Yayımevi, 2005.
- Bağımsızlık Sonrası Ermenistan Rusıya ilişkileri.
- ↑ "UNEC – Azərbaycan Dövlət İqtisad Universiteti — ERMƏNİSTAN İQTİSADİYYATININ ARAŞDIRMA MƏRKƏZİ" (ingilis). İstifadə tarixi: 2024-12-17.