Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHaru Urara (ハルウララ?) – keçmiş yapon yarış atı. 1998–2004-cü illərdə çıxdığı 113 yarışda heç bir qələbə qazana bilməməsinə görə tanınır.
| Haru Urara | |
|---|---|
.jpg) | |
| Məlumatlar | |
| Növü | at |
| Cinsiyyəti | dişi |
| Doğum tarixi | 27 fevral 1996 |
| Doğum yeri | Mitsuişi, Hokkaydo prefekturası |
| Ölüm tarixi | 9 sentyabr 2025 |
| Ölkə |
 Yaponiya |
| Peşə | yarış atı |
| Fəaliyyət illəri | 17 noyabr 1998–1 oktyabr 2006 |
Haru Urara 26 fevral 1996-cı ildə Hokkaydo prefekturasının Mitsuişi qəsəbəsində yerləşən Nobuta Bokuco at fermasında doğulmuşdur.[1] O, 1983-cü ildə doğulmuş, "Yasuda Kinen" və "Tenno Şo" kimi at yarışlarında qələbələr əldə etmiş Nippo Teyo adlı yarış atının balası idi.[2] "Haru Urara" adının mənası yapon dilindən tərcümədə "Təmtəraqlı bahar" deməkdir.[3]
Haru Urara yarış atı karyerasına 1998-ci ilin noyabrında başlamış və Koçi hippodromunda baş tutan yarışda sonuncu yeri tutmuşdur. Haru Urara yarışlardakı qələbəsizlik seriyasına davam etmişdir. O, cəmi 4 dəfə ikinci yeri tuta bilmiş və 9.300 məbləğində mükafat qazandıra bilmişdir. O, 2003-cü ilin iyununa qədər qatıldığı 80 yarışın hamısını uduzmuşdur. Onun qələbəsizlik seriyası 2003-cü ildə Yaponiya mediası tərəfindən işıqlandırılmış və o, Yaponiyadakı məşhur atlardan birinə çevrilmişdir. Onun populyarlığı "Haru bumu" ifadəsinin yaranmasına səbəb olmuşdur. İnsanlar onun qələbəsinə o qədər çox mərc qoyuluşu etmişdirlər ki, o, Yaponiyada 1,8:1 qələbə əmsalına malik ata çevrilmişdir.[3] 22 mart 2004-cüi ildəki yarışda Yaponiyanın ən tanınmış cokeylərindən olan Yutaka Take onunla yarışsa da, Haru Urara 10-cu yeri tutmuş və ardıcıl 106-cı dəfə qələbə qazana bilməmişdir.[4]
Haru Uraranın yarışlardakı uğursuzluğu və sürət baxımından digər atlardan geri düşməsi adının yazıldığı və yol qəzalarından qoruduğuna inanılan talismanların yaranmasına səbəb olmuşdur. Onun üzü reklam məqsədilə istifadə olunmuş, çəhrayı "Hello Kitty" maskası ilə yarışmışdır. Yaponiya baş naziri Cuniçiro Koyzumi Haru Urara haqqında "onun bir dəfə də olsa qalib gəlməsini istərdim. Bu at məğlubiyyət qarşısında təslim olmamağın gözəl bir nümunəsidir" sözlərini demişdir.[3]
2005-ci ilin martında onun təqaüdə çıxma yarışı üçün Toçiqidən geri gətiriləcəyi anons edilsə də,[5] bu təxirə salınmışdır.[6] 2006-cı ilin oktyabrında təqaüdə çıxmış at kimi təsnif olunmuşdur. O, karyerasını 113 qələbəsiz yarışla başa çatdırmışdır.[7][8]
Təqaüdə çıxdıqdan sonra onun Dip İmpakt və Stey Qold kimi yarış atları ilə cütləşdirmək planlaşdırılsa da, bu planlar baş tutmamışdır.[9][10][11] 2013-cü ildə sahibi tərəfindən Çiba prefekturasının Oncuku qəsəbəsində yerləşən Mata fermasına köçürülmüşdür.[12][13] 2018-ci ildə Kisarazu Polis Məntəqəsinin yol təhlükəsizliyi posterində yer alan PR personajlardan biri olmuşdur.[14][15][16] 9 sentyabr 2025-ci ildə 29 yaşında kolik səbəbilə ölmüşdür.[17]
Haru Uraranın antropomorfik versiyası "Uma Musume Pretty Derby" anime və oyun seriyasının personajlarındna biridir.[18][19] Franşizanın fanatları real həyatdakı Haru Uraranı ziyarət edirlər.[20]
"Biffy Clyro" qrupunun "The Myth of the Happily Ever After" (2021) albomundakı treklərdən biri Haru Uraranın adını daşıyır. Mahnı optimizmdən və uğursuzluğun üzü olmağın əyləncəsindən bəhs edir.[21]
Sumo güləşçisi Morikava Yuki ardıcıl məğlubiyyətlərdən sonra məşqçisi ona "Moriurara" rinq adını vermişdir.[22][23]
- ↑ "Haru Urara (JPN)". JBIS (ingiliscə). 1 noyabr 2022 tarixində arxivləşdirilib. İstifadə tarixi: 16 iyul 2025.
- ↑ "Nippo Teio (JPN)". JBIS (ingiliscə). İstifadə tarixi: 16 iyul 2025.
- ↑ 1 2 3 "Losing Racehorse Charms Japan". CBS News (ingiliscə). 22 mart 2004. 11 iyul 2025 tarixində arxivləşdirilib. İstifadə tarixi: 16 iyul 2025.
- ↑ "Japanese cheer on no-hope horse". BBC (ingiliscə). 22 mart 2004. 2 aprel 2004 tarixində arxivləşdirilib. İstifadə tarixi: 16 iyul 2025.
- ↑ "ハルウララ 引退レース予定通り 馬主ら会見". Kochi Shimbun (yapon). Kochi, Japan. 5 yanvar 2005. 4 mart 2016 tarixində orijinalından arxivləşdirilib. İstifadə tarixi: 18 may 2022.
- ↑ "ウララ引退レース延期 馬主「体調回復を優先」". Kochi Shimbun (yapon). Kochi, Japan. 11 fevral 2005. 4 mart 2016 tarixində orijinalından arxivləşdirilib. İstifadə tarixi: 2 dekabr 2022.
- ↑ "ハルウララ正式引退 競走馬登録抹消へ". Kochi Shimbun (yapon). Kochi, Japan. 4 oktyabr 2006. 21 mart 2016 tarixində orijinalından arxivləşdirilib. İstifadə tarixi: 2 dekabr 2022.
- ↑ "地方競馬 データ情報 ハルウララ". keiba.go.jp (yapon). National Association of Racing. İstifadə tarixi: 2 dekabr 2022.
- ↑ "ダメ馬ハルウララは「馬肉」にされてしまった!?" [Bad horse Haru Urara was turned in to "horse meat"!?]. Shukan Shincho (yapon) (53). Shinchosha. 1 may 2008. 73. 18 mart 2019 tarixində arxivləşdirilib. İstifadə tarixi: 2 dekabr 2022.
- ↑ "113連敗ハルウララにディープインパクト種付け計画" [The breeding plan with Deep Impact for Haru Urara, who has a 113 losing streak]. Shukan Shincho (yapon). 54. 17 dekabr 2009. 49. 18 mart 2019 tarixində arxivləşdirilib. İstifadə tarixi: 2 dekabr 2022.
- ↑ Kensaku, Wakui. "113連敗ハルウララに会いに行く。ほしよりこが描くワガママな素顔。". Number web. Bungeishunju. 29 oktyabr 2018. 16 noyabr 2018 tarixində arxivləşdirilib. İstifadə tarixi: 2 dekabr 2022.
- ↑ "新サポートホース・ハルウララ「春うららの会」" (yapon). The Retired Horse Association. 15 iyul 2014. 19 iyul 2014 tarixində arxivləşdirilib. İstifadə tarixi: 2 dekabr 2022.
- ↑ "【復刻】負け組の星 ハルウララ千葉にいた｜極ウマ・プレミアム". nikkansports.com (yapon). Nikkan Sports. 1 mart 2022. 1 mart 2022 tarixində arxivləşdirilib. İstifadə tarixi: 2 dekabr 2022.
- ↑ "元競走馬・ハルウララ起用 「一生クルマに当たらないで」 千葉県警木更津署の交通安全ポスターが話題". 産経ニュース (yapon). Sankei Shimbun. 22 avqust 2018. 30 iyul 2021 tarixində arxivləşdirilib. İstifadə tarixi: 2 dekabr 2022.
- ↑ "ハルウララに感謝状 戦績生かし交通安全貢献 ニンジン６００キロも 木更津署". www.chibanippo.co.jp (yapon). Chiba Nippo. 25 avqust 2018. 25 avqust 2018 tarixində arxivləşdirilib. İstifadə tarixi: 2 dekabr 2022.
- ↑ "車に「当たらないで」 １１３連敗ハルウララ 交通安全に一役 木更津署、ポスター作製". www.chibanippo.co.jp (yapon). Chiba Nippo. 27 iyul 2018. 27 iyul 2018 tarixində arxivləşdirilib. İstifadə tarixi: 2 dekabr 2022.
- ↑ "Retired Japanese racehorse Haru Urara, famed for losing all her races, dies aged 29". The Straits Times (ingiliscə). 9 sentyabr 2025. İstifadə tarixi: 9 sentyabr 2025.
- ↑ "キャラクター一覧 | ウマ娘 プリティーダービー 公式ポータルサイト｜Cygames". ウマ娘 プリティーダービー 公式ポータルサイト (yapon). 30 noyabr 2022 tarixində orijinalından arxivləşdirilib. İstifadə tarixi: 2 dekabr 2022.
- ↑ "TVアニメ『ウマ娘 プリティーダービー』公式サイト". TVアニメ『ウマ娘 プリティーダービー』公式サイト (yapon). İstifadə tarixi: 2 dekabr 2022.
- ↑ Tatsunori, Tokushige. "「ウマ娘」大ヒットで20代の競馬ファン増加中 "ハルウララ"ファーム見学は予約でいっぱいに". Daily Shinchō (yapon). Shinchosha. 2 iyun 2021. 2 iyun 2021 tarixində arxivləşdirilib. İstifadə tarixi: 2 dekabr 2022.
- ↑ "Biffy Clyro on how life, death and a Japanese horse shaped their new album". NME (ingilis). 26 oktyabr 2021. İstifadə tarixi: 9 fevral 2024.
- ↑ Gunning, John. "Sumo 101: Ring names". The Japan Times. 11 sentyabr 2018. 12 sentyabr 2018 tarixində arxivləşdirilib. İstifadə tarixi: 25 aprel 2025.
- ↑ "Moriurara Yuki - Rikishi Profile". Japan Sumo Association. İstifadə tarixi: 7 iyun 2025.