Hapsiyaş körpüsü və ya Kirəmitli körpü (türk. Hapsiyaş Köprüsü) — Trabzon vilayətinin Of distriktində yerləşən Bölümlü məhəlləsindəki Əbdüləziz Sandıqçı tərəfindən 1935-ci ildə inşa edilmiş tarixi körpü. Cümhuriyyət dövründən qalan körpü o illərdə piyada, avtomobil və heyvanların hərəkəti üçün istifadə edilən körpülərdən biri olub.[1][2][3]
| Hapsiyaş körpüsü | |
|---|---|
| türk. Hapsiyaş Köprüsü | |
 Hapsiyaş körpüsü, 2012-ci il | |
 | |
| 40°49′12″ şm. e. 40°16′12″ ş. u.HGYO | |
| Ölkə |
 Türkiyə |
| Keçid | piyadalar üçün |
| Yeri | Of |
| Üslubu | taxta körpü |
| Uzunluğu | 20 m |
| Açılışı | 1935 |
 Vikianbarda əlaqəli mediafayllar | |
1935-ci ildə Əbdüləziz Sandıqçı tərəfindən Bölümlü məhəlləsi üçün piyadaların keçidini təmin etmək üçün inşa edilən Kirəmitli körpü bölgə və məhəllə üçün ən əhəmiyyətli nəqliyyat vasitələrindən birinə çevrildi. Körpünün yerləşdiyi Solaklı çayının sahilində gəzinti yolu, istirahət zonası, körpü ilə iç-içə olan baxış terrası da var.[1]
Hapsiyaş körpüsü Bölümlü məhəlləsindən 1,54 km, Ofdan 14 km, Trabzondan isə 64 km və bölgənin əhəmiyyətli turistik yerlərindən biri olan Uzungöldən 25 km uzaqlıqda yerləşir.
Körpü tikintisindən 52 il sonra, 1987-ci ildə 10-cu Avtomobil Yolları Regional Müdirliyi tərəfindən ilkin vəziyyətinə qaytarılıb. İkinci dəfə bərpası isə düz 15 ildən sonra Trabzon valiliyi tərəfindən həyata keçirilib.
Körpü ilk dəfə tikiləndə o vaxtlar dəbdə olan kirəmit və ağacdan hazırlanmış və qayaların üzərində tikilmişdir. Sonralar 1987 və 2002-ci illərdə aparılan bərpa işləri nəticəsində ilkin xüsusiyyətini itirsə də, təbiiliyi hələ də qorunub saxlanılmışdır.
- ↑ 1 2 "Hapsiyaş Köprüsü". Bölümlü Derneği. 16 Mayıs 2020 tarixində arxivləşdirilib. İstifadə tarixi: 10 Mayıs 2020.
- ↑ "Figure 2.7 Hapsiyaş Bridge1" (PDF). İstifadə tarixi: 20 Mayıs 2020.
- ↑ . Türkiye Kültür Envanteri http://karadeniz.gov.tr/hapsiyas-koprusu-kiremitli-kopru/ (#bare_url_missing_title). 19 Nisan 2019 tarixində arxivləşdirilib. İstifadə tarixi: 20 Mayıs 2020.