Happier Than Ever (hərf. "Hər zamankından daha xoşbəxt") — ABŞ müğənnisi Billi Aylişin 30 iyul 2021-ci ildə "Darkroom" və "Interscope Records" leybllarının təqdimatında işıq üzü görən ikinci studiya albomu. Albomun bədii-texniki həllində müğənninin qardaşı Finneasın xüsusi əməyi vurğulanmalıdır. Belə ki, o, vahid prodüser qismində albomun bütün yaradıcılıq proseslərinə rəhbərlik edir.
| Happier Than Ever | |||||||
|---|---|---|---|---|---|---|---|
 | |||||||
| Billi Ayliş tərəfindən ifa olunmuş studiya albomu | |||||||
| Yayımlanma tarixi | 30 iyul 2021 | ||||||
| Yazılma tarixi | aprel 2020 – fevral 2021 | ||||||
| Studiya | Finneasın ev studiyası (Los-Anceles) | ||||||
| Janr | |||||||
| Müddət | 56:07 | ||||||
| Dil | ingilis dili | ||||||
| Leybl |
|
||||||
| Prodüser | Finneas Okonnell | ||||||
| Billi Ayliş albomlarının xronologiyası | |||||||
|
|||||||
|
|||||||
2021-ci ildə işıq üzü görən "Happier Than Ever" albomunun əsas musiqi istiqaməti dauntempo-pop janrı hesab edilsə də, müəyyən kompozisiyalarda caz və elektropop elementləri də nəzərə çarpır. Billi Aylişin ikinci studiya albomunda məşhurluğun gətirdiyi çətinliklər və şəxsi həyatında yaşadığı dəyişikliklər əsas mövzu olaraq diqqəti cəlb edir. Musiqi tənqidçiləri əsəri yüksək qiymətləndirmiş, xüsusilə də mahnıların kompozisiyasını, prodüserlik həllərinin keyfiyyətini və lirik mətnlərin dərinliyini vurğulamışlar. "Qremmi" mükafatlarının 2022-ci il təqdimat mərasimində albom və onun eyniadlı kompozisiyası bir sıra nüfuzlu nominasiyalarda təmsil olunmuşdur. Eyniadlı sinql "İlin mahnısı" kateqoriyasında namizəd olmuş, albomun özü isə "İlin albomu" nominasiyasında yarışmışdır.
Albomdan yeddi kompozisiya dinləyicilərə sinql formatında təqdim edilmişdir - "My Future" (azərb. "Gələcək həyatım"), "Therefore I Am" (azərb. "Buna binaən mövcudam"), "Your Power" (azərb. "Sənin gücün"), "Lost Cause" (azərb. "Əbəs məsələ"), "NDA" (azərb. "Gizli saxlama razılaşması"), "Happier Than Ever" (azərb. "Hər zamankından daha xoşbəxt") və "Male Fantasy" (azərb. "Kişi xülyası"). Bu sinqllardan üçü ABŞ-nin "Billboard Hot 100" çartında yüksək nəticə göstərmişdir. Albomun ən uğurlu kompozisiyası "Therefore I Am" ikinci pilləyə qədər yüksəlmiş, "My Future" altıncı, "Your Power" isə onuncu sırada yer almışdır.
"Happier Than Ever" Billi Aylişin "Billboard 200" çartında zirvə mövqeyinə yüksələn ikinci studiya işi olmaqla bərabər, 27 dövlətin musiqi reytinqlərində də birinciliyi əldə etmişdir. 2021-ci il sentyabrın 3-də "Disney+" platformasında təqdim edilən "Happier Than Ever: Los-Ancelesə sevgi məktubu" adlı konsert filmində Billi Ayliş albomun bütün kompozisiyalarını canlı təqdimatda ifa edib. Robert Rodriges və Patrik Ozbornun quruluşunda ərsəyə gələn bu audiovizual layihə platformanın eksklüziv məzmunu kimi təqdim edilmişdir. Billi Ayliş albomun təbliğatı çərçivəsində 2022-ci ilin 3 fevral - 30 sentyabr tarixləri arasında dünya miqyasında konsert turu təşkil etmişdir.
Amerikalı müğənni Billi Ayliş 29 mart 2019-cu ildə qardaşı musiqiçi Finneas Okonnellin prodüserliyi altında ərsəyə gələn "When We Fall Asleep, Where Do We Go?" (azərb. "Yuxuya dalanda haralarda oluruq?") adlı debüt albomunu təqdim edib.[1] Albom həm tənqidçilər, həm də dinləyicilər tərəfindən müsbət qarşılanıb və yüksək kommersiya uğuru əldə edib. Xüsusilə trek siyahısına daxil olan "Bad Guy" sinqlı sənətçi Billi Aylişə böyük uğur və tanınma gətirib.[2] Məhz bu albom və "Bad Guy" mahnısına görə Billi Ayliş "Qremmi" mükafatının bir neçə nominasiyasında qalib elan olunub. Uğurlu debütün davamı olaraq Billi Ayliş yeni sinqllar təqdim edib: "Everything I Wanted" (azərb. "Dilədiyim hər şey"), Ceyms Bond kinofranşizası üçün "No Time to Die" və nəhayət ispan müğənni Rozaliya ilə duet formatında olan "o Vas a Olvidar". 2021-ci ildə keçirilən "Qremmi" mükafatlandırma mərasimində sözügedən kompozisiyalardan bəziləri sənətçiyə əlavə mükafatlar qazandırıb.[3][2]
Billi Ayliş 2020-ci ilin yanvarında ikinci studiya albomunun yaradılması prosesinə başlayacağını ictimaiyyətə bəyan edib.[4] Sənətçinin qardaşı və həmkarı Finneas Okonnell mart ayında verdiyi müsahibədə yeni albomun konsert performanslarında təqdim etməyi xoşladıqları musiqi üslubunda olacağını vurğulayıb. 2021-ci ilin fevral ayında "Billi Ayliş: Dünya bir az bulanıqdır" adlı sənədli film auditoriya ilə görüşüb.[5] Eyni dövrdə ifaçı albomun on altı kompozisiyadan ibarət olacağını açıqlayıb.[6]
Billi Ayliş "Happier Than Ever" albomunu Los-Anceles şəhərində, qardaşı Finneasın ev studiyasında ərsəyə gətirib.[7] Yaradıcılıq prosesi 2020-ci ilin aprel ayından 2021-ci ilin fevral ayınadək davam edib. İfaçı albomun hazırlanma prosesinə "My Future" mahnısı ilə başlayıb və "Oxytocin" mahnısı ilə tamamlayıb.[8][7] "Happier Than Ever" mahnısı albom üçün qələmə alınmış ilk nümunədir. İfaçı bu mahnını "When We All Fall Asleep" dünya turu zamanı, Avropada olarkən yazıb.[7] Albomda yer alan 16 mahnının hamısı Billi Ayliş və qardaşı Finneasın birgə əməyinin məhsuludur. Onların hazırladığı "What I Wanna Hear" (azərb. "Duymaq istədiyim") və "Born Blue" adlı mahnılar son mərhələdə alboma daxil edilməyib.[8]
Billi Ayliş "Happier Than Ever" albomunun yaradılma prosesinin əvvəlki işləri ilə müqayisədə daha harmonik keçdiyini bəyan edib. İfaçı qeyd edib ki, öncəki layihələrində yaradıcılıq prosesi zamanı yüksək səviyyədə təşviş və psixoloji gərginlik yaşayıb.[9] Lakin bu albomun hazırlanması əsnasında daha rahat və özünəinamlı olub. O, əvvəlki dövrlərdə öz peşəkar qabiliyyətlərinə şübhə ilə yanaşıb və özünütənqidə meylli olub.[10]
İfaçı musiqisində yeni istiqamət axtarışları çərçivəsində caz janrına müraciət edib. Onun bədii təsirlənmə mənbələri arasında Culi London, Peqqi Li və Frenk Sinatra kimi tanınmış caz ustadları xüsusi yer tutur.[9]
Bütün treklər Billi Ayliş və Finneas O'Konnell tərəfindən yazılmışdır
| № | Başlıq | Müddət |
|---|---|---|
| 1. | "Getting Older" | 4:04 |
| 2. | "I Didn't Change My Number" | 2:38 |
| 3. | "Billie Bossa Nova" | 3:16 |
| 4. | "My Future" | 3:30 |
| 5. | "Oxytocin" | 3:30 |
| 6. | "Goldwing" | 2:31 |
| 7. | "Lost Cause" | 3:32 |
| 8. | "Halley's Comet" | 3:54 |
| 9. | "Not My Responsibility" | 3:47 |
| 10. | "Overheated" | 3:34 |
| 11. | "Everybody Dies" | 3:26 |
| 12. | "Your Power" | 4:05 |
| 13. | "NDA" | 3:15 |
| 14. | "Therefore I Am" | 2:53 |
| 15. | "Happier Than Ever" | 4:58 |
| 16. | "Male Fantasy" | 3:14 |
| 56:07 | ||
| № | Başlıq | Müddət |
|---|---|---|
| 17. | "My Future (Live Performance from the DNC)" | |
| 18. | "Therefore I Am (Live from iHeartRadio ALTer Ego 2021)" | |
| 19. | "Your Power (Vevo Live Performance)" | |
| 20. | "Lost Cause (Vevo Live Performance)" |
| № | Başlıq | Müddət |
|---|---|---|
| 17. | "NDA (Japan Special Performance)" | |
| 18. | "Billie Bossa Nova (Japan Special Performance)" |
| № | Başlıq | Müddət |
|---|---|---|
| 1. | "Interview for Japan" | |
| 2. | "Happier Than Ever (Music Video)" | |
| 3. | "Happier Than Ever (Making of the Video)" | |
| 4. | "Male Fantasy (Music Video)" | |
| 5. | "NDA (Music Video)" | |
| 6. | "Lost Cause (Music Video)" | |
| 7. | "Your Power (Music Video)" | |
| 8. | "Happier Than Ever, The World Tour (Road to Opening Night)" | |
| 9. | "NDA (Japan Special Performance)" | |
| 10. | "Billie Bossa Nova (Japan Special Performance)" |
- ↑ "Billie Eilish is the big winner at the Grammys". BBC News (ingilis). 27 yanvar 2020. 27 yanvar 2020 tarixində arxivləşdirilib. İstifadə tarixi: 28 iyul 2021.
- ↑ 1 2 "Billie Eilish announces new album, 'Happier Than Ever'". Los Angeles Times (ingilis). 27 aprel 2021. 28 iyul 2021 tarixində arxivləşdirilib. İstifadə tarixi: 28 iyul 2021.
- ↑ Strause, Jackie. "Grammys: Billie Eilish Wins for James Bond Theme Song "No Time to Die"". The Hollywood Reporter (ingilis). 14 mart 2021. 28 iyul 2021 tarixində arxivləşdirilib. İstifadə tarixi: 28 iyul 2021.
- ↑ Iasimone, Ashley. "Billie Eilish Says She's Working on a New Album, Releasing Her Documentary This Year: 'I'm Terrified'". Billboard. 19 yanvar 2020. 27 aprel 2021 tarixində arxivləşdirilib. İstifadə tarixi: 27 aprel 2021.
- ↑ Krol, Charlotte. "Billie Eilish says new album 'feels exactly how I want it to'". NME. 25 yanvar 2021. 3 fevral 2021 tarixində arxivləşdirilib. İstifadə tarixi: 27 aprel 2021.
- ↑ Triscari, Caleb. "Billie Eilish teases 16 songs for new album". NME. 1 fevral 2021. 26 aprel 2021 tarixində arxivləşdirilib. İstifadə tarixi: 27 aprel 2021.
- ↑ 1 2 3 Spanos, Brittany. "Billie Eilish and the Pursuit of Happiness". Rolling Stone. 17 iyun 2021. 19 iyul 2021 tarixində arxivləşdirilib. İstifadə tarixi: 21 iyul 2021.
- ↑ 1 2 "Stories: @billieeilish (Anonymous profile view)" [Q&A session for Happier Than Ever]. insta-stories.com. 10 avqust 2021. 10 avqust 2021 tarixində arxivləşdirilib. İstifadə tarixi: 10 avqust 2021.
- ↑ 1 2 Eilish, Billie. "Billie Eilish – Happier Than Ever (Official Vevo Interview)". 21 iyul 2021. 20 iyul 2021 tarixində arxivləşdirilib. İstifadə tarixi: 21 iyul 2021 – YouTube vasitəsilə.
- ↑ Mier, Tomás. "Billie Eilish was 'Much More Confident' as She Drops Happier Than Ever: 'I Felt Like I Wasn't Very Talented'". People. 22 iyul 2021. 24 iyul 2021 tarixində arxivləşdirilib. İstifadə tarixi: 25 iyul 2021.
- ↑ References for interpolation of "Hymn to Vena" in "Goldwing":
- Serrano, Athena. "Billie Eilish's Happier Than Ever Has A Song For Every Mood". MTV News. 31 iyul 2021. 30 iyul 2021 tarixində arxivləşdirilib. İstifadə tarixi: 31 iyul 2021.
- Holst, Gustav. "Choral hymns from the Rig Veda for SATB chorus and orchestra, Groups I and IV, op. 26, H.97, H.100". The British Library (Manuscript). Stainer & Bell. 1908–1912. 31 iyul 2021 tarixində arxivləşdirilib. İstifadə tarixi: 31 iyul 2021.
- ↑ "Happier Than Ever". Spotify. 30 iyul 2021. 27 aprel 2022 tarixində arxivləşdirilib. İstifadə tarixi: 28 aprel 2022.