Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinFerrari Purosangue (Tip F175) - İtaliya avtomobil istehsalçısı Ferrari tərəfindən istehsal olunan yüksək performanslı lüks yolsuzluq avtomobilidir.Model 13 sentyabr 2022-ci il tarixində təqdim edilmişdir və Ferrarinin ilk seriyalı dördqapılı və SUV tipli avtomobili kimi şirkət tarixində mühüm mərhələ hesab olunur.[1]Purosangue modeli Lamborghini Urus,Aston Martin DBX və digər yüksək performanslı lüks SUV-larla rəqabət aparır.Avtomobil,Ferrarinin ənənəvi idman ruhunu praktik dizaynla irləşdirərək həm gündəlik istifadə,həm də yüksək sürət performansı üçün nəzərdə tutulmuşdur.[2]
| ing. Ferrari Purosangue | |
|---|---|
| F175 | |
 | |
| Ümumi məlumatlar | |
| İstehsalçı | İtaliya |
| Sinfi | Orta ölçülü lüks Krossover SUV |
| Qabariti | |
| Uzunluğu | 4973 mm |
| Eni | 2028 mm |
| Hündürlüyü | 1589 mm |
| Təkər bazası | 3018 mm |
 Vikianbarda əlaqəli mediafayllar | |
Purosangue modeli Ferrari Roma kupe versiyası ilə eyni platforma üzərində qurulmuşdur və dizayn baxımından fastback üslubunu xatırladan xətlərə malikdir.[3]Avtomobilin arxa qapıları ön tərəfə açılan quruluşa sahibdir,bu da arxa oturacaqlara rahat daxil olmanı və çıxışı təmin edir.Ferrari bir neçə dəfə SUV istehsal etmədiyini bəyan etmiş və Purosangue modelini FUV (Ferrari Utility Vehicle) - yəni,Ferrari Faydalı Avtomobili termini ilə adlandırmışdır.[4]Bu adlandırma,modelin həm lüks,həm də performans yönümlü unikal konseptini vurğulamaq məqsədi daşıyır.
Purosangue modeli 2024-cü ildə sənaye dizaynı sahəsində dünyanın ən nüfuzlu mükafatlarından biri olan Compasso d'Oro mükafatına layiq görülmüşdür.[5]Bu mükafat,avtomobilin estetik yenilikçiliyi,funksional dizaynı və Ferrarinin ənənəvi dizaynı fəlsəfəsini müasir texnologiya ilə birləşdirmə bacarığına görə təqdim edilmişdir.
Ferrari Purosangue adını at cinsi olan "Purosangue"dən almışdır;bu söz italyanca "safqan" mənasını verir.2020-ci ildə Ferrari "Purosangue" adını ticarət nişanı kimi qeydiyyatdan keçirmək üçün müraciət etmiş,lakin Purosangue Fondu (Purosangue Foundation) adlı təşkilat bu prosesi ad hüququ mübahisəsi səbəbilə bloklamışdır.Bunun nəticəsində Ferrari həmin təşkilata qarşı ad hüququna dair məhkəmə iddiası qaldırmış və iş 5 mart 2021-ci ildə məhkəməyə çıxarılmışdır.[6]
Purosangue modelinin inkişafı,F175 kod adı ilə,2017-ci ildə başlanmışdır.Layihənin mövcudluğu barədə ilk işarələri o dövrdə Ferrarinin baş direktoru olan Sergio Marchionne vermişdir.[7]Modelin hazırlanması isə sentyabr 2018-ci ildə rəsmi olaraq Ferrari tərəfindən təsdiqlənmişdir.[8]Dördillik inkişaf və sınaq mərhələsindən sonra Ferrari Purosangue 13 sentyabr 2022-ci ildə təqdim edilmiş və 2023 model ili üçün bazara çıxarılmışdır.Bu təqdimat Ferrari tarixində ilk dəfə dördqapılı və SUV tipli seriyalı avtomobilin rəsmi debütü kimi əlamətdar hadisə hesab olunur.
Ferrari Purosangue modelinə aid ilk sınaq prototipi görüntüləri 22 oktyabr 2018-ci ildə internətdə yayımlanmışdır.Həmin ilk prototip,Ferrari GTC4Lusso modelinin gövdəsi üzərində sınaq məqsədilə hazırlanmışdır.[9]Daha sonra,2022-ci ilin fevral ayında,Purosangue modelinə aid sızdırılmış şəkillər internətdə yayılmış və böyük maraq doğurmuşdur.Bir ay sonra,mart 2022-də,Ferrari özü avtomobilin rəsmi təqdimata qədər olan ilk qismən görüntüsünü paylaşaraq modelin dizayn xəttlərini və gələcək təqdimatını təsdiqləmişdir.
- ↑ "The Ferrari Purosangue wins the Compasso d'Oro 2024". www.ferrari.com (ingilis).
- ↑ https://www.motortrend.com/news/2023-ferrari-purosangue-suv-future-cars (#bare_url_missing_title).
- ↑ https://www.gearpatrol.com/cars/g37341634/ferrari-purosangue-suv/ (#bare_url_missing_title).
- ↑ https://www.caranddriver.com/news/a41145622/2024-ferrari-purosangue-revealed/ (#bare_url_missing_title).
- ↑ https://www.drive.com.au/news/the-winding-road-to-ferraris-first-suv/ (#bare_url_missing_title).
- ↑ https://www.carscoops.com/2020/01/ferrari-doesnt-have-the-rights-to-the-purosangue-name-so-now-its-suing-a-charity-to-get-them/ (#bare_url_missing_title).
- ↑ https://www.carscoops.com/2017/08/marchionne-confirms-ferrari-crossover/ (#bare_url_missing_title).
- ↑ https://www.carscoops.com/2018/09/ferrari-confirms-laferrari-successor-new-v6-engine-family-phev-models/ (#bare_url_missing_title).
- ↑ https://www.motor1.com/news/273002/ferrar-purosangue-test-mule-spied/ (#bare_url_missing_title).