Fərhad Rəcəbli (11 oktyabr 1959, Qusar) — Azərbaycan cüdoçusu, veteranlar arasında 12 dəfə dünya[1] və 10 dəfə Avropa çempionu, daha öncə dəfələrlə Avropa, SSRİ-də müxtəlif titullar qazanmış və həmçinin dəfələrlə Azərbaycan çempionu olmuşdur.[2][3]
| Fərhad Rəcəbli | |
|---|---|
| Şəxsi məlumatlar | |
| Vətəndaşlığı | |
| Doğum tarixi | 11 oktyabr 1959 (65 yaş) |
| Doğum yeri | |
| İdman növü | cüdo |
 Vikianbarda əlaqəli mediafayllar | |
Fərhad Rəcəbli 1959-cu il oktyabrın 11-də Qusar rayonunun Əcəxur kəndində anadan olub. 1967-ci ildən Sumqayıt şəhərində yaşayıb. 1971-ci ildən idmanla məşğul olmağa başlayıb.
İlk dəfə məktəblilər arasında 1975-ci ildə Azərbaycan çempionu olub, daha sonra yeniyetmələr arasında Azərbaycan çempionu titulunu qazanıb. 1978-ci ildə SSRİ çempionu titulunu qazanıb, daha sonra Avropa çempionatında 3-cü yerə layiq görülüb. 1979-cu ildə SSRİ ikincisi, 1980-ci ildə birinci, 1981-ci ildə isə üçüncü yerə layiq görülüb. 1981-ci, 1982-ci illərdə ardıcıl olaraq Kubada keçirilən "A” kateqoriyalı beynəlxalq turnirdə ikinci yerlərə layiq görülüb. 1986-cı ildən sonra fəaliyyətini həm də məşqçi kimi də davam etdirir. 1988-ci ildə Azərbaycan çempionatında ikinci yerə layiq görülüb, həmin ildə SSRİ çempionatında da ikinci yerə layiq görülüb. 1989-cu ildən 1995-ci ilədək keçirilən Azərbaycan çempionatlarında ardıcıl olaraq birinci yerə layiq görülüb. Uzunmüddətli fasilədən sonra, artıq 42 yaşından veteranlar arasında təşkil olunan cüdo yarışlarında iştirak etməyə başlayıb və 12 dəfə dünya və 8 dəfə avropa çempionu olub.[4][5][6]
- ↑ "Gənclər və İdman Nazirliyi". www.mys.gov.az. İstifadə tarixi: 2024-12-22.
- ↑ Olimpnews.az. "Fərhad Rəcəbli: "Özümü yalnız tatamidə xoşbəxt hiss edirəm"". Olimpnews.az (az.). İstifadə tarixi: 2024-12-22.
- ↑ "Azərbaycan Cüdo Federasiyası". www.judo.az (ingilis). 2023-11-29 tarixində arxivləşdirilib. İstifadə tarixi: 2024-12-22.
- ↑ ""Cüdo bizim üçün təkcə idman deyil, həyat tərzidir" - Fərhad Rəcəbli". www.rekord.az (az.). 2022-06-06 tarixində arxivləşdirilib. İstifadə tarixi: 2024-12-22.
- ↑ "Fərhad Rəcəbli. Oxu.az Saytında Fərhad Rəcəbli mövzusunda son xəbərlər". Oxu.Az (az.). İstifadə tarixi: 2024-12-22.
- ↑ Olimpnews.az. "Fərhad Rəcəbli: "Özümü yalnız tatamidə xoşbəxt hiss edirəm"". Olimpnews.az (az.). İstifadə tarixi: 2024-12-22.