Füzuli rayonunun bələdiyyələri

Füzuli rayonunun İSO standartı (ISO 3166-2:AZ) üzrə ixtisar adı belədir - beynəlxalq istiufad üçün: AZ-FUZ, daxili sitifadə üçün: FUZ.

Aşağıdakı Siyahı 18.11.2024-cü il tarixli 50-VIIQD və 51-VIIQD nömrəli qanunlar^[1][2] nəzərə alınaraq tərtib edilmişdir.

Bələdiyyə sədrləri barədə məlumat "Bələdiyyələrlə iş" elektron informasiya sisteminə^[15] mütəmadi yerləşdirilir.

Füzuli rayonunda bələdiyyə sistemi 1999-cu ildə təsis edilmişdir.

07.12.1999-cu il tarixli 771-IQ nömrəli "Bələdiyyələrin əraziləri və torpaqları haqqında" Qanunun ilkin versiyasının^[16] "Füzuli rayonu" bölməsində cəmi 18 bələdiyyə qeyd olunub:

18.04.2000-ci il tarixli 864-IQ nömrəli Qanunla^[17] təsdiq olunmuş "“Azərbaycan Respublikasında yerli özünüidarəetmə üzrə Əlaqələndirmə Şuraları haqqında” Əsasnamə"yə əsaəsn "Füzuli rayonu üzrə Bələdiyyələrin Əlaqələndirmə Şurası" Horadiz şəhərində yaradılmış və Füzuli rayonunda fəaliyyət göstərən bütün bələdiyyələr həmin Şuraya üzv olmuş, Horadiz bələdiyyəsinin sədri eyni zamanda Şura sədri seçilmişdir.

03.05.2005-ci il tarixli 903-IIQ nömrəli Qanunla^[18] təsdiq edilmiş "Bələdiyyələrin regional assosiasiyalarının Nümunəvi Əsasnaməsi"nə əsasən "Azərbaycan Şəhər Bələdiyyələrinin Milli Assosiasiyası", "Azərbaycan Qəsəbə Bələdiyyələrinin Milli Assosiasiyası" və "Azərbaycan Kənd Bələdiyyələrinin Milli Assosiasiyası" yaradılan kimi Füzuli rayonunda fəaliyyət göstərən bələdiyyələr müvafiq assosiasiyaya üzv qəbul ediliblər.

29.05.2005-ci il tarixli 872-IIQ nömrəli Qanunla^[19] "Füzuli rayonunda aşağıdakı bələdiyyələr təşkil edilmişdir:

Eyni zamanda, “Bələdiyyələrin əraziləri və torpaqları haqqında” Azərbaycan Respublikasının Qanununa əlavə edilmiş “Azərbaycan Respublikasında bələdiyyələrin siyahısı”na əlavələr və dəyişikliklər edilməsi barədə" 29.05.2005-ci il tarixli 873-IIQD nömrəli Qanunla^[20] qeyd edilmiş 11 bələdiyyə müvafiq bələdiyyələr Siyahısına əlavə edilmişdir.

01.04.2008-ci il tarixli 586-IIIQD nömrəli Qanunla^[21] "Bələdiyyələrin əraziləri və torpaqları haqqında" Qanunda 13-cü sırada "Horadiz bələdiyyəsi" sözlərinin qarşısındakı "Horadiz qəsəbəsi" sözləri "Horadiz şəhəri" sözləri ilə əvəz edilmişdir.

26.05.2009-cu il tarixli 824-IIIQ nömrəli Qanunla^[22] "Azərbaycan Respublikası Fizuli rayonunun ərazisində birinci Zobucuq və İnikci Zobucuq qəsəbələrini əhatə edən Birinci Zobucuq bələdiyyəsi və Üçüncü Zobucuq, Dördüncü Zobucuq və Beşinci Zobucuq qəsəbələrini əhatə edən Beşinci Zobucuq bələdiyyəsi yaradılmış, “Bələdiyyələrin əraziləri torpaqları haqqında” Azərbaycan Respublikasının Qanununa əlavə edilmiş “Azərbaycan Respublikasında bələdiyyələrin siyahısı”nın yeni redaksiyada verilməsi barədə" 29.05.2009-cu il tarixli 827-IIIQ Qanunun^[23] Əlavəsinin 21-ci bəndində artıq Füzuli rayonunda 31 bələdiyyə nəzərdə tutulmuşdur.

30.05.2014-cü il tarixli 978-IVQD nömrəli Qanunun^[24] 7-ci hissəsində Füzuli bələdiyyələrinin yeni siyahısı verilib.

30.05.2014-cü il tarixli 977-IVQ nömrəli Qanunun^[25] 7-ci hissəsinə əsasən: "7. Füzuli rayonu üzrə:

1) 1 №-li Qayıdış, 2 №-li Qayıdış, 3 №-li Qayıdış, 4 №-li Qayıdış və 5 №-li Qayıdış bələdiyyələrinin əhatə etdiyi 1 №-li Qayıdış, 2 №-li Qayıdış, 3 №-li Qayıdış, 4 №-li Qayıdış və 5 №-li Qayıdış qəsəbələrində 3 №-li Qayıdış bələdiyyəsi;

2) 6 №-li Qayıdış, 7 №-li Qayıdış, 8 №-li Qayıdış, 9 №-li Qayıdış, 10 №-li Qayıdış və 11 №-li Qayıdış bələdiyyələrinin əhatə etdiyi 6 №-li Qayıdış, 7 №-li Qayıdış, 8 №-li Qayıdış, 9 №-li Qayıdış, 10 №-li Qayıdış və 11 №-li Qayıdış qəsəbələrində 8 №-li Qayıdış bələdiyyəsi;

3) Birinci Zobucuq və Beşinci Zobucuq bələdiyyələrinin əhatə etdiyi Birinci Zobucuq, İkinci Zobucuq, Üçüncü Zobucuq, Dördüncü Zobucuq və Beşinci Zobucuq qəsəbələrində Zobucuq bələdiyyəsi" yaradılıb.

30.05.2014-cü il tarixli 978-IVQD nömrəli Qanunun^[26] 7-ci hissəsi ilə isə Füzuli rayonu üzrə bələdiyyələrin yeni siyahısı təsdiq edilib.

18.11.2024-cü il tarixli 50-VIIQ nömrəli Qanunun^[27] 18-ci hissəsinə əsasən:

"18. Füzuli rayonu üzrə:

18.1. 3 №-li Qayıdış, 8 №-li Qayıdış, Araz Dilağarda, Araz Zərgər, Bala Bəhmənli və Birinci Mahmudlu bələdiyyələrinin əhatə etdiyi 1 №-li Qayıdış, 2 №-li Qayıdış, 3 №-li Qayıdış, 4 №-li Qayıdış, 5 №-li Qayıdış, 6 №-li Qayıdış, 7 №-li Qayıdış, 8 №-li Qayıdış, 9 №-li Qayıdış, 10 №-li Qayıdış, 11 №-li Qayıdış qəsəbələrində və Araz Dilağarda, Araz Zərgər, Bala Bəhmənli, Birinci Mahmudlu kəndlərində Bala Bəhmənli bələdiyyəsi;

18.2. Arayatlı, Babı, Əhmədalılar, Qazaxlar və Mollaməhərrəmli bələdiyyələrinin əhatə etdiyi Arayatlı, Babı, Əhmədalılar, Qazaxlar, Mirzənağılı və Mollaməhərrəmli kəndlərində Əhmədalılar bələdiyyəsi;

18.3. Aşağı Kürdmahmudlu, Əhmədbəyli və Yuxarı Kürdmahmudlu bələdiyyələrinin əhatə etdiyi Aşağı Kürdmahmudlu, Əhmədbəyli, İkinci Mahmudlu, Qarabağ, Murtuzalılar və Yuxarı Kürdmahmudlu kəndlərində Əhmədbəyli bələdiyyəsi;

18.4. Aşağı Yağlıvənd, Kərimbəyli, Şükürbəyli və Zobucuq bələdiyyələrinin əhatə etdiyi Birinci Zobucuq, İkinci Zobucuq, Üçüncü Zobucuq, Dördüncü Zobucuq, Beşinci Zobucuq qəsəbələrində və Aşağı Yağlıvənd, Kərimbəyli, Şükürbəyli kəndlərində Kərimbəyli bələdiyyəsi" yaradılmışdır.

“Bələdiyyələrin əraziləri və torpaqları haqqında” Azərbaycan Respublikasının Qanununa Əlavə - "Azərbaycan Respublikasında bələdiyyələrin siyahısı"nda dəyişiklik edilməsi barədə" 18.11.2024-cü il tarixli 51-VIIQD nömrəli Qanunla^[1] təsdiq edilmiş Siyahının "Füzuli rayonu" bölməsində birinci cədvəldə sadalanan 7 bələdiyyənin adı qeyd olunub.

2024-cü il islahatları zamanı Füzuli rayonunun digər yaşayış məntəqələri 2020-ci ildə i işğaldan yeni azad olunduğu və məskunlaşma kifayət qədər olmadığına görə, həmin ərazilərdə bələdiyyələr yaradılmayıb.

02.06.2025-ci il tarixli 05 nömrəli Protokolunda^[28] təsbit edilmiş Qərarı ilə "Bələdiyyə ərazisində mehmanxana, sanatoriya-kurort və turizm xidmətləri göstərən şəxslərə həmin xidmətlərə görə yerli ödənişin ehtimal olunan həcmi əhəmiyyətli sayıldığından onun tətbiqi zəruri hesab" edilələk, "Yerli (bələdiyyə) vergilər və ödənişlər haqqında” Azərbaycan Respublikası Qanununun^[29] 9.1.4-cü maddəsinə əsasən yerli ödənişin məbləği bələdiyyənin ərazisində mehmanxana, sanatoriya-kurort və turizm xidmətləri göstərilən hər bir şəxs (qonaq, müştəri) üçün sutkada 1.1 manat (bir manat on qəpik) müəyyən" edilib. Bu sənəd Azərbaycan bələdiyyə tarixində 2007-ci ildən sonra qəbul edilmiş ilk bu tipli aktdır.

Füzuli bələdiyyələri aşağıdakı bələdiyyə ittifaqlarında və birliklərində təmsil olunurlar:

1. Füzuli rayonu üzrə Bələdiyyələrin Əlaqələndirmə Şurası^[36];
2. Azərbaycan Şəhər Bələdiyyələrinin Milli Assosiasiyası^[37];
3. Azərbaycan Qəsəbə Bələdiyyələrinin Milli Assosiasiyası;
4. Azərbaycan Kənd Bələdiyyələrinin Milli Assosiasiyas.

Füzuli rayonu üzrə Bələdiyyələrin Əlaqələndirmə Şurası Horadiz şəhərində yerləşir və Füzuli rayonunun Horadiz bələdiyyəsinin sədri eyni zamanda Şuraya sədrlik edir.

• "Bələdiyyələrin statistik ərazi təsnifatı" (PDF). stat.gov.az. 2021-08-21 tarixində arxivləşdirilib (PDF). İstifadə tarixi: 2020-05-03.