Eucotyle nephritica

Uzunluğu 2,5 mm, 0.78-0,82 mm eni olan kiçik və uzunsov trematodlardır. Onun baş tərəfi tinləri kütləşmiş, üçbucaq şəklindədir. Kutikula tikanla örtülüdür. Ağız əmziyi 0,24 mm, fariniks isə 0,480 mm diametrə malikdir.^[1] Qida borusunun ön hissəsi şişkinlik (bulbus) əmələ gətirir. Bağırsq qolları azca əyilir və helmintin nəhayətindən 0,48 mm məsafədə qurtarır. Toxumluqlar bədənin qabaq yarsında yerləşir, paylıdır və biri digərindən aralı vəziyyətdə durmuşdur. Ölçüləri: 1-ci toxumluq 0,456x0,276 mm, 2-ci toxumluq isə 0,420-0,276 mm-dir. Yumurtalıq paylı olmaqla 0,228x0,228 mm ölçüyə malikdir. Melis cisimciyi oval şəklində və 0,30x0,168 mm ölçüdədir. Sarılıqlar bədənin ön hissəsində olan əzələvi şişkinlik qurtardığı yerdən başlayaraq bədədnin axırıncı 1/3 hissəsinin başlanğıcında qurtarır. Yumurtalar oval şəkildədir, miqdarı çoxdur, ölçüləri: 0,036x0,012 mm-dir. ^[2]

Azsaylı-kosmopolit növdür, növdaxili müxtəlifliyi Politipdir, Parazit orqanizm olub quşların (Podiceps nigricollis) sidik yollarında yaşayır. Mürəkkəb həyat tərzi keçirir. Nəsillərin növbələşməsi və sahiblərin dəyişilməsi ilə müşayiət edilir. Epiteli hüceyrələri ilə qidalanır. Hermofradit orqanizmdir. Cinsi çoxalması yumurta qoyma (nəsil dəyişkənliyi) və qeyri-cinsi çoxalma (partenogeniz) formasında olur. Üçüncü dərəcəli konsumentdir. ^[3]

Dünyada 9, Azərbaycanda 2, Qafqazda da 2 növlə təmsil olunmuşdur. Dünyada Almaniya, Ukrayna, Rusiya, Azərbaycanda isə Nohur gölü, Qızılağac qoruğunda yayılmışdır.