Etibar Qasım oğlu Əliyev (1 mart 1963, Şirazlı, Vedi rayonu) — Azərbaycan Milli Məclisinin VI çağırış deputatı (2020–2024).
| Etibar Əliyev | |
|---|---|
| Etibar Qasım oğlu Əliyev | |
.jpg) | |
Vəzifədədir | |
| 10 mart 2020-ci ildən | |
| Seçki dairəsi | 2020 — 31 saylı Suraxanı |
| Əvvəlki | Fərəc Quliyev |
| Şəxsi məlumatlar | |
| Doğum tarixi | 1 mart 1963 (62 yaş) |
| Doğum yeri | |
| Partiya |
|
| Təhsili | |
| Fəaliyyəti | siyasətçi |
| Elmi fəaliyyəti | |
| Elmi dərəcəsi | |
 Vikianbarda əlaqəli mediafayllar | |
Etibar Əliyev 1 mart 1963-cü ildə Ermənistan Sovet Sosialist Respublikasının Vedi rayonunun Şirazlı kəndində doğulmuşdur. O, Azərbaycan Dövlət Universitetinin Fizika fakültəsini bitirmişdir. Etibar Əliyev 1986–1991-ci illərdə Kosmik Tədqiqatlar Elm-İstehsalat Birliyində mühəndis, 1991–1992-ci illərdə "Bakı fəhləsi" zavodunda mühəndis-konstruktor, 1992–2002-ci illərdə Təhsil Nazirliyində aparıcı mütəxəssis vəzifələrində çalışmışdır.
O, Azərbaycan və rus dillərini bilir.
Etibar Əliyev 2004–2009-cu illərdə AMEA Fəlsəfə və Siyasi-Hüquqi Tədqiqatlar İnstitutunun, 2010–2020-ci illərdə Fəlsəfə və Hüquq İnstitutunun böyük elmi işçisi olmuşdur. O, fəlsəfə üzrə fəlsəfə doktorudur. 7 kitabın və 30-dan çox elmi məqalənin müəllifidir.
Etibar Əliyev 2010-cu ildə keçirilmiş parlament seçkilərində 31 saylı Suraxanı ikinci seçki dairəsindən Böyük Quruluş Partiyası üzvü olaraq İslahat Blokunun deputatlığa vahid namizəd olmuşdur.[1] O, seçkilərdə 404 səs və ya 5,02% səs toplayaraq seçkiləri Milli Dirçəliş Hərəkatı Partiyası sədri Fərəc Quliyev, AXCP-Müsavat Blokunun deputatlığa vahid namizədi, Azərbaycan Xalq Cəbhəsi Partiyasının sədri Əli Kərimli, bitərəf namizəd Sevda Həsənova, Yeni Azərbaycan Partiyası üzvləri Əhəd Abıyev və Əziz Ələkbərlinin ardınca 6-cı sırada tamamlamışdır.[2]
Etibar Əliyev 9 fevral 2020-ci ildə keçirilmiş növbədənkənar seçkilərdə 31 saylı Suraxanı ikinci seçki dairəsindən bitərəf olaraq deputatlığa namizəd olmuşdur.[3] O, seçkilərdə 4925 səs[4] və ya ümumi səslərin 40,7%-ni toplayaraq[5] deputat seçilmişdir. Hal-hazırda Etibar Əliyev Milli Məclisin Gənclər və idman komitəsinin, Elm və təhsil komitəsinin üzvüdür. Azərbaycan-Albaniya parlamentlərarası əlaqələr üzrə işçi qrupunun rəhbəri, Belarus, Finlandiya, İsveç, Qazaxıstan, Norveç parlamentləri ilə əlaqələr üzrə işçi qruplarının üzvüdür.
2024-cü ildə keçirilmiş növbədənkənar parlament seçkilərində iştirak etməkdən imtina etmişdir.[6]
Etibar Əliyev 2009-cu ilədək Müsavat Partiyasının üzvü olmuş, 2009-cu ildə partiyadan istefa verərək Böyük Quruluş Partiyasına üzv olmuşdur. O, Böyük Quruluş Partiyasının sədri Fazil Mustafanın müşaviri vəzifəsinə təyin olunmuşdur, lakin 31 may 2012-ci ildə Etibar Əliyev partiya sədri Fazil Mustafanın müşavirlik postundan və partiya üzvlüyündən istefa vermişdir. O, səbəb olaraq demişdir ki, o, "nə təşkilat komitəsinə cəlb olun[ub], nə qurultaya nümayəndə seçil[ib], nə də qurultayın vaxtı və keçirildiyi yer haqqında [ona] məlumat verilib]". Həmçinin, Əliyev əlavə etmişdir ki, "məşğul olduğu təhsil sahəsi, həm də siyasi məsələlərlə bağlı mövqeyi, partiya sədrindən icazəsiz bəzi fikirlər səsləndirməsi də ola bilsin ki, istefa verməyinə müəyyən dərəcədə" səbəb olmuşdur.[7]
- ↑ "Arxivlənmiş surət". 7 noyabr 2021 tarixində arxivləşdirilib. İstifadə tarixi: 8 iyun 2022.
- ↑ "Arxivlənmiş surət". 5 noyabr 2021 tarixində arxivləşdirilib. İstifadə tarixi: 8 iyun 2022.
- ↑ "Arxivlənmiş surət". 5 noyabr 2021 tarixində arxivləşdirilib. İstifadə tarixi: 8 iyun 2022.
- ↑ "Arxivlənmiş surət". 11 fevral 2022 tarixində arxivləşdirilib. İstifadə tarixi: 8 iyun 2022.
- ↑ "Arxivlənmiş surət". 19 avqust 2020 tarixində arxivləşdirilib. İstifadə tarixi: 25 aprel 2022.
- ↑ "Etibar Əliyev deputatlığa namizəd olmadı - Səbəbini özü AÇIQLADI". musavat.com (az.). Yeni Müsavat. 4 sentyabr 2024 tarixində arxivləşdirilib. İstifadə tarixi: 4 sentyabr 2024.
- ↑ "Arxivlənmiş surət". 8 iyun 2022 tarixində arxivləşdirilib. İstifadə tarixi: 8 iyun 2022.