Etel Radkin (1893[1], Uillouton[d], Linkolnşir qraflığı[d] – 21 sentyabr 1985) — Linkolnşirdən olan ingilis yazıçı, tarixçi, arxeoloq və folklorşünas. O, xüsusilə Linkolnşirdən xalq materiallarının toplanması sahəsində öncüllərdən biri olmuş və onun kolleksiyaları hazırda Şimali Linkolnşir Muzeyi də daxil olmaqla bir neçə ictimai qurumun bir hissəsini təşkil edir.
| Etel Radkin | |
|---|---|
| Doğum tarixi | 1893[1] |
| Doğum yeri |
|
| Vəfat tarixi | 21 sentyabr 1985 |
| Fəaliyyəti | arxeoloq, folklorşünas, kolleksiyaçı |
Etel Hatçinson 1893-cü ildə Linkolnşirin Uillouton qəsəbəsində anadan olmuşdur.[2] Onun valideynləri Riçard və Etel Hatçinson idi; anasının ailəsi əslən Suffolkdan idi.[3] Gənc yaşlarında o, həm ev müəllimi, həm də qulluqçu kimi eyni ailədə çalışmışdır.[3]
1917-ci ildə Folkinhemdən olan Corc Radkin ilə evlənmişdir.[4] "Folklor" jurnalında nəşr olunan nekroloquna görə, "bəxtəvər, lakin faciəvi dərəcədə qısa bir evlilik" yaşamışdır; çünki əri 1918-ci ildə erkən yaşlarında vəfat etmişdir.[3] Corc Birinci Dünya müharibəsi zamanı pulemyot korpusunda zabit kimi xidmət etmiş və qrip epidemiyası zamanı həyatını itirmişdir.[3] O, həmçinin Hərbi Xaç ordeni ilə təltif olunmuşdur.[4] Şimali Linkolnşir muzeyində onun toy çiçəkləri və ərinin məktublarının olduğu bir çanta saxlanılır.[4] Corcun ölümündən sonra Etel Uilloutona qayıdaraq valideynlərinə baxmağa başladı.[3]
Sonrakı illərdə Lusi Arliss onunla birlikdə yaşamağa başladı, arxeoloji qazıntılarında ona kömək etdi və Arliss ömrünün sonuna qədər Radkin ilə birgə yaşadı.[3] 1972-ci ildə o və Arliss Spilsbi yaxınlığında yerləşən Toynton Oll Seynts kəndində bir evə köçdülər.[3] Bir neçə il sonra Arliss vəfat etdi.[3] Etel Radkin ömrü boyu dostları tərəfindən "Peter" ləqəbi ilə tanınırdı.[3]
Radkin Linkolnşirin ənənə və folkloruna maraq göstərmiş və valideynlərinin iradəsinə baxmayaraq, bu sahədə hekayələr və əşyalar toplamağa başlamışdır.[3] O 920-1930-cu illərdə kolleksiyaçılıqla məşğul olmuşdur.[2] 1927-ci ildə o, C.V.Fillipsə qədim abidələrin topoqrafik xəritələr üçün yenidən nəzərdən keçirilməsində kömək etmişdir.[5] 1931-ci ildə o, Folklor Cəmiyyətinə qoşulmuş və burada Marqaret Myurrey tərəfindən xüsusi olaraq Linkolnşirə aid işi dəstəklənmişdir.[3]
1936-cı ildə Radkin "Linkolnşir folkloru" adlı kitabını nəşr etdirmişdir, kitabın ön sözünü Myurrey yazmışdır.[3] Həmin il onun "Qara itlər" adlı məqaləsi Folklor Cəmiyyətinin jurnalında çap olunmuşdur.[3] O, həmçinin təqvim adətləri, cadugərlik və daşlarla bağlı inamlar mövzusunda məqalələr yazmışdır.[2]
1930-cu illərdə Radkin Linkolnşir Yerli Tarix Cəmiyyətində də fəaliyyət göstərmişdir; bu cəmiyyət qraflıq muzeyinin yaradılmasına ümid edirdi.[6] 1931-32-ci illərdə o, Uillouton yaxınlığında orta əsrlərə aid bir binada qazıntılar aparmışdır.[7]
Radkinin maraq göstərdiyi sahələrdən biri də xalq musiqisi idi. O, Robert Peysi ilə birlikdə "Linkolnşir mahnılar kitabı" üzərində çalışmışdır.[8] Sonrakı illərdə uşaqlıqda öyrəndiyi ənənəvi mahnıları lentə almışdır.[9] O, həmçinin Pluq Pley (Köhnə İngiltərədə kəndlilər tərəfindən oynanılan tamaşalar) toplayaraq İngiltərədəki ən zəngin arxivlərdən birini yaratmışdır.[10] Tamaşalardan əlavə, Radkin aktyorlarla müsahibələr aparmış və bu söhbətlər əsasında qeydlər götürmüşdür.[10] 1952-ci ildə o, "Sonrakı Bassingem Pluq Pley" adlı əsəri nəşr etdirmişdir, bu əsəri Şimali Linkolnşir muzeyində saxlanılan əlyazma əsasında hazırlamışdır.[11]
1970-ci illərdə o, daha çox Cənubi Linkolnşir bataqlıqlarına maraq göstərməyə başladı.[3] Toynton Oll Seynts kəndinə köçdükdə, kolleksiyası o qədər geniş idi ki, onları saxlamaq üçün bir külək dəyirmanı icarəyə götürməli olmuşdur.[3] Bu dövrdə o, Eresbi Manor, İst Kil kərpic zavodu və Toynton Oll Seynts və Bolinqbroukdakı keramika sobaları üzərində tədqiqat aparmışdır.[12]
1977-ci ildə Hörnkəstl şəhərində Radkinin həyatına və Linkolnşir tarixindəki roluna həsr olunmuş bir tədbir keçirilmişdir.[3] O, ömrü boyu bir çox tədqiqatçını qəbul etmiş və onlarla əməkdaşlıq etmişdir.[3] Arxeoloq Hilari Hili də onun tələbələrindən biri olmuşdur.[13]
Radkin 21 sentyabr 1985-ci ildə 92 yaşında vəfat etmişdir.[3]
- ↑ 1 2 Ethel Hutchinson Rudkin // https://archives.trin.cam.ac.uk/index.php/rudkin-ethel-hutchison-1893-1985-folklorist.
- ↑ 1 2 3 "Ethel Rudkin". Oxford Reference (ingilis). İstifadə tarixi: 13 November 2020.
- ↑ 1 2 3 4 5 6 7 8 9 10 11 12 13 14 15 16 17 18 Brown, Theo. "Obituary: Ethel H. Rudkin, 1893–1985". Folklore. 97 (2). 1 January 1986: 222–223. doi:10.1080/0015587X.1986.9716384. ISSN 0015-587X. 20 July 2023 tarixində arxivləşdirilib. İstifadə tarixi: 23 March 2025.
- ↑ 1 2 3 "George Henry Rudkin". South Lincolnshire War Memorials (ingilis). 24 February 2022 tarixində orijinalından arxivləşdirilib. İstifadə tarixi: 14 November 2020.
- ↑ Temple, Mark. "Ethel H Rudkin". The Lincolnshire Poacher. Winter. 2012.
- ↑ Wilson, Catherine. "'I've got a brand new combine harvester … but who should have the key?' Some thoughts on Rural Life Museums and Agricultural Preservation in Eastern England". Folk Life. 41 (1). 1 January 2002: 7–23. doi:10.1179/flk.2002.41.1.7. ISSN 0430-8778.
- ↑ "Heritage Gateway - Results". www.heritagegateway.org.uk. 27 February 2022 tarixində arxivləşdirilib. İstifadə tarixi: 14 November 2020.
- ↑ "A Lincolnshire Song Book – Library | University of Leeds". explore.library.leeds.ac.uk. İstifadə tarixi: 13 November 2020.
- ↑ "The Owls and the Mice". www.springthyme.co.uk. 15 November 2020 tarixində arxivləşdirilib. İstifadə tarixi: 13 November 2020.
- ↑ 1 2 Cass, Eddie. "J. M. Carpenter, Ethel Rudkin and The Plough Plays of Lincolnshire". Folk Life. 41 (1). 1 January 2002: 96–112. doi:10.1179/flk.2002.41.1.96. ISSN 0430-8778.
- ↑ Pettitt, Tom, and Peter Meredith. "The Later Bassingham Plough Play: Con-Textualizing a New Text." Folk Music Journal, vol. 11, no. 4, 2019, p. 44+. Gale Academic OneFile, . Accessed 14 November 2020.
- ↑ "Interest Groups :: Archaeology Features". www.slha.org.uk. 13 June 2021 tarixində arxivləşdirilib. İstifadə tarixi: 14 November 2020.
- ↑ "Hilary Healey". www.lincoln-record-society.org.uk. 27 February 2022 tarixində arxivləşdirilib. İstifadə tarixi: 13 November 2020.