Enn Kari Lande Hasle (norv. Anne Kari Lande Hasle; 4 yanvar 1946) — Norveç dövlət qulluqçusu.
| Enn Kari Lande Hasle | |
|---|---|
| Şəxsi məlumatlar | |
| Doğum tarixi | 4 yanvar 1946 (79 yaş) |
| Partiya | |
| Fəaliyyəti | siyasətçi |
Enn Kari Lande Hasle Oslo şəhərində anadan olmuş, lakin uşaqlığını Bergen və 1957-ci ildən etibarən Nötteröydə keçirmişdir. 1964-cü ildə Tönsberqdə orta təhsilini başa vurmuşdur. Oslo Universitetində qısa müddət təhsil aldıqdan sonra 1970-ci ildə Norveç Yerli İdarəetmə və Sosial İşlər Kollecində sosial işçi ixtisası üzrə məzun olmuşdur. Sosial işçi kimi bir müddət çalışdıqdan sonra 1971-ci ildə Sosial İşlər Nazirliyində işə qəbul edilmişdir. 1977-ci ildə İstehlakçı İşləri və İdarəetmə Nazirliyində məsləhətçi vəzifəsinə keçmiş, 1980-ci ildə isə orada köməkçi katib vəzifəsinə yüksəldilmişdir. Ədliyyə və Polis Nazirliyində müəyyən müddət çalışdıqdan sonra 1982–1983-cü illərdə qeyri-qanuni narkotik ticarəti siyasəti üzrə xüsusi məsləhətçi olmuşdur. Bundan sonra İstehlakçı İşləri və İdarəetmə Nazirliyində dövlət katibinin müavini vəzifəsinə qayıtmışdır.[1]
1991-ci ildə Uşaq və Ailə İşləri Nazirliyində daimi dövlət katibi — nazirlikdə ən yüksək vəzifəli dövlət qulluqçusu təyin edilmişdir.[2] O, Karin Mariya Bruzeliusdan sonra Norveç dövlət qulluğunda daimi dövlət katibi vəzifəsinə təyin olunmuş ikinci qadın olmuşdur.[3] 1992–1994-cü illərdə Norveçin Avropa İttifaqına üzvlük danışıqlarında Norveç nümayəndə heyətinin üzvü olmuşdur.[1] 1996–1999-cu illərdə Norveç Sosial Tədqiqatlar İnstitutunun (NOVA) ilk direktoru vəzifəsini icra etmişdir.[4] 1999-cu ildə Səhiyyə və Sosial İşlər Nazirliyində daimi dövlət katibi təyin olunmuş və bu vəzifədə 2012-ci ilin oktyabr ayına qədər çalışmışdır.[5]
Lande Hasle Oslo Fəhlə Partiyasının idarə heyətinin üzvü olmuş,[1] 1978–1982-ci illərdə isə Norveç Qadın Hüquqları Assosiasiyasının sədr müavini vəzifəsində çalışmışdır.[6]
Tədqiqat sahəsində Norveç Təşkilat və İdarəetmə Tədqiqatları Mərkəzinin, Norveç Hesablama Mərkəzinin (1992–1993-cü illərdə sədr), NAVF-in qadın məsələləri üzrə tədqiqatlar şöbəsinin,[1] BI Norveç Biznes Məktəbinin və Norveç Sosial Tədqiqatlar İnstitutunun idarə heyətlərinin üzvü olmuş,[4] həmçinin Noras şurasının üzvü seçilmişdir. Norveç İnzibati Federasiyası və "Tyrikollektivet" təşkilatlarına sədrliy etmişdir.[1]
- ↑ 1 2 3 4 5 6 "Anne Kari Lande Hasle 50 år 4. januar" (Norwegian). Norwegian News Agency. 15 dekabr 1995.
- ↑ Familie- og forbrukerdepartementet // Store norske leksikon (Norwegian). İstifadə tarixi: 5 yanvar 2014.
- ↑ 1 2 Haugli, Åsne. "Kvinner trår til i offentlig ledelse". Dagens Næringsliv (Norwegian). 24 iyul 2008. səh. 14.
- ↑ 1 2 "60 år 4. januar: Departementsråd Anne Kari Lande Hasle" (Norwegian). Norwegian News Agency. 16 dekabr 2005.
- ↑ "Bjørn-Inge Larsen ny departementsråd" (Press-reliz) (Norwegian). Government.no. 26 oktyabr 2012. İstifadə tarixi: 27 oktyabr 2012.
- ↑ Elisabeth Lønnå: Stolthet og kvinnekamp: Norsk kvinnesaksforenings historie fra 1913, Gyldendal Norsk Forlag, 1996, ISBN 8205244952