Elvira Asankulova

1962-ci ildə Qırğızıstanda anadan olub. 1989–1993-cü illərdə Bibsarı Beyşenaliyeva adına Qırğızıstan Dövlət İncəsənət İnstitutunda təhsil alıb.

1993-cü ildən Maldıbayeva adına Lenin ordeni Qırğızıstan Akademik Milli Opera və Balet teatrına dəvət alıb. 1996–1997-ci illərdə vokal bacarıqlarını inkişaf etdirmək üçün İtaliyada təhsilini davam etdirib. İtaliyanın tanınmış teatrlarında Luçia di Lammermur operasında Luçianın partiyasını hazırlayaraq ifa edib. Cüzeppe Verdinin "Riqoletto"sında Cilda, "Traviata"da Violetta, Rossinin "Sevilya bərbəri" operasında Rozina, Motsartın "Sehirli fleyta"sında çariça rolunu ifa edib.^[2]

Elvira Asankulova İtaliya vokal məktəbinin sirlərini öyrənərək öz məktəbini yaradıb və bildiklərini həmkarlarına da öyrədib. O həm də dram aktrisası kimi tanınaraq özünəməxsus bədii obrazlar silsiləsi yaradıb. Təkcə Qırğızıstanda deyil, bir sıra teatrlarda ən aparıcı rolların partiyalarını ifa etdib. Asankulovanı müasirlərindən fərqləndirən əsas cəhətlərdən biri "soprano", yəni yüksək vokal diapazonunda milli koloriti saxlamaq bacarığı və çox nadir hallarda rast gəlinən səsinin təsirliliyi və diapazonunun genişliyidir. Tamaşalarda kamera musiqilərinin ifaçısı olması da ona böyük uğur gətirib. Qırğız müğənninin repertuarında dünya klassikləri ilə yanaşı, qırğız xalqının mahnıları, eləcə də keçmiş MDB ölkələrinin mahnıları əsas yer tutur. İfaçı dünya miqyaslı tədbirlərin, eləcə də dövlət tədbirlərinin daimi iştirakçısı və ifaçısı olaraq qalmaqdadır. O, müğənnilik fəaliyyəti dövründə qırğız professional musiqisinin təbliğatçısı kimi çıxış etmişdir. Konsertlərində tamaşaçılar qırğız xalqının milli koloritini, mahnılarındakı həsrəti və həyatsevəriiyi ilk növbədə hiss etmişlər.^[1]

• 1995-ci ildə Qırğız sənətinin inkişafında xidmətlərinə görə Qırğızıstan Respublikasının əməkdar artisti;
• 2003-cü ildə Opera musiqisi sahəsində xidmətlərinə görə Qırğızıstan Respublikasının xalq artisti.^[1]