Elspet Meri Kennedi (d. 6 avqust, 1921 – 10 mart, 2006)[1] Britaniyalı akademik və məşhur mediyevistdir. O orta əsr fransız ədəbiyyatına dair əsərləri və redaktor kimi tanınır.
| Elspet Kennedi | |
|---|---|
| Doğum tarixi | 6 avqust 1921 |
| Vəfat tarixi | 10 mart 2006 (84 yaşında) |
| Fəaliyyəti | tarixçi |
Elspet Kennedi Berkşirdə anadan olmuşdur. Onun akademik karyerası İkinci Dünya Müharibəsi səbəbindən gecikmişdir. Müharibə dövründə o, hökumət üçün çalışmışdır — 1940-cı ildə, hələ 18 yaşı olarkən MI5-də işləməyə başlamışdır. Əvvəlcə Vormvud Skrabsda yerləşdirilmiş,[2] daha sonra isə Bletçli Parkda fəaliyyətini davam etdirmişdir. Bu iş hər nə qədər vacib olsa da, təkrarlanan xarakterə malik idi. Buna görə də Kennedi boş vaxtlarında rus dili öyrənməyə başlamış və rus tarixi üzrə ixtisaslaşmağı planlaşdırmışdır. Lakin Oksford Universitetinə qəbul olunmaq üçün repetitor tutduqda, müəlliminin fransız orta əsrlər tarixinə olan həvəsi Kennedini bu sahəyə yönəltmişdir.
Kennedi 1945-1947-ci illərdə Somerville Kollecində təqaüdlə təhsil almışdır.[2] Daha sonra elmi araşdırmalar aparmış və 1948-ci ildən etibarən onun əsas tədqiqat mövzusu ""Nəsrlə yazılmış Lanselot" olmuşdur.[3]
1953-cü ildə Kennedi Mançester Universitetində fransız dili üzrə mühazirəçi olmuşdur. 1966-cı ildə St Hilda Kollecinin üzvü seçilmiş və 1986-cı ildə təqaüdə çıxana qədər burada çalışmışdır. O, 2006-cı ildə vəfat edənə qədər St Hilda Kollecinin fəxri üzvü olmuşdur.
"Tələbələri onu çox sevirdilər və bir çoxu onun elmi rəhbərliyi altında tədqiqat aparmışdır; dünyanın müxtəlif fransız dili bölmələrində Kennedinin dərslərindən ilhamlanaraq orta əsrlər üzrə ixtisaslaşan professor və mühazirəçilər var."[2]
Kennedi 1984-1988-ci illərdə Orta Əsrlər dilləri və Ədəbiyyatı Araşdırmaları Cəmiyyətinin, 1987-1989-cu illərdə isə Beynəlxalq Artur Cəmiyyətinin prezidenti olmuşdur. O, 1990-2002-ci illərdə "Medium Aevum" (Orta Əsrlər) beynəlxalq jurnalının redaktoru kimi fəaliyyət göstərmişdir. Həmçinin, Niderland Kral Akademiyasının Lanselot komitələri və Kral Niderland İncəsənət və Elmlər Akademiyasının Huygens İnstitutu üzvü olmuşdur.
Kennedi Fransanın "Ekskalibur" mükafatına layiq görülmüşdür.[2]
- A Knight's Own Book of Chivalry: Geoffroi de Charny (trans.; intro. Richard W. Kaeuper) (University of Pennsylvania Press, 2005), ISBN 0-8122-1909-0
- The Book of Chivalry of Geoffroi de Charny: Text, Context and Translation (with Richard W. Kaeuper) (University of Pennsylvania Press, 1996), ISBN 0-8122-3348-4
- Shifts and Transpositions in Medieval Narrative: A Festschrift for Dr Elspeth Kennedy (ed. Karen Pratt) (Brewer, 1994), ISBN 0-85991-421-6
- Lancelot of the Lake (intro.; trans. and notes Corin Corley) (Oxford World's Classics, 1989), ISBN 0-19-281756-6
- Lancelot and the Grail: A Study of the Prose Lancelot (Clarendon Press, 1986), ISBN 0-19-815811-4[4][5]
- Lancelot do Lac: The Non-cyclic Old French Prose Romance (2 vols., ed.) (OUP, 1980), ISBN 0-19-812064-8
- Social and Political Ideas in the French Prose Lancelot: A Note on The Breton Lays Mediumaevum Vol XXVI (with Rachel Bromwich) (Dawson, 1965)
- ↑ "Metapress | A Fast Growing Resource for Young Entrepreneurs". Metapress (ingilis). 2012-04-25 tarixində arxivləşdirilib. İstifadə tarixi: 2022-12-19.
- ↑ 1 2 3 4 Taylor, Jane HM (17 May 2006). "Obituary: Elspeth Kennedy". the Guardian.
- ↑ Karen Pratt (1994). Shifts and Transpositions in Medieval Narrative: A Festschrift for Dr Elspeth Kennedy. Boydell & Brewer. p. 9. ISBN 978-0-85991-421-5.
- ↑ Elspeth Kennedy. Lancelot and the Grail: A Study of the Prose Lancelot. Clarendon Press. 1990. ISBN 978-0-19-815170-8.
- ↑ William W. Kibler. The Lancelot-Grail Cycle: Text and Transformations. University of Texas Press. 22 July 2010. 65. ISBN 978-0-292-78640-0.