Elsevər Bəkirzadə

Elsevər Bəkirzadə Zahir oğlu 1995-ci ilin 27 iyul tarixində Mingəçevir şəhərində anadan olmuşdur.^[1] Futbola 2002-ci ildə Mingəçevir Uşaq Gənclər İdman Məktəbində başlamışdır. 2002-2007-ci illərdə Mingəçevirdə futbolla məşğul olduqdan sonra, 2007-ci ildə "Qarabağ"ın aşagı yaş qruplarına qatılıb. 2009-cu ildən Qəbələ futbol Akademiyasına seçilib. "Qəbələ"nin aşağı U15 və U17 yaş qruplarında əvəzedici ve əsas heyətində mübarizə aparmışdır.^[2][3] "Qəbələ" ilə 2009-2010-cu ildə 17 yaşlıların ölkə çempionatında çempionluq ve həmçinin 2011-2012-ci illərdə "Qəbələ"nin əvəzedici heyəti ilə brünc medallara layiq görülüb. 2014-ci ildə "Xəzər Lənkəran"a klubunda keçid edib. 2015-ci ildə "Xəzər Lənkaran"ın əsas heyəti ilə birlikdə qış təlim-məşq toplanışını keçirmək üçün Türkiyəyə yollamışdır.^[4][5] 2015-ci ildə "Xəzər Lənkəran"dan ayrılaraq 1-ci Divizonda mübarizə aparan "Şəmkir" klubunda forma geyinmişdir. 2015-2016-cı ildə "Mil-Muğan", 2017 ci ildə bir müddət "Sumqayıt"ın əvəzedici heyətində forma geyinmişdir."Sumqayıt" klubunun heyətində 609 dəqiqə meydanda mübarizə aparmış, 8 qol vurmuşdur.^[6] 2018-ci ildə İsveçin 3-cü Divizion komandası olan "Liksele" komandasına keçib.^[7][8] Oradan da 2019-ci il Litvanın "Dziuqas" klubuna transfer olub. 2022-cü ildə "Mingəçevir" klubunda forma geyinməyə başlamışdır.^{[9][10][11][12]} 2023-cü ildə UEFA-dan məşqçilik üzrə C kateqoriyası əldə etmişdir^[13] 2023-cü ildə "Mingəçevir" klubu ilə yollarını ayıraraq karyerasına davam etmək üçün Estoniyaya köçdü.^[14]