Eleonora Mixaylovna Ter-Parseqova-Maxviladze (gürc. ელეონორა მიხეილის ასული ტერ-ფარსეგოვა-მახვილაძე; 18 avqust 1875, Tiflis – bilinmir) — müəllim, feminist, menşevik, Gürcüstan Müəssislər Məclisinin üzvü.
| Eleonora Ter-Parseqova-Maxviladze | |
|---|---|
| gürc. ელეონორა მიხეილის ასული ტერ-ფარსეგოვა-მახვილაძე | |
 | |
| Şəxsi məlumatlar | |
| Doğum tarixi | 18 avqust 1875 |
| Doğum yeri | |
| Vəfat tarixi | bilinmir |
| Vətəndaşlığı |
 Rusiya imperiyası.svg){kind=small} Gürcüstan Demokratik Respublikası SSRİ |
| Partiya | |
| Fəaliyyəti | müəllimə |
|
|
|
 |
|
 Vikianbarda əlaqəli mediafayllar | |
Eleonora Ter-Parseqova Tiflisdə Mixail Osipoviç Ter-Parseqovun[1] və qızlıq soyadı Bartold olan[2] Matilda Vasiliyevnanın ailəsində anadan olub. Tiflis Qadın Gimnaziyasını bitirib.[3] O, 1902-ci ildən Sosial Demokrat Partiyasının üzvü olub. 1905-ci ildə əri həkim Vladimir Maxviladze ilə birlikdə Suxumiyə köçüb. Eleonora Ter-Parseqova-Maxviladze özəl məktəbdə dərs deyib.[3][2] 17 oktyabr 1905-ci il manifestindən sonra Eleonoranın üzvü olduğu Sosial Demokrat İşçi Partiyasının Batumi Komitəsinin Suxumi qrupu faktiki olaraq Suxumi şəhərinin idarəçiliyini öz üzərinə götürüb və çar hakimiyyətinin demək olar ki, bütün strukturlarını əvəz edib. 1905-ci ilin noyabrında keçirilən nümayişdə Suxumi Şəhər Məclisinin buraxılması və yenisinin seçilməsi tələbi irəli sürülüb. Bunun üçün yeni əhalinin siyahıyaalınması üçün 2000 rubl tələb olunurdu. Eleonora Maxviladze də inqilabçılar adından merlə bu məsələ ilə bağlı danışıqlarda iştirak edib.
28 aprel 1908-ci ildə Tiflis məhkəməsi onu 1 il həbs cəzasına məhkum edib, lakin hamiləliyinə görə həbsdən azad olunub.[1] Daha sonra, 1917-ci ilə qədər, o, yenidən,[2] digər mənbələrə görə, iki dəfə həbs edilib.[1]
Gürcüstanın Təsis Məclisi. Eleonora Maxviladze sonuncu sırada, sol tərəfdə 1918-ci ildə Gürcüstan Demokratik Respublikasının Müəssislər Məclisinə seçildi. 1918-ci ildə Gürcüstan Konstitusiyasını imzalayanlar arasında olub. Eleonora Maxviladze Müəssislər Məclisinin əmək və səhiyyə komissiyasının üzvü də seçilib.[3] 1919-cu ilin fevralında o, Tiflis Şəhər Sovetinə deputat seçilib. O, həmkarlar ittifaqının rəhbərlərindən biri olub. Eleonora Maxviladze Tiflisin fəxri hakimi seçilib.[1]
Eleonora Maxviladze 1921-ci ildən sovetləşməyə qarşı olaraq gizli hərəkat iştirakçısı olub. Onun ailəsinin Tiflis-Undeli (indiki Petriaşvili küçəsi) 14 saylı mənzili daimi nəzarətdə idi.[2] O, siyasi məhbuslara və onların ailələrinə qanunsuz yardım göstərən Gürcüstan Sosial Demokrat Partiyasının Qadınlar Komitəsinin üzvü olub. 1922-ci ildən Komitə müxtəlif anti-bolşevik siyasi partiyaların nümayəndələrinin vahid təşkilatına – “Gürcüstan Siyasi Qırmızı Xaç”a çevrildi.[1]
1922-ci il fevralın 13-də Eleonora Maxviladze həbs edilib. 1922-ci il martın 19-da Gürcüstan Fövqəladə Komissiyasının Rəyasət Heyəti Eleonora Maxviladzeni ilkin həbsi nəzərə almadan 3 ay müddətinə azadlıqdan məhrum edib. 14 iyul 1922-ci ildə səhhəti pisləşdiyi üçün azad olunub.[2] 1925-ci ildə o, Gürcüstanın gizli Sosial Demokrat İşçi Partiyası Mərkəzi Komitəsinin üzvü, sonra isə onun sədri olub. 1926-cı il fevralın 22-də Eleonora Maxviladze Birləşmiş Dövlət Siyasi İdarəsi tərəfindən həbs edilərək Zaqafqaziyadan qovulub.[3]
Eleonora Maxviladze 1930-cu illərdə sürgündən qayıtdıqdan sonra fərdi müəllim işləyib. Ölüm tarixi məlum deyil. Müasirlərinin rəyinə görə o, savadlı insansevər, qadın haqları uğrunda mübarizə aparan feminist olub. Onu tanıyanlar Eleonora Maxviladzeni belə təsvir etmişdir: "O, şəhər və orta məktəb şagirdlərini toplayaraq onlara İmperator II Nikolayın şərəfinə bir az dəyişdirilmiş Marselyezanı oxumağı öyrədib. O, gənclərə üsyankarlıq və mütləqiyyətə itaətsizlik ideyalarını aşılayırdı. Maxviladze şəhər meydanında mitinqlərdə qarşısında çıxış edir, orduya çağırış səsləndirmişdi. O, ordunu müsyan edərək mütləüiyyəti devirib hakimiyyəti ələ almağa çağırış etmişdi. Eleonora Maxviladze tez-tez əlində qırmızı bayraq tutaraq xalq yürüşlərinə rəhbərlik edirdi”.[3]
- Həyat yoldaşı — Vladimir Maxviladze, həkim. Ailədə uşaqlar olub, lakin onların adları və taleyi hələ də məlum deyil.
- Qardaşı — ixtisasca kimyaçı, Gürcüstanda Qırmızı Ordusunun artilleriya bölməsində xidmət etmiş Konstantin Mixayloviç Ter-Parseqov 1922-ci ilin fevralında həbs olunub.[2]
- ↑ 1 2 3 4 5 "ტერ-ფარსეგოვა-მახვილაძე ელეონორა მიხეილის ასული". 2019-07-23 tarixində arxivləşdirilib. İstifadə tarixi: 2019-07-23.
- ↑ 1 2 3 4 5 6 "ელეონორა /ლოლა/ ტერ-ფარსეგოვა-მახვილაძე". 2020-01-27 tarixində arxivləşdirilib. İstifadə tarixi: 2019-07-23.
- ↑ 1 2 3 4 5 "Мариам Угрехелидзе. Пять женщин, которые создали конституцию Грузии". 2019-07-18 tarixində arxivləşdirilib. İstifadə tarixi: 2019-07-23.
- კირთაძე ნესტან, „კაენ, სად არის ძმა შენი?!“, თბ., 1998 (Киртадзе Нестан, «Каин, где твой брат?», Тб., 1998)
- Национальный архив Грузии, Центральный исторический архив Грузии, Фонд № 113, Объявление № 2, Дело № 216.