Deyzi Edqar-Cons (24 may 1998[1], London) — İngiltərə aktrisası. Ekranlara ilk dəfə "Geri addım" serialında çıxıb. Sonra "Dünyaların müharibəsi" layihəsində rol alıb. Əsl şöhrəti isə "Sıravi insanlar" serialındakı baş rolu ilə qazanıb. Bu işi ona "BAFTA" və "Qızıl Qlobus" kimi nüfuzlu mükafatlara namizədlik gətirib.
| Deyzi Edqar-Cons | |
|---|---|
| ing. Daisy Edgar-Jones | |
.jpg) D. Edqar-Cons 2024-cü ildə | |
| Doğum adı | Daisy Jessica Edgar-Jones |
| Doğum tarixi | 24 may 1998[1] (27 yaş) |
| Doğum yeri | |
| Fəaliyyəti | aktrisa, televiziya aktrisası |
| Fəaliyyət illəri | 2016-cı ildən |
| IMDb | ID8402992 |
 Vikianbarda əlaqəli mediafayllar | |
Gənc aktrisa son zamanlar kino sahəsində fəal çalışır. 2022-ci ildə iki fərqli janrda filmdə iştirak edib: "Tərtəzə" adlı triller və "Bataqlıq qızı" detektiv filmi. 2024-cü ildə isə "Burulğanlar" fəlakət filmində və "Külək qanadlı atlar" məhəbbət dramında çəkilib. Üstəlik, bu filmin çəkilişində prodüser işini də öz üzərinə götürüb. Televiziyada da uğurlu işi var. "Hulu"da yayımlanan "İnanc uğrunda" serialında mormon qadın roluna görə "Qızıl Qlobus" mükafatına ikinci dəfə namizəd göstərilib.
O, teatr sənətində də özünü sınayıb. Londonun məşhur teatrlarında iki mühüm tamaşada rol alıb. 2017-ci ildə Pakistan yazıçısı Möhsin Həmidin "Tərəddüd içində" romanı əsasında hazırlanan tamaşada, 2024-cü ildə isə dünya şöhrətli dramaturq Tennessi Vilyamsın yenidən səhnələşdirilən "Od üstündə" əsərində oynayıb. 2020-ci ildə "British Vogue" jurnalı onu ilin ən təsirli qadınları siyahısına salıb.
Aktrisanın beşiyi 1998-ci ildə Londonun İslinqton borosunda çalınıb. Anası Vendi əslən irlandiyalıdır, bir vaxtlar kino sənətində montajçı kimi çalışsa da, sonradan əmlak bazarına üz tutub. Atası Filip şotland əsillidir, hazırda "Sky" media qurumunda yüksək vəzifə daşıyır - həm "Sky Arts" kanalının sükanı ondadır, həm də əyləncə proqramları şöbəsinə başçılıq edir.[2]
Uşaqlığı Londonun Masvell-Hill səmtində keçib. Səhnə ilə ilk tanışlığı ibtidai məktəbin ikinci sinfində olub.[3] Təhsilini əvvəlcə Maunt qızlar məktəbində,[4] sonra Vudhaus kollecində davam etdirib.[5] Bir müddət Milli Gənclər Teatrında təcrübə qazandıqdan sonra yolunu Açıq Universitetdən salıb.[6]
- ↑ 1 2 https://www.themoviedb.org/person/2230991-daisy-edgar-jones.
- ↑ Lamont, Tom. "Daisy Edgar-Jones on life after Normal People: 'Should I be living it up more? Is this how our 20s are supposed to be?'". The Guardian (ingilis). 26 fevral 2022. 26 fevral 2022 tarixində arxivləşdirilib. İstifadə tarixi: 26 fevral 2022.
- ↑ Munankar, Vidita. "RRR: Know all about Daisy Edgar Jones who plays the female lead opposite Jr NTR in SS Rajamouli's next". PinkVilla. 15 mart 2019. 3 iyun 2022 tarixində arxivləşdirilib. İstifadə tarixi: 26 oktyabr 2019.
- ↑ "Woodhouse Drama student Daisy gets Cold Feet". Woodhouse College. 9 yanvar 2017. 11 dekabr 2022 tarixində arxivləşdirilib.
- ↑ Paskett, Zoe. "Actor Daisy Edgar-Jones: 'It's good to play a character unlike myself...I'm usually cast as the smiley one!'". Ham & High. 8 avqust 2017. 21 sentyabr 2022 tarixində orijinalından arxivləşdirilib.
- ↑ Fitch Little, Harriet. "Meet the Charismatic Stars of the Highly-Anticipated Normal People Adaptation". Vogue. 16 mart 2020. 22 aprel 2020 tarixində arxivləşdirilib. İstifadə tarixi: 16 mart 2020.
- Deyzi Edqar-Cons — IMDb səhifəsi
- Deyzi Edqar-Cons — Twitter səhifəsi