Devid Hiks (ing. David Hicks ; 25 mart 1929[1][2][…] – 29 mart 1998[1][2][…]) — İngilis interyer dekoratoru və dizayner.
| Devid Hiks | |
|---|---|
| Doğum tarixi | 25 mart 1929[1][2][…] |
| Vəfat tarixi | 29 mart 1998[1][2][…] (69 yaşında) |
| Vəfat səbəbi | ağciyər xərçəngi |
| Fəaliyyəti | dizayner, fotoqraf, rəssam, heykəltaraş |
| davidhicks.co.uk | |
Devid Hiks 25 mart 1929-cu ildə Esseks qraflığının Koqestal kəndində anadan olub. O Çarterhaus Kollecində təhsil aldıqdan sonra, Sleyd İncəsənət Məktəbində incəsənət və dizayn üzrə ixtisaslaşıb. Devid Hiks 1954-cü ildə anasının Londondakı mənzilini yenidən dizayn etməsi ilə karyerasına başlayıb. Hiksin ilk müştərilərindən biri Lord və Ladi Londonderry olublar. Onun dizaynı ənənəvi İngilis üslubunu modernizm elementləri ilə birləşdirən cəsarətli və innovativ yanaşmaya sahib idi. Bu unikal üslub onu qısa zamanda Britaniya aristokratiyasının və yüksək cəmiyyətin axtardığı dizaynerlərdən birinə çevirdi.[3]
Devid Hiksin yalnız mənzillər və evlər üçün deyil, həm də otel, restoran və ofis məkanları üçün dizaynlar yaratmışdır. Onun ən məşhur layihələri:[4][5]
- Şahzadə Çarlz və Şahzadə Diananın şəxsi otaqları – Hiks Britaniya kral ailəsi üçün bir çox dizayn işi həyata keçirmişdir.
- "Albemarle Street"dəki Mayfair Klubu – Bu layihədə o, rənglər və qrafik naxışlarla modern bir mühit yaratdı.
- Lüks otellər və restoranlar – Hiksin dizayn etdiyi məkanlar arasında Britaniyanın və Avropanın ən prestijli otelləri də var idi.
Devid Hiksin dizayn dünyasındakı uğurları ona moda və lüks aksesuarlar sahəsində də imkanlar yaratdı. O, çantalar, xalçalar, divar kağızları və hətta yataq dəstləri üçün dizaynlar hazırlamışdır. Onun dizayn etdiyi məhsullar Hermes və daha bir çox lüks brendlərlə əməkdaşlıq çərçivəsində bazara çıxarılmışdır.[6]
Hiks ömrünün son illərini Oksfordşirdəki Braytvel Boldvindəki "Qrov"da keçirib.
Daima siqaret çəkən Hiks 29 mart 1998-ci ildə 69 yaşında evində ağciyər xərçəngindən vəfat etdi. O, öz tabutunu dizayn etdi və dəqiq təlimatlarına uyğun olaraq, qotik bağ pavilyonunun birinci mərtəbədəki otağında vida mərasimi keçirildi. O, 4 aprel 1998-ci ildə Oksfordşirdəki Braytvel Boldvində dəfn edildi və məzarına obelisk formalı məzar daşı qoyulub.[7]
Devid Hiksin Eşli Hiks adlı oğlun da dizaynerdir. O, atasının mirasını davam etdirərək, onun qurduğu şirkətə rəhbərlik edir.[8][9]
Hiks interyer dizaynına dair bir çox kitab yazmışdır. Bunlardan ən məşhurları:
- David Hicks on Decoration (1966)
- David Hicks on Living – With Taste (1968)
- David Hicks on Home Decoration (1972)
- David Hicks on Bathrooms (1970)
- ↑ 1 2 3 4 Lundy D. R. David Nightingale Hicks // The Peerage (ing.).
- ↑ 1 2 3 4 Bibliothèque nationale de France David Hicks // BnF identifikatoru (fr.): açıq məlumat platforması. 2011.
- ↑ Elizabeth Lomas, Guide to the Archive of Art and Design, Victoria & Albert Museum (Taylor & Francis, 2001), p. 136
- ↑ Interior Design webpage[daimi ölü keçid]
- ↑ Gibson, David. "David Hicks, 69, Interior Design Star of the 60's, Is Dead". The New York Times. 2 aprel 1998. İstifadə tarixi: 23 fevral 2012.
- ↑ "Painting the Town 'Red'". APID Newsletter. 25 oktyabr 2010. 6 avqust 2016 tarixində orijinalından arxivləşdirilib. İstifadə tarixi: 23 fevral 2012.
- ↑ "Frightfully common". The Good Funeral Guide. 8 noyabr 2011. İstifadə tarixi: 23 fevral 2012.
- ↑ "Books by India Hicks". India Hicks. 2011. 14 iyun 2012 tarixində orijinalından arxivləşdirilib. İstifadə tarixi: 23 fevral 2012.
- ↑ "Buy 'Hicks' Blue' Dark Blue Paint Online | Little Greene". The Little Greene Paint Company Ltd (ingilis). İstifadə tarixi: 15 sentyabr 2024.