Deutsche Bank — Almaniyanın ən iri bankı. Dünyanın yetmiş iki ölkəsində maliyyə xidmətlərinin göstərilməsi ilə məşğul olur, depozitlərin həcminə görə bank Avropada aparıcı mövqelərdə qərarlaşıb.[4][5]
| Deutsche Bank | |
|---|---|
| Deutsche Bank | |
 | |
 | |
| Ümumi məlumatlar | |
| Sənaye | Maliyyə xidmətləri |
| Təsis tarixi | 10 mart 1870[1] |
| Baş qərargahın yeri | |
| İqtisadi göstəriciləri | |
| Ümumi kapital |
|
| Ümumi aktivlər |
|
| Ümumi gəliri |
|
| Xalis mənfəəti |
|
| Əməliyyat mənfəəti |
|
| Struktur | |
| İşçi sayı |
|
| db.com | |
 Vikianbarda əlaqəli mediafayllar | |
Deutsche Bank-ın tarixi 22 yanvar 1870-ci ildə nizamnamənin qəbul edilməsi ilə başlamışdı. Bank mövcudluğunun ilk onilliyində sürətlə inkişaf edərək dünyanın ən mühüm bir neçə iqtisadi layihəsini idarə edirdi. O, Almaniyada metallurgiya, kimya və elektrotexniki sənayenin inkişafında əsas rollardan birini oynadı. 1929-cu ildə bank digər yerli alman bankları ilə birləşir və Almaniyanın bank işi tarixində ən böyük birləşmə olan Deutsche Bank und DiscontoGesellschaft əmələ gəlir. 1937-ci ildə bankın adı yenidən Deutsche Bank olur. İkinci dünya müharibəsi zamanı bank yəhudilərin mülkiyyətinin müsadirəsində iştirak etmişdir ki, sonradan buna görə külli miqdarda kompensasiya ödəməyə məcbur oldu. Müharibə bitdikdən sonra bankı on regional şöbəyə böldülər, lakin onlar 1952-ci ildə üç bank – Rheinisch-Westfälische Bank AG, Süddeutsche Bank AG və Norddeutsche Bank AG adı altında birləşdilər. Öz növbəsində 1957-ci ildə bu üç bank birləşərək Deutsche Bank AG bankı formalaşdırırlar. Deutsche Bank dünyanın yetmiş iki ölkəsində fəaliyyət göstərir və onun fəaliyyəti korporativ və fərdi müştərilər üçün maliyyə məhsul və xidmətlərinin göstərilməsindən ibarətdir. Bankın dünyanın bütün iri maliyyə mərkəzlərində – Avropa, Şimali və Cənubi Amerika, Asiya-Sakit okeanı regionları, eləcə də yeni yaranmış bazarlarda şöbələri mövcuddur.
2019-cu il iyulun 7-də “Deutsche Bank” restrukturizasiya planını açıqladı və məlum oldu ki, Bank 18-20 min əməkdaşını işdən çıxaracaq, investisiya bankçılığı fəaliyyətini kiçildəcək və aktivlərinin böyük hissəsini satacaq. Bununla da, maliyyə qurumunun 30 illik sürətli inkişaf strategiyasına son verildiyi üzə çıxdı. Maliyyə bazarları “Deutsche Bank”ın fəaliyyətindəki ciddi qüsurları əvvəlcədən görmüşdü. 2008-ci ilin qlobal maliyyə böhranından ciddi zərbə alan Bankın sağlamlaşması mümkün olmamışdı. 2007-ci ildə qiyməti 150 ABŞ dolları ətrafında dəyişən Bankın səhmləri hazırda 7 dollar ətrafında ticarət olunur.[6]
Bankın əməkdaşlarının sayı 100000 nəfərdən çoxdur. Bank Forbes Global 2000 Leading Companies reytinqində 52-ci yeri tutur. Deutsche Bank-ın baş direktoru İosef Akermenndir
- ↑ https://www.db.com/who-we-are/history/DB-CHRONIK-DEUTSCHE-BANK-1870-2020.pdf.
- ↑ Market Identifier Code.
- ↑ 1 2 3 4 5 6 https://www.boerse-frankfurt.de/equity/deutsche-bank-ag/key-data.
- ↑ Theo Balderston, "German Banking between the Wars: The Crisis of the Credit Banks", Business History Review, Harvard College, 65 (3), 1991: 554–605, doi:10.2307/3116768, JSTOR 3116768
- ↑ "Acquisition of Bankers Trust Successfully Closed". Deutsche-bank.de. 11 March 2007 tarixində arxivləşdirilib. İstifadə tarixi: 17 August 2011.
- ↑ "Almaniyanın köklü bankı "əsməyə" başlayıb - ANALİTİKA". 2021-04-21 tarixində arxivləşdirilib. İstifadə tarixi: 2019-07-20.
- Deutsche Bank
- Deutsche Bank üçün biznes datası:
- ZBW-nin XX əsrin mətbuat arxivində Deutsche Bank Documents and clippings about
- Historical Association of Deutsche Bank
- Deutsche Bank in the en:Federal Financial Supervisory Authority (BaFin) database
- Literature by and about Deutsche Bank in the en:German National Library