Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinDalqona (kor. 달고나) və ya ppopqi (kor. 뽑기) – Cənubi Koreya mətbəxinə aid şirniyyat növü. Əridilmiş şəkər və çörək sodası ilə hazırlanır.[1][2] 1960-cı illərdən etibarən Cənubi Koreyada populyar küçə yeməyidir və retro qida kimi istehlak olunur.[3]
"Dalqona" sözü əslində qlükoza ilə hazırlanan bahalı şirniyyatı, "ppopqi" isə ulduz və dairə kimi formalarda hazırlanan və şəkərdən hazırlanan şirniyyatı bildirən termindir. Lakin daha sonra "dalqona" sözü ppopqi ilə eyni şirniyyatı bildirmək üçün istifadə olunmağa başlamışdır.[4][5] Cənubi Koreyanın bəzi regionlarında şirniyyat fərqli adlarla tanınır. Məsələn, Tequ şəhərində şirniyyat "kukça" kimi tanınır.[6]
Dalqona Cənubi Koreya mənşəli şirniyyatdır. Hazırlanması üçün şəkərdən və çörək sodasından istifadə olunur. Çörək sodasının termal parçalanması karbon dioksidin ayrılmasına səbəb olur. Karbon dioksidin təsiri ilə qabaran maye şəkərin soyumasından sonra yüngül və xırtıldayan şirniyyat hazır olur.[7]
Dalqona hazırlanarkən üzərinə kremli maye əlavə olunur, preslenir və üzərində ulduz və ya ürək formasında olan qəlib izi buraxılır. İstehlakçılar bu formanı şirniyyatın geri qalan hissəsindən kəsməyə və formanı sındırmadan şirniyyatı yeməyə çalışırlar.[7] Ənənəvi olaraq istehlakçı şirniyyatı sındırmadan verilmiş formanı uğurla kəsə bilsə, o, satıcıdan pulsuz bir dalqona daha əldə edir.[8]
Cənubi Koreyada müasir kafelər dalqona əsasında kofe içkiləri servis edir. Belə ki, dalqona təamlı kofe kremi buzlu çayın və ya kofenin üzərinə əlavə olunur.[9] Bəzi kafelər dalqonadan binsu kimi şirniyyatların hazırlanmasında istifadə edir.[10][11]
Dalqona "Netflix" tərəfindən istehsal olunmuş "Kalmar oyunu" serialının bir epizodunda yer almışdır. Serialdakı ikinci oyunda iştirakçılar dalqona oyununun ölümcül versiyasını oynayırlar. Serialın uğuru və beynəlxalq populyarlığı şirniyyatın Cənubi Koreyada populyarlığının artmasına səbəb olmuşdur.[12][13] Küçə şirniyyatı kimi satılan dalqonanın istehlakı 2 dəfə artmış və xaricilər şirniyyata daha çox maraq göstərmişdir.[14][15] "TikTok" və "YouTube" kimi sosial media istifadəçiləri şirniyyatı evdə bişirmə videoları çəkmişdirlər.[16]
-
Uşaq dalqona oyunu oynayır -
Dalqona təamlı popkorn -
Dalqonalar -
- ↑ AsiaToday. "Korean Cuisine Introduced at JNU International Food Festival". Huffington Post. 31 yanvar 2017. 27 avqust 2017 tarixində arxivləşdirilib. İstifadə tarixi: 24 yanvar 2025.
- ↑ Cho, Chung-un. "[Eye Plus] Forgotten past relived at Tongin Market". The Korea Herald. 24 fevral 2017. 19 oktyabr 2021 tarixində arxivləşdirilib. İstifadə tarixi: 24 yanvar 2025.
- ↑ Seoul Metropolitan Government. Seoul Guide Book. Seoul: Gil-Job-E Media. 2010. 150.
- ↑ Kim sung yoon. "[아무튼, 주말] 침 바른 이정재는 반칙, 바늘 달군 한미녀가 정답?". Chosun Ilbo. 9 oktyabr 2021. 28 yanvar 2025 tarixində arxivləşdirilib. İstifadə tarixi: 24 yanvar 2025.
- ↑ Ko seok hyun. "이정재가 핥은건 가짜 달고나? '오징어게임' 속 뜻밖 논란". JoongAng Ilbo. 5 oktyabr 2021.
- ↑ "'뽑기' '달고나' 어떻게 부르셨나요?". Moneytoday. 14 aprel 2015. 31 yanvar 2025 tarixində arxivləşdirilib. İstifadə tarixi: 24 yanvar 2025.
- ↑ 1 2 Sohn, Ji-young. "Creative, eye-catching goods available at Seoul Design Market". The Korea Herald. 3 dekabr 2015. 26 oktyabr 2021 tarixində arxivləşdirilib. İstifadə tarixi: 24 yanvar 2025.
- ↑ "How to Make Dalgona Candy! Play Ppopgi from Squid Game". Honest Food Talks (ingilis). 30 sentyabr 2021. 19 oktyabr 2021 tarixində arxivləşdirilib. İstifadə tarixi: 24 yanvar 2025.
- ↑ Chan, Bernice. "Story behind dalgona coffee, coronavirus social media craze with roots in South Korea". South China Morning Post. 7 aprel 2020. 25 noyabr 2021 tarixində arxivləşdirilib. İstifadə tarixi: 24 yanvar 2025.
- ↑ 김, 나경. "'아내의 맛' 홍현희♥제이쓴, #100억 매출 카페CEO #달고나 수플레의 운명". The Korea Economic Daily (koreya). 10 mart 2021. 1 may 2021 tarixində arxivləşdirilib. İstifadə tarixi: 24 yanvar 2025.
- ↑ 김, 경희. "빙수·스무디·플랫치노 등 이른 더위에 여름 시즌 음료 잇달아 출시". digitalchosun (koreya). 29 aprel 2021 tarixində arxivləşdirilib. İstifadə tarixi: 24 yanvar 2025.
- ↑ Schlitz, Heather. "I tried making the dalgona candy popularized worldwide by 'Squid Game' and TikTok, and it was surprisingly easy". Business Insider (ingilis). 25 iyun 2022 tarixində arxivləşdirilib. İstifadə tarixi: 24 yanvar 2025.
- ↑ "Here's how to make viral Dalgona candy from Netflix's Squid Game". The Indian Express (ingilis). 5 oktyabr 2021. 14 iyul 2022 tarixində arxivləşdirilib. İstifadə tarixi: 24 yanvar 2025.
- ↑ Park, Minwoo; Cha, Sangmi. "Seller basks in 'Squid Game' fame of his 'sweet and deadly' treat". Reuters (ingilis). 1 oktyabr 2021. 11 noyabr 2021 tarixində arxivləşdirilib. İstifadə tarixi: 24 yanvar 2025.
- ↑ Morales, Christina. "Why Is Everyone Talking About Dalgona Candy?". The New York Times. 5 oktyabr 2021. 1 yanvar 2022 tarixində arxivləşdirilib. İstifadə tarixi: 24 yanvar 2025.
- ↑ Breen, Kerry. "What is the 'Squid Game' cookie craze? The viral food challenge explained". TODAY.com (ingilis). 29 sentyabr 2021. 29 sentyabr 2021 tarixində arxivləşdirilib. İstifadə tarixi: 24 yanvar 2025.