Culius Adams Stretton (ing. Julius Adams Stratton; 18 may 1901[1], Sietl, Vaşinqton – 22 iyun 1994, Boston)[6] — tətbiqi elektromaqnetizm sahəsindəki töhfələri ilə tanınan amerikalı elektrotexnik, fizik və universitet inzibatçısı olmuşdur. O, bir il Vaşinqton Universitetində təhsil almış, burada "Zeta Psi" tələbə birliyinə qəbul olunmuş, daha sonra isə Massaçusets Texnologiya İnstitutuna keçmişdir. Stretton orada elektrik mühəndisliyi ixtisası üzrə 1923-cü ildə bakalavr, 1926-cı ildə isə magistr dərəcəsini tamamlamışdır. Daha sonra Avropada doktorantura təhsili almış və 1928-ci ildə Sürix Federal Texnologiya İnstitutu tərəfindən ona elmlər doktoru dərəcəsi verilmişdir.[7]
| Culius Adams Stretton | |
|---|---|
| Doğum tarixi | 18 may 1901[1] |
| Doğum yeri | |
| Vəfat tarixi | 22 iyun 1994 (93 yaşında) |
| Vəfat yeri |
|
| Elm sahələri | elektrik mühəndisliyi |
| Elmi dərəcəsi | |
| İş yerləri | |
| Təhsili | |
| Elmi rəhbərləri | Herman Veyl[3] |
| Üzvlüyü |
|
| Mükafatları |
 |
Stretton doktorluq müdafiəsindən sonra MIT-nin Elektrotexnika fakültəsində assistent professor vəzifəsinə təyin edilmişdir. 1930-cu ildə onun fəaliyyəti Fizika fakültəsinə keçirilmiş, 1941-ci ildə isə o, professor dərəcəsinə yüksəlmişdir. O, 1940-cı ildə MIT Radiasiya Laboratoriyasına qoşulan ilk əməkdaşlardan biri olmuşdur.[8]
1941-ci ildə o, "McGraw Hill" nəşriyyatının "Nəzəri və Tətbiqi Fizika" seriyası çərçivəsində klassik hesab olunan "Elektromaqnit Nəzəriyyəsi" (Electromagnetic Theory) kitabını nəşr etdirmişdir. Strettonun bu əsəri nəşr olunduğu gündən bəri həm fizika, həm də elektrotexnika mühitində elektromaqnetizm üzrə magistratura və doktorantura təhsilinin ayrılmaz tərkib hissəsinə çevrilən ən nüfuzlu dərsliklərdən biri olmuşdur.[9] Tanınmış fizik Con Devid Cekson Strettonun kitabını özünün "müqəddəs kitabı" kimi təsvir etmiş[10] və mürəkkəb elektromaqnetizm elmini öyrənmək üçün məhz bu vəsaitdən istifadə etdiyini bildirmişdir.[11] Culian Şvinqer də bu kitabı ən zəruri elektromaqnit dərsliklərindən biri kimi xarakterizə etmişdir.[12] 2007-ci ildə Strettonun kitabı Elektrotexnika və Elektronika Mühəndisləri İnstitutu tərəfindən "IEEE Press: Elektromaqnit Dalğa Nəzəriyyəsi" seriyasında klassik yenidən nəşrlərdən biri kimi təkrar çap olunmuşdur.[13] Bu kitab elektrotexnika ictimaiyyəti tərəfindən yenidən nəşr olunması ən çox tələb edilən klassik dərsliklərdən biri idi. Sözügedən seriyanın redaktoru Donald Q. Dadlinin sözlərinə görə, 2007-ci ildəki təkrar nəşrdən əvvəlki on iki il ərzində o, dünyanın dörd bir yanından kitabın yenidən çap edilməsi üçün çoxsaylı müraciətlər almışdı.[9]
- 1 2 Julius Adams Stratton // SNAC (ing.). 2010.
- ↑ https://search.amphilsoc.org/memhist/search?creator=&title=&subject=&subdiv=&mem=&year=1956&year-max=&dead=&keyword=&smode=advanced.
- 1 2 Riyazi genealogiya layihəsi (ing.). 1997.
- ↑ Julius A. Stratton – NAS.
- ↑ Julius Adams Stratton | American Academy of Arts and Sciences.
- ↑ "President Emeritus Julius Adams Stratton dies at 93". 29 iyun 1994.
- ↑ Stratton, Julius Adams. Streuungskoeffizient von Wasserstoff nach der Wellenmechanik [Scattering coefficient of hydrogen in wave mechanics] (Ph.D.). Eidgenössische Technische Hochschule Zürich. 1928. OCLC 720868304. ProQuest 301803695.
- ↑ Gray, P. E. "Julius Adams Stratton [Obituary]". Physics Today. 48 (1). 1 yanvar 1995: 67–68. doi:10.1063/1.2807887. ISSN 0031-9228. İstifadə tarixi: 3 yanvar 2024.
- 1 2 Stratton, J. A. Electromagnetic Theory. "Foreword to the Reissued Edition" by D. G. Dudley. Wiley-IEEE. 2007. səh. v. doi:10.1002/9781119134640. ISBN 9781119134640. İstifadə tarixi: 9 fevral 2024.
- ↑ Jackson, J. D. "Snapshots of a Physicist's Life". Annual Review of Nuclear and Particle Science. 49 (1). 1999: 1–33. Bibcode:1999ARNPS..49....1J. doi:10.1146/annurev.nucl.49.1.1. ISSN 0163-8998. İstifadə tarixi: 24 fevral 2024.
- ↑ Jackson, J. D. "Jackson's Electromagnetic Antecedents". American Journal of Physics. 69 (6). 2001: 631. Bibcode:2001AmJPh..69..631J. doi:10.1119/1.1286665. ISSN 0002-9505. İstifadə tarixi: 24 fevral 2024.
- ↑ Schwinger, J.; DeRaad, L. L.; Milton, K. A.; Tsai, W. Y. Classical Electrodynamics. Taylor & Francis. 2018. səh. 561. doi:10.1201/9780429503542. ISBN 978-0-429-50354-2. İstifadə tarixi: 24 fevral 2024.
- ↑ Dudley, D. G. "The IEEE Series on Electromagnetic Wave Theory". IEEE Antennas and Propagation Magazine. 48 (6). 2006: 126–127. Bibcode:2006IAPM...48f.126D. doi:10.1109/MAP.2006.323368. ISSN 1558-4143.