"Criminal" (tərc. "Cinayətkar") — ABŞ müğənnisi Fiona Epplın 1997-ci il iyunun 2-də çıxmış mahnısı. Mahnı onun debüt albomu "Tidal"dan götürülərək üçüncü sinql kimi buraxılıb. Mahnının yayımını "Work Records" və "Columbia Records" şirkətləri ediblər.
| "Criminal" | ||||
|---|---|---|---|---|
 | ||||
| Fiona Eppl tərəfindən Tidal albomunda ifa olunmuş sinql | ||||
| B tərəfi | "Sleep to Dream" | |||
| Yayımlanma tarixi | 2 iyun 1997 | |||
| Janr | ||||
| Müddət | 5:41 | |||
| Prodüser | Endrü Sleyter | |||
| Leybl | Columbia Records | |||
| Studiya | Ocean Way Recording (Los-Anceles) | |||
| Fiona Eppl sinqllarının xronologiyası | ||||
|
||||
Mahnının mənası barədə danışan Fiona açıqlayıb ki, əsərdə öz cinsiyyətindən istifadə edərək asanca əldə etdiyi şeylərə görə duyduğu peşmançılıq hissi əks olunur.[4]
"Criminal" müğənninin ən uğurlu mahnısı sayılır. "Billboard Hot 100" listində 21-ci yerə qədər qalxıb və 2026-cı ilə qədər bu listə düşən yeganə mahnısıdır. Bundan əlavə, "Billboard Modern Rock Tracks" siyahısında 4-cü yeri tutub.
Mahnı 40-cı "Qremmi" mükafatlandırma mərasimində "Ən yaxşı qadın rok vokal ifası" nominasiyasında "Qremmi" mükafatını əldə edib və eyni zamanda "Ən yaxşı rok mahnısı" kateqoriyasında da namizədliyi irəli sürülüb. Bu mahnı həmçinin "VH1" telekanalının "90-cı illərin ən möhtəşəm 100 mahnısı" adlı reytinqində 55-ci sırada yerləşib.[5] "Blender" jurnalının 2005-ci ildə oxucularına təqdim etdiyi "Dünyaya gəldiyiniz gündən bəri bəstələnmiş ən böyük 500 mahnı" siyahısında "Criminal" 71-ci mövqeni tutub.
Mahnının videoçarxı 1997-ci ilin mayında Mark Romanekin rejissorluğu ilə hazırlanıb, çəkiliş işlərini isə Harris Savides görüb. Təqdimatı bir ay sonra, iyun ayında reallaşıb.
Fionanın gözlərində görünən işıq əksetdirmə effektləri və digər vizual təkmilləşdirmələr Eş Bek adlı dizayner tərəfindən işlənib. Klipdə Fiona Eppl özünü müxtəlif kadrlarda, küskün və qismən yarıçılpaq vəziyyətdə göstərir. "The New Yorker" nəşri ifaçını "aclıqdan ərimiş 'Calvin Klein' manekeni kimi" səciyyələndirib.[6] Bu görünüş həmin dövrdə "heroin chic" adı ilə tanınırmış. Əsərdə vuayerizm və yeniyetməliyə keçid dövrü kimi mövzular öz əksini tapıb.[7] 1997-ci ildə klip "MTV Video Music Awards" təltifində "Ən yaxşı operatorluq" sahəsində mükafat qazanıb.
Videoklip "MTV" telekanalının 1997-ci ildəki "Beavis and Butt-Head Do Thanksgiving" xüsusi buraxılışında yer alıb.[8] Serialın uzun fasilədən sonra 2011-ci ildə yenidən ekranlara qayıtmasına qədər bu video ikili tərəfindən təhlil edilən sonuncu material olub.
- ↑ "Criminal [US]". AllMusic. 16 sentyabr 1997. İstifadə tarixi: 8 may 2024.
- ↑ O'Neill, Siobhan. Fiona Apple – Criminal // Dimery, Robert (redaktor). 1001 Songs You Must Hear Before You Die. New York: Universe. 2015. səh. 750.
- ↑ Pareles, Jon. "Songs From the Roots Of a 19-Year-Old Soul". The New York Times. 21 sentyabr 1996. 19 oktyabr 2009 tarixində arxivləşdirilib. İstifadə tarixi: 21 iyun 2025.
- ↑ "The 500 Greatest Songs Since You Were Born: 51–100". Blender. October 2005. Retrieved June 29, 2007. [ölü keçid]
- ↑ "VH1: 100 Greatest Songs of the '90s". VH1. 8 noyabr 2014 tarixində orijinalından arxivləşdirilib. İstifadə tarixi: 18 noyabr 2014.
- ↑ Frere-Jones, Sasha. "Extraordinary Measures" Arxivləşdirilib yanvar 1, 2021, at the Wayback Machine. The New Yorker. October 10, 2005. Retrieved June 18, 2007.
- ↑ Zeltner, Mark. "Fiona Apple's 'Criminal' and Video Voyeurism for the '90s" Arxivləşdirilib fevral 7, 2018, at the Wayback Machine. Images, issue 5. Retrieved June 28, 2007.
- ↑ Kain. "Top Thanksgiving Cartoon Specials". 95 Rock KKNN (ingilis). 22 noyabr 2012. 6 dekabr 2019 tarixində arxivləşdirilib. İstifadə tarixi: 19 yanvar 2020.