Cozef Debone Qrex (17 sentyabr 1939, Malta) — Avropa Şurası Parlament Assambleyasının Azərbaycan üzrə həmməruzəçisi, maltalı parlamentar.
| Cozef Debone Qrex | |
|---|---|
| Doğum tarixi | |
| Doğum yeri | |
| Fəaliyyəti | siyasətçi |
| Partiyası | |
Qrex 1939-cu il sentyabrın 17-də anadan olub. Malta Nümayəndələr Palatasının üzvüdür.
1958-ci ildə Malta Əmək Partiyasında katib və partiyanın bir neçə qolunun rəhbəri kimi fəaliyyətə başlayıb. 1959-ci ildə Əmək Briqadasının əsasını qoyanlardan biri olub. 1967-ci gənclər katibi, 1969-cu ildə partiya işləri üzrə sədr müavini seçilib. 1971-ci ildə Malta parlamentinə seçilib. O zamandan deputatdır.
1983-cü ildə Maltanın maliyyə və investisiya naziri, 1996-cı ildə nəqliyyat və limanlar naziri olub. 2003-2008-ci illərdə Malta beynəlxalq aeroportu və ölkə təhlükəsizliyi üzrə kölgə naziri kimi fəaliyyət göstərib. Hazırda müdafiə və limanlar üzrə kölgə naziridir.
Təmsil etdiyi Əmək Partiyası hazırda Maltada müxalifətdədir.
Qrex 1999-2003-cü illərdə AŞPA-da əvəzedici üzv statusunda təmsil olunub. 2004-cü ildən ölkəsinin AŞPA-dakı nümayəndə heyətinin üzvüdür. Sosialistlər fraksiyasında təmsil olunur.
AŞPA-nın monitorinq, eləcə də mədəniyyət, elm və təhsil komitələrinin üzvüdür. Bununla yanaşı, yerli və regional demokratiya, mədəni irs, Avropa mükafatı, gənclər və idman alt komitələrində də təmsil olunur.
2009-cu il noyabrın 18-də Monitorinq Komitəsinin Parisdə keçirilən iclasında Azərbaycan üzrə həmməruzəçi seçilib.