Cose della vita

Cose della vita — orijinalı 1993 - cü ildə Eros Ramazotti tərəfindən ifa edilmiş mahnı. Mahnı dünyada o qədər də böyük uğur qazanmamış və ən yüksək yerə İsveçrə hit-paradında qalxmışdır ki, burada da mahnının qazandığı zirvə yeddinci yer idi. Eros Ramazottinin Cose della vita mahnısına çəkdirdiyi klipin rejissoru Spike Lee olmuşdur.

"Cose Della Vita"
Eros Ramazotti və Tina Törner tərəfindən Eros albomunda ifa olunmuş sinql
Yayımlanma tarixi	1998
Format	sinql
Janr	pop, rock
Dil	ingilis dili, italyan dili
Müddət	04:48
Prodüser	Eros Ramazotti
Bəstəkar	Tina Törner və Eros Ramazotti
Sözlərin müəllifi	Tina Törner və Eros Ramazotti
Eros Ramazotti və Tina Törner sinqllarının xronologiyası
"In Your Wildest Dreams (with Barry White)" (1996) "Cose Della Vita" (1998) "When the Heartache Is Over" (1999)

"Cose della vita"
Eros Ramazotti tərəfindən Tutte storie albomunda ifa olunmuş mahnı
Yayımlanıb	1993
Janr	pop, rock
Dil	italyan dili
Müddət	04:05
Bəstəkar	Eros Ramazotti
Sözlərin müəllifi	Eros Ramazotti
Prodüser	Piero Cassano
Studiya	Vinyl Record

Mahnıya ikinci həyat isə Tina Törnerin sayəsində verilmişdir. Belə ki, 1997-ci ildə mahnı Eros Ramazotti və Tina Törnerin ifasında - bu dəfə duet şəklində yenidən lentə alınmışdır.

Tina Törner mahnını özünü yazdığı ingilis dilində olan sözlərlə ifa etmiş və bundan sonra mahnı "Cose Della Vita - Can't Stop Thinking of You" adlandırılmışdır.

Mahnının duet versiyası dünyada böyük uğur qazanmış və sevilmişdir. Bir çox dünya ölkələrində hit-paradlarda da uğur qazanmış mahnı ən yüksək yerə Almaniya və Niderlandda yüksəlmiş və dördüncü yerə qədər irəliləmişdir.

Cose della vita mahnısı Tina Törnerin 2004 - cü ildə çıxardığı All the Best adlı albomuna da daxil edilmişdir.