Corcetto Cucaro (it. Giorgetto Giugiaro; 7 avqust 1938[1]) — İtalyan avtomobil dizayneri. 1999-cu ildə Cucaro "Əsrin Avtomobil Dizayneri" mükafatını aldı və 2002-ci ildə Avtomobil Şöhrət Zalına daxil edildi. Avtomobillərlə yanaşı Cucaro həmçinin Nikon, Telia mobil telefonları, Toskanadakı "Lungomare di Porto Santo Stefano" üçün kamera gövdələri, Apple üçün kompüter prototipləri dizayn etdi və yeni bir makaron forması olan "Marille" yaratdı.[2][3]
| Corcetto Cucaro | |
|---|---|
| it. Giorgetto Giugiaro | |
.jpg) | |
| Doğum tarixi | 7 avqust 1938[1] (87 yaş) |
| Fəaliyyəti | iş adamı |
| Mükafatları |
 |
| italdesign.it/home | |
 Vikianbarda əlaqəli mediafayllar | |
Corcetto Cucaro 7 avqust 1938-ci ildə Pyemont bölgəsində yerləşən Qaressio şəhərində anadan olmuşdur. Corcetto Cucaronun dizayn sahəsinə gəlişi təsadüfi deyildi. Onun atası və babası rəssam idilər və bu onun estetik baxışının inkişafında mühüm rol oynadı. O, Turində yerləşən "Accademia di Belle Arti" sənət məktəbində təhsil alıb və burada dizayna olan qabiliyyətini inkişaf etdirib. 17 yaşında olarkən Fiat şirkətində işləməyə başladı və burada ilk eskizlərini yaratdı.[4][5] Fiatdan sonra "Bertone" və "Ghi"a dizayn studiyalarında çalışan Corcetto Cucaro burada öz unikal üslubunu formalaşdırdı. O, 1968-ci ildə "Italdesign Giugiaro" adlı öz dizayn studiyasını yaratdı. Bu studiya dünyanın ən tanınmış avtomobil markaları ilə işləyərək, müasir və futuristik dizaynları ilə avtomobil dünyasında yeni bir dövr açdı.
Corcetto Cucaronun imzası olan avtomobillər dünya avtomobil sənayesinə dərin təsir göstərmişdir. Onun dizayn etdiyi bəzi ən məşhur modellərə aşağıdakılar daxildir:
- Volkswagen Golf Mk1 (1974) – Bu model kompakt avtomobil sinfində inqilab yaratdı və geniş populyarlıq qazandı.
- DeLorean DMC-12 (1981) – "Gələcəyə qayıdış" (Back to the Future) filmi ilə məşhurlaşan bu avtomobil futuristik dizaynı ilə tanınır.
- Fiat Panda (1980) – Sadə və funksional dizaynı ilə uzun illər populyarlığını qoruyub saxladı.
- Lancia Delta (1979) – Ralli yarışlarında uğurlar qazanan bu avtomobil idman avtomobilləri tarixində əhəmiyyətli yer tutur.
- BMW M1 (1978) – Bu model BMW-nin ilk rəsmi superkarı kimi qəbul edilir və idman avtomobil dünyasında mühüm rol oynayıb.
Corcetto Cucaro öz yaradıcılığı ilə bir çox beynəlxalq mükafatlar qazanmışdır. 1999-cu ildə o, dünyanın ən nüfuzlu avtomobil dizaynerlərindən biri kimi "Əsrin Avtomobil Dizayneri" (Car Designer of the Century) adına layiq görülmüşdür.[6]
- Галерея
-
Alfa Romeo Giulia Sprint GT -
VW Golf I -
-
Lotus Esprit S1 -
1988 AMC/Eagle Premier Corcetto Cucaronun adı olan -
-
2008 Ford Mustang Giugiaro Concept -
-
- ↑ 1 2 RKDartists (nid.).
- ↑ "Giorgetto Giugiaro Awarded Place of Honor at the Detroit "Automotive Hall of Fame"". Giugiaro news. 6 may 2008 tarixində orijinalından arxivləşdirilib. İstifadə tarixi: 25 yanvar 2016.
- ↑ "A Giugiaro il sesto compasso d'oro". repubblica.it. 29 may 2014. İstifadə tarixi: 12 yanvar 2024.
- ↑ "Comune Monte argentario". İstifadə tarixi: 3 may 2020.
- ↑ "Navigation promenade Porto Santo Stefano". 3 aprel 2016 tarixində orijinalından arxivləşdirilib. İstifadə tarixi: 3 may 2020.
- ↑ "LSD Magazine". 27 iyun 2020 tarixində orijinalından arxivləşdirilib. İstifadə tarixi: 10 may 2020.
- Italdesign, Giugiaro's industrial design group
- Coachbuild.com Encyclopedia: Giugiaro Arxivləşdirilib 2021-07-24 at the Wayback Machine
- Bontempi Minstrel
- BMW Designers An overview of automotive designers working for BMW.