Corc Floyd (14 oktyabr 1973[2], Feyetvill[d], Şimali Karolina[3] – 25 may 2020[4], Minneapolis, Minnesota, ABŞ[4]) — repçi, basketbolçu.
| Corc Floyd | |
|---|---|
| George Floyd | |
.jpg) | |
| Digər adları | Big Floyd, Big George, Perry, G |
| Doğum tarixi | |
| Doğum yeri | Fayetteville, Şimali Karolina, ABŞ |
| Vəfat tarixi | (46 yaşında) |
| Vəfat yeri | Minneapolis, Minnesota, ABŞ |
| Vəfat səbəbi | boğulma[1] |
| Vətəndaşlığı | ABŞ |
| Uşağı | 5 |
| Atası | George Perry Floyd Sr. |
| Anası | Larcenia Jones Floyd |
| Milliyyəti | Afroamerikalı |
| Fəaliyyəti | repçi, basketbolçu |
 Vikianbarda əlaqəli mediafayllar | |
Corc Floyd ABŞın Şimali Karolina ştatının Fayetteville şəhərində anadan olmuşdur. Floyd Texas ştatında Houston şəhər mərkəzinin cənubunda qaradərililərin sıx yaşadığı Uçüncü Bölgədə böyüyüb. Məşhur müğənni Beyonsun də doğulub böyüdüyü bu məhəllədə həm də blyuz musiqisinin önəmli nümayəndələri yetişib. Floydun ölümündən sonra məlum olan faktlardan biri də budur ki, 1990-cı illərdə o, hip-hop tərzinin yaradıcısı, məşhur hyustonlu DJ Screw ilə birlikdə çalışıb. 20-ci əsr boyu davam edən irqi problemlər Üçüncü Bölgədə də kəskin hiss olunub, son illərdə isə bura qanqster müharibələriylə, evsizlik probleminin yaratdığı gərginliklərlə məşhurlaşıb.
Boyu 2 metrdən çox olan Floyd hələ gənc yaşlarından idmana maraq göstərməyə başlayıb, basketbol və Amerika futbolu üzrə xüsusi qabiliyyət nümayiş etdirib. Məktəb illərində Floyd basketbol və futbol yarışlarında iştirak etmişdir. Daha sonra "Screwed Up Click" adlı hip-hop musiqi qrupunda çıxış etmişdir. "Big Floyd" ləqəbi ilə tanınmışdır.[5][6] Hyustonda Yates Liseyində Amerika futbolu oynayıb, liseyin komandası 1992-ci ildə Texas çempionatında ikinci yeri tutub. Floyd daha sonra Floridadakı Cənubi Florida Dövlət Kollecinin basketbol komandasına dəvət alıb və 1993–95-ci illərdə orda təhsil alıb. Sonrakı illərdə o, Texasa qayıdaraq universitetə daxil olub, ancaq təhsilini davam etdirməyib. Bundan sonra həyatının yönü dəyişib. Oğurluğa və narkotik maddə daşımaya görə bir neçə dəfə saxlanıb. 2007-ci ildə oğurluğa görə həbs edilən Floyd 5 il həbs cəzası alıb.
Floyd cəza evindən çıxandan sonra məhəllələrindəki Resurrection Houston kilsəsiylə münasibətlərini yaxşılaşdırıb. Silahlı zorakılıq hadisələrini qınadığı və gəncləri "evə qayıtmağa" çağırdığı videomüraciəti Floydun 2017-ci ildə hazırladığı güman olunur. Hazırda bu video sosial şəbəkələrdə geniş yayılmaqdadır. 2018-ci ildə bir xristian təşkilatının vasitəçiliyilə Floyd Minnesotaya köçüb. Salvation Army Fondunun mühafizə xidmətində iş tapan Floyd daha sonra yük maşını sürücüsü də işləyib.
"Covid-19" pandemiyasına görə xeyli sayda iş yerləri bağlandığı üçün bir çox amerikalı kimi Floyd da işsiz qalıb. Sonuncu dəfə 2020-ci il mayın 25-də həbs edildiyi gün o, saxta 20 dollarlıq əskinasla siqaret almaq istəyib. Derek Michael Chauvin adlı ağdərili polis işçisi Corc Floydu həbs edərkən diziylə boynunu sıxıb və bu onun ölümünə səbəb olub.[7]
- ↑ Video Of Fatal Arrest Shows Minneapolis Officer Kneeling On George Floyd’s Neck For Several Minutes. Columbia Broadcasting System, 2020.
- ↑ Find a Grave (ing.). 1996.
- ↑ https://www.usatoday.com/story/news/2020/05/28/george-floyd-remembered-gentle-giant-family-calls-death-murder/5265668002/.
- ↑ 1 2 https://www.lemonde.fr/international/article/2020/05/27/quatre-policiers-limoges-apres-la-mort-d-un-noir-lors-de-son-interpellation-aux-etats-unis_6040859_3210.html.
- ↑ "Arxivlənmiş surət". 2020-05-29 tarixində arxivləşdirilib. İstifadə tarixi: 2020-06-05. (#redundant_parameters); (#redundant_parameters); (#redundant_parameters)
- ↑ "Arxivlənmiş surət". 2020-06-03 tarixində arxivləşdirilib. İstifadə tarixi: 2020-06-05. (#redundant_parameters); (#redundant_parameters); (#redundant_parameters)
- ↑ "Ölümü ilə ABŞ-ni ayağa qaldıran, Trampı bunkerdə gizlənməyə məcbur edən Corc Floyd". 2021-09-27 tarixində arxivləşdirilib. İstifadə tarixi: 2020-06-06. (#redundant_parameters); (#redundant_parameters); (#redundant_parameters)