Con Çarlton Polkinhorn (ing. John Charlton Polkinghorne; 16 oktyabr 1930[1], Ueston-super-Mer[d] – 9 mart 2021[2], Kembric) — kornuollu nəzəri fizik, ilahiyyatçı və anqlikan keşişi.[5] Elm və din arasındakı münasibətləri şərh edən ən görkəmli və aparıcı simalardan biri sayılan Polkinhorn, 1968-ci ildən 1979-cu ilə qədər Kembric Universitetində riyazi fizika professoru vəzifəsində çalışmışdır. O, 1979-cu ildə keşişlik təhsili almaq üçün professorluq kürsüsündən istefa vermiş və 1982-ci ildə anqlikan keşişi rütbəsinə təyin edilmişdir. Polkinhorn 1988-ci ildən 1996-cı ilə qədər Kembricdəki "Queens' College"in prezidenti vəzifəsini icra etmişdir.
| Con Polkinhorn | |
|---|---|
| ing. John Polkinghorne | |
 | |
| Doğum adı | John Charlton Polkinghorne[1] |
| Doğum tarixi | 16 oktyabr 1930[1] |
| Doğum yeri |
|
| Vəfat tarixi | 9 mart 2021[2] (90 yaşında) |
| Vəfat yeri | |
| Elm sahələri | teologiya[3], fizika, riyazi fizika[3] |
| İş yerləri |
|
| Təhsili |
|
| Elmi rəhbərləri | Əbdus Salam[4], Pol Dirak[4] |
| Üzvlüyü | |
| Mükafatları |
  |
 Vikianbarda əlaqəli mediafayllar | |
Polkinhorn fizika sahəsində beş, elm və dinin qarşılıqlı əlaqəsi mövzusunda isə iyirmi altı kitabın müəllifidir.[6] Onun nəşrləri sırasına "Kvant Dünyası" (1989), "Kvant Fizikası və Teologiya: Gözlənilməz Qohumluq" (2005), "Reallığın Tədqiqi: Elm və Dinin Çulğalaşması" (2007) və "Həqiqət Sualları" (2009) kimi əsərlər daxildir. Tomas Cey Oordun redaktorluğu ilə işıq üzü görən "The Polkinghorne Reader" kitabı müəllifin ən nüfuzlu kitablarından seçilmiş əsas fraqmentləri özündə cəmləşdirir. O, 1997-ci ildə cəngavər rütbəsinə layiq görülmüş, 2002-ci ildə isə həyatın mənəvi ölçüsünün təsdiqinə verdiyi müstəsna töhfələrə görə 1 milyon funt sterlinq dəyərində "Templeton mükafatı" almışdır.[7]
- 1 2 3 4 5 6 7 8 Maktutor riyaziyyat tarixi arxivi. 1994.
- 1 2 https://queens.shorthandstories.com/college-announcement-john-polkinghorne/.
- 1 2 Çex Milli Hakimiyyət Məlumat bazası.
- 1 2 3 Riyazi genealogiya layihəsi (ing.). 1997.
- ↑ Daily Telegraph, Issue no 51,581 dated Friday 19 March 2021 p. 29 (Obituaries) "The Reverend Canon John Polkinghorne- Theoretical physicist who advanced the understanding of quantum theory before becoming a clergyman".
- ↑ Metaxas, 2011. səh. 361
- ↑ "Participants: John Charlton Polkinghorne". The Humble Approach Initiative. West Conshohocken, Pennsylvania: John Templeton Foundation. 2005. 27 sentyabr 2007 tarixində arxivləşdirilib. İstifadə tarixi: 17 iyun 2010.