Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin"Combat 18" (qısaca "C18") — 1992-ci ildə Britaniya Milli Cəbhəsi ilə "Chelsea Headhunters" fanat qrupu arasında bağlanan razılaşmadan sonra neonasist "Blood and Honour" təşkilatı tərəfindən qurulan Britaniya sağçı radikal terror təşkilatı. Təşkilat üzvləri immiqrantların, "Avropa görünüşlü olmayan" insanların və C18-in digər üzvlərinin qətllərində şübhəli bilinir.[1] 18 rəqəmi nasist mühitində Adolf Hitlerin adına işarədir (1 — "A" hərfi, 8 — "H" hərfi). "Combat 18" üzvlərinin Britaniya həbsxana xidmətində[2] və polis sistemində[3] işləməsi qadağandır.
| Combat 18 C18 | |
|---|---|
 | |
| Yaranma tarixi | 1992 |
| Mərkəzi | |
| combat18.net | |
 Vikianbarda əlaqəli mediafayllar | |
1992-ci ilin əvvəllərində ifrat sağçı Britaniya Milli Partiyası (BNP) öz tədbirlərini antifaşistlərdən qorumaq məqsədilə "Combat 18"i rəhbər qrup kimi formalaşdırmışdır. Təşkilatın qurucuları Çarli Sarcent və Harold Kovinqton olmuşdur.[4] Qrupun yaradıcıları Vilyam Pirsın ideyalarından təsirlənmişdir.[5]
C18 qısa müddətdə immiqrantlara, etnik azlıqlara və solçulara qarşı zorakılıq təhdidləri ilə ölkənin diqqətini cəlb etmişdir.[6] 1992-ci ildə siyasi rəqiblərin şəkillərini, adlarını və ünvanlarını özündə əks etdirən "Redwatch" jurnalını nəşr etməyə başlamışdır. "Combat 18" açıq neonasist qruplaşma olaraq zorakılığı müdafiə etmiş və seçkiləri rədd etmişdir. Bu səbəbdən Sarcent 1993-cü ildə Britaniya Milli Partiyasından qəti şəkildə ayrılmışdır.[7]
- ↑ "Ex-Combat 18 man speaks out". BBC News. 25 noyabr 2001. 26 may 2007 tarixində arxivləşdirilib. İstifadə tarixi: 25 iyun 2014.
- ↑ Staff Membership of Racist Groups and Organisations: Annex A Arxivləşdirilib 2011-08-25 at the Wayback Machine, HM Prison Service, 2001
- ↑ BBC News, "Officer resigns over BNP badge" Arxivləşdirilib 2008-10-04 at the Wayback Machine 3 October 2008
- ↑ BNP Under the skin: 1992 Arxivləşdirilib 2018-06-26 at the Wayback Machine, BBC, 2001
- ↑ Patrik Hermansson. "From the HOPE not hate Archive: Accelerationism, Leaderless resistance and Combat 18" (ingilis). HOPE not hate. 30 oktyabr 2020. 4 yanvar 2023 tarixində arxivləşdirilib. İstifadə tarixi: 19 fevral 2025.
- ↑ World in Action documentary April 1993
- ↑ "BNP: under the skin" Arxivləşdirilib 2018-06-26 at the Wayback Machine, BBC, 2005